ಬೆಂಗಳೂರು: ನಾವು ನಿತ್ಯ ಆನ್ ಲೈನ್ ಪೇಮೆಂಟ್ ಗೆ ಬಳಸುವ ಗೂಗಲ್ ಪೇನಲ್ಲಿ (Google Pay) ಸಾಲವನ್ನೂ ಪಡೆಯಬಹುದಾಗಿದೆ. ಸುಮಾರು 30 ಸಾವಿರ ರೂಪಾಯಿಯಿಂದ 12 ಲಕ್ಷ ರೂಪಾಯಿವರೆಗೆ ಸಾಲ ಪಡೆಯಬಹುದಾಗಿದೆ. ಗ್ರಾಹಕರ ಸಿಬಿಲ್ ಸ್ಕೋರ್ ಆಧರಿಸಿ ಗೂಗಲ್ ಪೇ ಮೂಲಕ ಕ್ಷಣಾರ್ಧದಲ್ಲಿಯೇ ಸಾಲ ಪಡೆಯಬಹುದಾಗಿದೆ.
ಗೂಗಲ್ ಪೇ ಮಾಹಿತಿ ಪ್ರಕಾರ, ವೈಯಕ್ತಿಕ ಸಾಲಕ್ಕೆ ಕಂಪನಿಯು ಶೇ.11.25ರಷ್ಟು ಬಡ್ಡಿದರ ನಿಗದಿಪಡಿಸಿದೆ. ಮಾಸಿಕ 2 ಸಾವಿರ ರೂ.ನಿಂದ ಇಎಂಐ ಪಾವತಿಸಬಹುದಾಗಿದೆ. 21 ವರ್ಷ ದಾಟಿದವರು ಸಾಲಕ್ಕೆ ಅರ್ಜಿ ಹಾಕಬಹುದಾಗಿದೆ. ಕನಿಷ್ಠ 6 ತಿಂಗಳಿಂದ 5 ವರ್ಷಗಳವರೆಗೆ ಇಎಂಐ ಆಯ್ಕೆ ಮಾಡಿಕೊಳ್ಳಬಹುದಾಗಿದೆ. ಮಾಸಿಕ ಗ್ರಾಹಕರ ಖಾತೆಯಿಂದಲೇ ಇಎಂಐ ಕಡಿತವಾಗುತ್ತದೆ.
ಸಾಲಕ್ಕೆ ಅರ್ಜಿ ಸಲ್ಲಿಸುವುದು ಹೇಗೆ?
- ಗೂಗಲ್ ಪೇ ಆ್ಯಪ್ ಓಪನ್ ಮಾಡಿ
- ಮನಿ ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ
- ಪರ್ಸನಲ್ ಲೋನ್ ಸೆಕ್ಷನ್ ನಲ್ಲಿ ಕ್ರೆಡಿಟ್ ಫಾರ್ ಯೂ ಎಂಬ ಆಪ್ಶನ್ ಮೇಲೆ ಕ್ಲಿಕ್ ಮಾಡಿ
- ಅಪ್ಲೈ ನೌ ಎಂಬ ಆಯ್ಕೆ ಮೇಲೆ ಕ್ಲಿಕ್ ಮಾಡಿ
- ಅಲ್ಲಿ ಕೇಳಿದ ಮಾಹಿತಿ ಒದಗಿಸಿ
- ಇ-ಕೆವೈಸಿ ದಾಖಲೆಗಳನ್ನು ಅಪ್ ಲೋಡ್ ಮಾಡಿ
- ಲೋನ್ ಅಗ್ರಿಮೆಂಟ್ ಗೆ ಇ-ಸೈನ್ ಅಪ್ ಲೋಡ್ ಮಾಡಿ
- ಲೋನ್ ಅಪ್ರೂವ್ ಆದ ಕೂಡಲೇ ನಿಮ್ಮ ಖಾತೆಗೆ ಸಾಲದ ಮೊತ್ತ ಜಮೆಯಾಗುತ್ತದೆ
ಗಮನಿಸಿ: ನಾವಿಲ್ಲಿ ಮಾಹಿತಿ ದೃಷ್ಟಿಯಿಂದ ಗೂಗಲ್ ಪೇ ಸಾಲ ಸೌಲಭ್ಯದ ಬಗ್ಗೆ ವಿವರಿಸಿದ್ದೇವೆ. ಗೂಗಲ್ ಪೇ ಪ್ರೊಸೆಸಿಂಗ್ ಫೀ, ಹಿಡನ್ ಚಾರ್ಜ್ ಗಮನಿಸಿಯೇ ಸಾಲ ಪಡೆಯುವುದು ಒಳಿತು. ಗೂಗಲ್ ಪೇ ಮೂಲಕ ಸಾಲ ಪಡೆಯಬೇಕು ಎಂಬುದು ನಮ್ಮ ಶಿಫಾರಸು ಅಲ್ಲ, ಮಾಹಿತಿ ನೀಡುವುದಷ್ಟೇ ನಮ್ಮ ಉದ್ದೇಶ.
