ನವದೆಹಲಿ: ಕೇಂದ್ರ ಸರಕಾರವು ಹಾಲು, ಮೊಸರಿನಿಂದ ಹಿಡಿದು ಪ್ರತಿಯೊಂದು ಉತ್ಪನ್ನಗಳಿಗೂ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ ಟಿ) ವಿಧಿಸುತ್ತಿರುವುದಕ್ಕೆ ಜನರಿಂದ ಭಾರಿ ಆಕ್ರೋಶ ವ್ಯಕ್ತವಾಗುತ್ತಿದೆ. ಇತ್ತೀಚೆಗೆ ಪಾಪ್ ಕಾರ್ನ್ ಗೂ ಜಿಎಸ್ಟಿ ವಿಧಿಸಿದ್ದು ಚರ್ಚೆಗೆ ಗ್ರಾಸವಾಗಿತ್ತು. ಇದರ ಬೆನ್ನಲ್ಲೇ, 2 ಸಾವಿರ ರೂಪಾಯಿಗಿಂತ ಹೆಚ್ಚಿನ ಹಣವನ್ನು ಯುಪಿಐ ಮೂಲಕ ಕಳುಹಿಸಿದರೆ ಅಥವಾ ಪಾವತಿ ಮಾಡಿದರೆ ಶೇ.18ರಷ್ಟು ಜಿಎಸ ಟಿ ವಿಧಿಸಲಾಗುತ್ತದೆ ಎಂದು ತಿಳಿದುಬಂದಿದೆ.
ಹೌದು, ಕೇಂದ್ರ ಸರಕಾರವು 2 ಸಾವಿರ ರೂ. ಅಥವಾ ಅದಕ್ಕಿಂತ ಒಂದು ರೂಪಾಯಿ ಜಾಸ್ತಿ ಪೇಮೆಂಟ್ ಮಾಡಿದರೂ ಜಿಎಸ್ ಟಿ ಪಾವತಿಸಬೇಕಾಗುತ್ತದೆ. ಯುಪಿಐ ಪಾವತಿಗೆ ಜಿಎಸ್ ಟಿ ಹೇರುವ ಕುರಿತು ಕೇಂದ್ರ ಸರಕಾರ ಚಿಂತನೆ ಮಾಡುತ್ತಿದೆ. ಇದರ ಕುರಿತು ಇದುವರೆಗೆ ಅಧಿಕೃತ ಮಾಹಿತಿ ಲಭ್ಯವಾಗಿಲ್ಲ. ಹಾಗೊಂದು ವೇಳೆ, ಜಿಎಸ್ ಟಿ ಜಾರಿಯಾದರೆ ವ್ಯಾಪಾರಿಗಳಿಗೆ ಹಾಗೂ ಸಾರ್ವಜನಿಕರಿಗೆ ಭಾರಿ ಪ್ರಮಾಣದಲ್ಲಿತೊಂದರೆಯಾಗಲಿದೆ.
ದೇಶಾದ್ಯಂತ ಈಗ ಯುಪಿಐ ಪಾವತಿ ಜಾಸ್ತಿಯಾಗಿದೆ. ನಿತ್ಯ ಕೋಟ್ಯಂತರ ಜನ ಇದರ ಮೂಲಕವೇ ವಹಿವಾಟು ನಡೆಸುತ್ತಿದ್ದಾರೆ. ಗ್ರಾಮೀಣ ಪ್ರದೇಶಗಳಲ್ಲೂಫೋನ್ ಪೇ, ಗೂಗಲ್ ಪೇ ಸೇರಿ ಹಲವು ಆ್ಯಪ್ ಗಳ ಮೂಲಕ ಜನ ಆನ್ ಲೈನ್ ಪಾವತಿ ಮಾಡುತ್ತಾರೆ. ಬೇರೆಯವರಿಗೆ ಹಣ ವರ್ಗಾವಣೆ ಮಾಡುತ್ತಾರೆ. ಆದರೆ, ಕೇಂದ್ರ ಸರಕಾರವು ಜಿಎಸ್ ಟಿ ಜಾರಿಗೆ ತಂದರೆ ಜನರಿಗೆ ಅನನುಕೂಲ ಆಗಲಿದೆ ಎಂದು ಹೇಳಲಾಗುತ್ತಿದೆ.
ಉದಾಹರಣೆಗೆ, ಒಬ್ಬ ವ್ಯಕ್ತಿಯು ಯುಪಿಐ ಮೂಲಕ 1,999 ರೂಪಾಯಿ ಕಳುಹಿಸಿದರೆ, ಅವರಿಗೆ ಯಾವುದೇ ಜಿಎಸ್ ಟಿ ಅನ್ವಯವಾಗುವುದಿಲ್ಲ. ಅದೇ ವ್ಯಕ್ತಿಯು 2,001 ರೂಪಾಯಿ ಕಳುಹಿಸಿದರೆ, 1 ರೂಪಾಯಿಗೂ ಶೇ.18ರಷ್ಟು ಜಿಎಸ್ ಟಿ ಕಟ್ಟಬೇಕಾಗುತ್ತದೆ. ಮೊತ್ತ ಹೆಚ್ಚಾದಂತೆಲ್ಲಜನರ ಖಾತೆಯಿಂದ ಹೆಚ್ಚಿನ ಮೊತ್ತವು ಜಿಎಸ್ ಟಿ ರೂಪದಲ್ಲಿಕೇಂದ್ರ ಸರಕಾರಕ್ಕೆ ಸಂದಾಯ ಮಾಡಬೇಕಾಗುತ್ತದೆ ಎಂದು ಹೇಳಲಾಗುತ್ತಿದೆ.
