ಹಿಂದೆಲ್ಲ ಹೆಣ್ಣು ಮಕ್ಕಳು ವರದಕ್ಷಿಣೆ ಕೊಟ್ಟು ಮದುವೆಯಾಗಬೇಕಿತ್ತು. ಆದರೆ ಈಗ ಕಾಲ ಬದಲಾಗಿದೆ. ವರದಕ್ಷಿಣೆ ಹೋಗಲಿ ಹೆಣ್ಣು ಕೊಟ್ಟರೆ ಸಾಕಪ್ಪ, ತಾವೇ ಮದುವೆ ಮಾಡಿಕೊಳ್ಳುತ್ತೇವೆ ಅನ್ನೋ ಹಾಗಾಗಿದೆ. ಅದರಲ್ಲೂ ಈ ಹುಡುಗಿಯರ ಡಿಮ್ಯಾಂಡ್ ನೋಡಿದರಂತೂ ತಲೆ ಗಿರ್ ಅನ್ನುತ್ತೆ. ಹುಡುಗ ಓದಿರಬೇಕು, ಒಳ್ಳೆ ಕೆಲಸ ಇರಬೇಕು ಹೀಗೆ ಹತ್ತಾರು ಡಿಮ್ಯಾಂಡ್ ಮಾಡುತ್ತಿದ್ದಾರೆ. ಅದೇ ರೀತಿ ಇಲ್ಲೊಂದ್ ಕಡೆ ಯುವತಿಯೊಬ್ಬಳು ತಾನು ಮದುವೆಯಾಗುವ ಹುಡುಗನಲ್ಲಿ ಇರಬೇಕಾದ ಗುಣಗಳನ್ನು ಹೇಳಿದ್ದಾರೆ. ಸದ್ಯ ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಯುವಕನೊಬ್ಬನು ಯುವತಿಯೊಬ್ಬಳ ಪ್ರೊಫೈಲ್ ನೋಡಿದ್ದಾನೆ. ಈ ವೇಳೆಯಲ್ಲಿ ಆಕೆಯ ಜೊತೆಗೆ ಮಾತುಕತೆ ನಡೆಸಿದ್ದು, ತಮ್ಮ ಸಂಭಾಷಣೆಯ ವೇಳೆ ನಡೆಸಿದ ಸಂಭಾಷಣೆಯ ಸ್ಕ್ರೀನ್ ಶಾರ್ಟ್ (conversation )ನ್ನು ರೆಡ್ಡಿಟ್ ನಲ್ಲಿ ಹಂಚಿಕೊಂಡಿದ್ದಾನೆ. ಇದನ್ನೂ ನೋಡಿದ ಬಳಕೆದಾರರು ಈ ಯುವತಿಯ ನಿರೀಕ್ಷೆಗಳನ್ನು ನೋಡಿ ಬಾಯಿಯ ಮೇಲೆ ಬೆರಳಿಟ್ಟಿದ್ದಾರೆ.
ಯುವಕನು ಪ್ರಾರಂಭದಲ್ಲಿ ಯುವತಿಗೆ ಸಂದೇಶ ಕಳುಹಿಸಿದ್ದು, ನಿಮ್ಮ ಪ್ರೊಫೈಲ್ ಇಷ್ಟವಾಯಿತು ಎಂದು ಬರೆದುಕೊಂಡಿದ್ದಾನೆ. ಆ ಬಳಿಕ ಆಕೆಯೂ ಹುಡುಗನಲ್ಲಿ ಬಯಸುವ ಗುಣಗಳೇನು? ಎಂದು ಕೇಳಿದ್ದು, ಆಕೆ ಕೂಡ ಚೆಕ್ ಲಿಸ್ಟ್ ನೋಡ್ಬೇಕಾ ಎಂದು ಕೇಳಿದ್ದು, ಬಹಳ ಜೋಶ್ ನಲ್ಲಿ ಹೌದು ಎಂದು ಉತ್ತರಿಸಿದ್ದಾನೆ. ತಕ್ಷಣವೇ ಯುವತಿಯೂ ತನ್ನನ್ನು ಮದುವೆಯಾಗುವ ಹುಡುಗನಲ್ಲಿ ಬಯಸುವ ಹದಿನೆಂಟು ಗುಣಗಳಿರುವ ದೊಡ್ಡ ಪಟ್ಟಿಯನ್ನೇ ಕಳುಹಿಸಿದ್ದಾಳೆ.
