ಬೆಂಗಳೂರು: ಡಿಜಿಟಲ್ ಯುಗದಲ್ಲಿ, ಡೇಟಾ ಒಂದು ಅಮೂಲ್ಯ ಸಂಪತ್ತಾಗಿದೆ. ಆದರೆ, ಆಕಸ್ಮಿಕವಾಗಿ ಡೇಟಾವನ್ನು ಅಳಿಸಿಹಾಕುವುದು ವ್ಯಕ್ತಿಗಳಿಗೆ ಮತ್ತು ವ್ಯವಹಾರಗಳಿಗೆ ಸಾಮಾನ್ಯ ಸಮಸ್ಯೆಯಾಗಿದೆ. ಇದಕ್ಕೆ ಸ್ವಯಂಪ್ರೇರಿತ ತಪ್ಪುಗಳೇ ಕಾರಣ. ಅದೇ ರೀತಿ ಹಲವು ಸಾಧನಗಳಲ್ಲಿ ಕೆಲಸ ಮಾಡುವುದು, ರಿಮೋಟ್ ಡೆಸ್ಕ್‌ಟಾಪ್‌ಗಳು ಅಥವಾ ಕ್ಲೌಡ್ ಪ್ಲಾಟ್‌ಫಾರ್ಮ್‌ಗಳ ಬಳಕೆಯ ವೇಳೆಯೂ ಡೇಟಾಗಳು ಅಳಿಸಿ ಹೋಗಬಹುದು. ಕೆಲವೊಂದು ಬಾರಿ ಈ ಡೇಟಾವನ್ನು ರಿಕವರಿ ಮಾಡಲು ಅವಕಾಶ ಇದೆ. ಆದರೆ, ಡೇಟಾ ಅಳಿಸಿದ ನಂತರ ನಂತರ ಜನರು ಮಾಡುವ ಕೆಲವು ಸಾಮಾನ್ಯ ತಪ್ಪುಗಳು ಡೇಟಾವನ್ನು ಪುನಃಸ್ಥಾಪಿಸುವ ಸಾಧ್ಯತೆ ಕಡಿಮೆ ಮಾಡುತ್ತವೆ.
ಆಕಸ್ಮಿಕವಾಗಿ ಅಳಿಸಲಾದ ಫೈಲ್‌ಗಳು ತಕ್ಷಣವೇ ಸಂಪೂರ್ಣವಾಗಿ ಶಾಶ್ವತವಾಗಿ ಅಳಿಯುವುದಿಲ್ಲ. ಫೈಲ್‌ನ ಡೇಟಾವು ಸಂಗ್ರಹ ಡಿವೈಸ್ನಲ್ಲಿಯೇ ಉಳಿದಿರುತ್ತದೆ, ಹೀಗಾಗಿ ಅದನ್ನು ಹೊಸ ಡೇಟಾದಿಂದ ಓವರ್‌ರೈಟ್ ಮಾಡಬಾದರು. ಹೀಗಾಗಿ ಡೇಟಾ ಅಳಿಸಿದ ತಕ್ಷಣ ಡಿವೈಸ್ ಬಳಕೆ ನಿಲ್ಲಿಸುವುದು ಮುಖ್ಯ. ಡೇಟಾ ಅಳಿಸಿದ ತಕ್ಷಣ ಸಾಧನವನ್ನು ಆಫ್ ಮಾಡಿ ಅಥವಾ ಬಳಕೆಯನ್ನು ಕನಿಷ್ಠಗೊಳಿಸಿ, ವೃತ್ತಿಪರ ಡೇಟಾ ರಿಕವರಿ ಪರಿಣತರ ನೆರವು ಪಡೆಯಿತು.
ಅನಧಿಕೃತ ಡೇಟಾ ರಿಕವರಿ ಸಾಫ್ಟ್‌ವೇರ್ ಬಳಸುವುದು
ಅನೇಕ ಬಳಕೆದಾರರು ಆಕಸ್ಮಿಕ ಡೇಟಾ ಅಳಿಸಿದ ನಂತರ ತಮ್ಮ ಫೈಲ್‌ಗಳನ್ನು ರಿಕವರಿ ಮಾಡಲು ಉಚಿತ ಅಥವಾ ಅನಧಿಕೃತ ಡೇಟಾ ರಿಕವರಿ ಸಾಫ್ಟ್‌ವೇರ್‌ಗಳನ್ನು ಡೌನ್‌ಲೋಡ್ ಮಾಡುತ್ತಾರೆ. ಆದರೆ, ಈ ಸಾಫ್ಟ್‌ವೇರ್‌ಗಳು ಸಾಮಾನ್ಯವಾಗಿ ಫೈಲ್‌ಗಳನ್ನು ರಿಕವರಿ ಮಾಡಲು ಸಹಾಯ ಮಾಡುವದಿಲ್ಲ. ಬದಲಾಗಿ ಮಾಲ್‌ವೇರ್ ಅಥವಾ ವೈರಸ್‌ ಹರಡಿ ಸಾಧನಕ್ಕೆ ಹಾನಿಯನ್ನುಂಟುಮಾಡುತ್ತವೆ.
