ಬಾಲಿವುಡ್ ನ ಮೊಘಲ್ ಎ ಆಜಂ ಸಿನಿಮಾ ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ. 1970ರಲ್ಲಿ ತೆರೆಗೆ ಬಂದ ಈ ಚಾರಿತ್ರಿಕ ಸಿನಿಮಾ ಬಿಡುಗಡೆಯಾಗಿ 65 ವರ್ಷಗಳೇ ಕಳೆದರೂ ಇಂದಿಗೆ ತನ್ನ ಛಾಪನ್ನ ಉಳಿಸಿಕೊಂಡಿದೆ.
ನಟ ದಿಲೀಪ್ ಕುಮಾರ್ ಮತ್ತು ಮಧುಬಾಲ ನಟನೆಯ ಸಿನಿಮಾದ ಪ್ಯಾರ್ ಕಿಯಾತೋ ಡರ್ನಾ ಕ್ಯಾ ಗೀತೆ ತಲೆಮಾರುಗಳೇ ಉರುಳಿದರೂ ಇಂದಿಗೂ ಹೊಚ್ಚ ಹೊಸದರಂತೆ ನಳನಳಿಸುತ್ತಲೇ ಉಳಿದಿದೆ. ಹಾಗಂತಾ ಈ ಗೀತೆ ನಿರ್ಮಾಣವಾಗಿದ್ದೇ ಒಂದು ರಣರೋಚಕ ಅಧ್ಯಾಯ.
ಇತ್ತೀಚೆಗೆ ಈ ಚಿತ್ರಗ ಬಗ್ಗೆ ನಡೆದ ಸಂವಾದದಲ್ಲಿ ಹಾಡು ಹುಟ್ಟಿದ ಬಗೆಯನ್ನು ತೆರೆದಿಡಲಾಗಿದೆ. ಈ ಗೀತೆಗೆ ಸಂಗೀತ ನಿರ್ದೇಶನ ನೀಡಿದ್ದು ನೌಶಾದ್. ಅವತ್ತು ಚಿತ್ರಗೀತೆ ಬರೆದ ಶಕೀಲ್ ರ ಬಳಿ ಹತ್ತಾರು ಬಾರಿ ಸಾಹಿತ್ಯವನ್ನು ನೌಶಾದ್ ಬದಲಿಸಿದ್ರಂತೆ. ಅಷ್ಟೇ ಅಲ್ಲಾ ಹಾಡನ್ನ ಹೊಸಬಗೆಯಲ್ಲಿ ರೆಕಾರ್ಡ್ ಮಾಡಲು ಬಯಸಿದ್ದ ನೌಶಾದ್ ಗೀತೆ ರೆಕಾರ್ಡ್ ಮಾಡಲು ಬಾತ್ ರೂಮ್ ನ್ನೇ ಸ್ಟುಡಿಯೋ ಆಗಿ ಪರಿಪರ್ತಿಸಿದ್ದರಂತೆ
ಈ ಬಾತ್ ರೂಂ ಸ್ಟುಡಿಯೋದಲ್ಲೇ ಗಾನ ಕೋಗಿಲೆ ಲತಾ ಮಂಗೇಶ್ವರ್ ಧ್ವನಿಯಾಗಿದ್ದು. ಅಷ್ಟಕ್ಕೂ ಈ ಗೀತೆ ಎಕೋ ಎಫೆಕ್ಟ್ ನಲ್ಲಿ ಬರಬೇಕು ಅಂತಲೇ ನೌಶಾದ್ ಈ ಪ್ರಯೋಗ ಮಾಡಿದ್ದರು ಎನ್ನಲಾಗಿದೆ. ಅಷ್ಟೇ ಅಲ್ಲಾ ಇಂದಿಗೂ ಇದು ಇತಿಹಾಸವಾಗಿ ಉಳಿದಿದೆ. ಈ ಗೀತೆಯನ್ನು ದೃಶ್ಯ ರೂಪಕ್ಕೆ ತರಲೆಂದೇ 1970ರಲ್ಲೇ 1 ಕೋಚಿ ಖರ್ಚು ಮಾಡಿ 2 ವರ್ಷಗಳ ಕಾಲ ಸೆಟ್ ನಿರ್ಮಿಸಿದ್ದೂ ಐತಿಹ್ಯವೇ ಸರಿ. ಇನ್ನು ಈ ಗೀತೆ ಅಂತಿಮ ರೂಪ ಪಡೆಯುವುದಕ್ಕೂ ಮುನ್ನ 105ಕ್ಕೂ ಹೆಚ್ಚು ಬಾರಿ ಸಂಕಲನಕ್ಕೊಳಪಟ್ಟಿದ್ದೂ ದಾಖಲೆಯೇ ಸರಿ.