ಕೆಲವು ಸಾಫ್ಟ್‌ವೇರ್‌ಗಳು ಆಕ್ರಮಣಕಾರಿ ಸ್ಕ್ಯಾನಿಂಗ್ ವಿಧಾನಗಳನ್ನು ಬಳಸುತ್ತವೆ, ಇದು ಉಳಿದಿರುವ ಡೇಟಾವನ್ನು ಹಾಳುಮಾಡಬಹುದು. ಈ ತಪ್ಪನ್ನು ತಪ್ಪಿಸಲು, ಯಾವಾಗಲೂ ಗೂಗಲ್ ಪ್ಲೇ ಸ್ಟೋರ್‌ನಂತಹ ವಿಶ್ವಾಸಾರ್ಹ ಪ್ಲಾಟ್‌ಫಾರ್ಮ್‌ಗಳಿಂದ ಸಾಫ್ಟ್‌ವೇರ್‌ಗಳನ್ನು ಆಯ್ಕೆ ಮಾಡಿ.
ಡಿವೈಐ (ಸ್ವಯಂ-ನಿರ್ಮಿತ) ದುರಸ್ತಿಗಳನ್ನು ಪ್ರಯತ್ನಿಸಬಾರದು
ಸ್ಟೋರೇಜ್ ಸಾಧನವು ಫಿಸಿಕಲ್ ಡ್ಯಾಮೇಜ್ ಆಗಬಹುದು. ಇದು ಡೇಟಾ ರಿಕವರಿಯನ್ನು ಇನ್ನಷ್ಟು ಸಂಕೀರ್ಣಗೊಳಿಸುತ್ತದೆ. ಆನ್‌ಲೈನ್‌ನಲ್ಲಿ ಲಭ್ಯವಿರುವ ಅನೇಕ ಡಿವೈಐ (Do It Yourself) ವೀಡಿಯೊಗಳು ಈ ರೀತಿಯ ಫಿಸಿಕಲ್ ಡ್ಯಾಮೇಜ್ಗಳಿಗೆ ಕಾರಣವಾಗಬಹುದು. ಆದರೆ, ಸರಿಯಾದ ಉಪಕರಣಗಳು ಮತ್ತು ಮೂಲಸೌಕರ್ಯವಿಲ್ಲದೆ ಹಾರ್ಡ್ ಡಿಸ್ಕ್ ಡ್ರೈವ್ (HDD) ಅಥವಾ ಸಾಲಿಡ್ ಸ್ಟೇಟ್ ಡ್ರೈವ್ (SSD) ತೆರೆಯುವುದು ವಿದ್ಯುತ್, ಧೂಳು ಮತ್ತು ತೇವಾಂಶ ನುಗ್ಗಲು ಕಾರಣವಾಗಬಹುದು.
ಇದು ಸಾಧನದ ಸೂಕ್ಷ್ಮ ಆಂತರಿಕ ಘಟಕಗಳಿಗೆ ಹಾನಿಯನ್ನುಂಟುಮಾಡಬಹುದು, ಇದರಿಂದ ಡೇಟಾ ಕರಪ್ಟ್ ಅಥವಾ ಶಾಶ್ವತವಾಗಿ ನಾಶವಾಗಬಹುದು. ಶಾರೀರಿಕ ಹಾನಿಯ ಯಾವುದೇ ಚಿಹ್ನೆಗಳನ್ನು ಗಮನಿಸಿದರೆ, ಸ್ಟೆಲರ್ ಡೇಟಾ ರಿಕವರಿ‌ನಂತಹ ವೃತ್ತಿಪರ ಸೇವೆ ಪೂರೈಕೆದಾರರನ್ನು ಸಂಪರ್ಕಿಸುವುದು ಅತ್ಯಗತ್ಯ. ಅವರ ಕ್ಲಾಸ್ 100 ಕ್ಲೀನ್ ರೂಮ್ ಲ್ಯಾಬ್‌ನಂತಹ ಅತ್ಯಾಧುನಿಕ ಮೂಲಸೌಕರ್ಯವು ಸಮಸ್ಯೆ ಕಡಿಮೆ ಮಾಡಬಹುದು.
ರೀಸೈಕಲ್ ಬಿನ್ ಮತ್ತು ಬ್ಯಾಕಪ್‌ಗಳನ್ನು ಗಮನಿಸಿ
ಆಕಸ್ಮಿಕವಾಗಿ ಫೈಲ್ ಅಳಿಸಿದ ನಂತರ, ಬಳಕೆದಾರರು ತಕ್ಷಣವೇ ರೀಸೈಕಲ್ ಬಿನ್ ಅಥವಾ ಬ್ಯಾಕಪ್ ಫೋಲ್ಡರ್‌ಗಳನ್ನು ಮರೆತು ಬಿಡುವುದು ಸಾಮಾನ್ಯ ತಪ್ಪು. ಕೆಲವು ಸಿಸ್ಟಮ್‌ಗಳು ಸ್ವಯಂಚಾಲಿತ ಸ್ಟೋರೇಜ್ ಆಪ್ಟಿಮೈಸೇಶನ್ ಫೀಚರ್ಗಳನ್ನು ಹೊಂದಿರುತ್ತವೆ.
ಇದು ಬ್ಯಾಕಪ್ ಮೂಲಗಳಿಂದಲೂ ಫೈಲ್‌ಗಳನ್ನು ತೆಗೆದುಹಾಕಬಹುದು. ಆದ್ದರಿಂದ, ಫೈಲ್ ಅಳಿಸಿದ ತಕ್ಷಣ ರೀಸೈಕಲ್ ಬಿನ್, ಕ್ಲೌಡ್ ಬ್ಯಾಕಪ್‌ಗಳು (ಗೂಗಲ್ ಡ್ರೈವ್, ಐಕ್ಲೌಡ್), ಅಥವಾ ಇತರ ಬ್ಯಾಕಪ್ ಸಾಧನಗಳನ್ನು ಪರಿಶೀಲಿಸುವುದು ಮುಖ್ಯ. ಫೈಲ್‌ಗಳು ಕಂಡುಬಂದಿಲ್ಲದಿದ್ದರೆ, ಸಾಧನದ ಬಳಕೆಯನ್ನು ನಿಲ್ಲಿಸಿ ಮತ್ತು ಡೇಟಾ ಪುನಃಸ್ಥಾಪನೆ ತಜ್ಞರನ್ನು ಸಂಪರ್ಕಿಸಿ. ಈ ತ್ವರಿತ ಕ್ರಮವು ಡೇಟಾವನ್ನು ಓವರ್‌ರೈಟ್ ಆಗದಂತೆ ತಡೆಯುತ್ತದೆ.
ಸ್ಟೋರೇಜ್ ಸಾಧನದ ನಿರ್ವಹಣೆ
ಆಕಸ್ಮಿಕ ಡೇಟಾ ಅಳಿಸುವಿಕೆಯ ನಂತರ ಜನರು ಮಾಡುವ ದೊಡ್ಡ ತಪ್ಪುಗಳಲ್ಲಿ ಒಂದು ಸ್ಟೋರೇಜ್ ಸಾಧನವನ್ನು ತಪ್ಪಾಗಿ ನಿರ್ವಹಿಸುವುದು. ಹಾರ್ಡ್ ಡಿಸ್ಕ್, SSD, RAID ಸಿಸ್ಟಮ್ ಅಥವಾ ಯಾವುದೇ ಇತರ ಡಿವೈಸ್ ಆಗಿದ್ದರೂ ಅವುಗಳು ಬಹಳ ಸೂಕ್ಷ್ಮವಾಗಿರುತ್ತವೆ. ಹೀಗಾಗಿ ಎಚ್ಚರಿಕೆಯಿಂದ ನಿರ್ವಹಿಸಬೇಕು. ಶಾಖ, ತೇವಾಂಶ ಅಥವಾ ಕೆಳಕ್ಕೆ ಬೀಳುವುದರಿಂದ ಗಂಭೀರ ಹಾನಿಯಾಗಬಹುದು, ಇದು ಡೇಟಾ ಪುನಃಸ್ಥಾಪನೆ ಅವಕಾಶ ಕನಿಷ್ಠಗೊಳಿಸುತ್ತದೆ. ಹೀಗಾಗಿ ಡೇಟಾ ಲಾಸ್ ಘಟನೆಯ ನಂತರ, ಸಾಧನವನ್ನು ಸುರಕ್ಷಿತವಾಗಿ ಇಟ್ಟುಕೊಳ್ಳಿ. ಅನಗತ್ಯವಾಗಿ ಸ್ಥಳಾಂತರಿಸುವುದನ್ನು ತಪ್ಪಿಸಿ ಮತ್ತು ವೃತ್ತಿಪರ ಸಹಾಯವನ್ನು ಪಡೆಯಿರಿ.
