ತಮಿಳು ಚಿತ್ರರಂಗದ ಹಿರಿಯ ಸಂಗೀತ ನಿರ್ದೇಶಕ, ‘ತೆನಿಸೈ ತೆಂದ್ರಲ್’ ಖ್ಯಾತಿಯ ದೇವಾ (75) ಹೃದಯಘಾತದಿಂದ ಚೆನ್ನೈನಲ್ಲಿ ಕೊನೆಯುಸಿರೆಳೆದಿದ್ದಾರೆ. ಇಂದು ಬೆಳಗ್ಗೆ ಸುಮಾರು 8.30ಕ್ಕೆ ಸೂರ್ಯ ಆಸ್ಪತ್ರೆಗೆ ದಾಖಲಾಗಿದ್ದ ಅವರು, ಚಿಕಿತ್ಸೆ ಫಲಕಾರಿಯಾಗದೆ ಏಕಾಏಕಿ ನಿಧನರಾಗಿದ್ದಾರೆ. 1950ರ ನವೆಂಬರ್ 20ರಂದು ಜನಿಸಿದ್ದ ದೇವನೇಸನ್ ಚೊಕ್ಕಲಿಂಗಂ, 3 ದಶಕಗಳಿಗೂ ಹೆಚ್ಚು ಕಾಲ ಸಂಗೀತ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸಿ 400ಕ್ಕೂ ಹೆಚ್ಚು ಚಿತ್ರಗಳಿಗೆ ಸಂಗೀತ ಸಂಯೋಜನೆ ಮಾಡಿದ್ದರು.
ತಮಿಳು, ತೆಲುಗು, ಮಲಯಾಳಂ ಸೇರಿದಂತೆ ಕನ್ನಡದ ಪ್ರಸಿದ್ಧ ಸಿನಿಮಾಗಳಾದ ‘ಅಮೃತಾವರ್ಷಿಣಿ’, ‘ಕೋಟಿಗೊಬ್ಬ’, ‘ಸಿಂಹಾದ್ರಿಯ ಸಿಂಹ’ ಹಾಗೂ ‘ಕದಂಬ’ ಚಿತ್ರಗಳಿಗೆ ಇವರು ಸಂಗೀತ ನೀಡಿದ್ದರು. 1990ರ ದಶಕದಲ್ಲಿ ಉತ್ತುಂಗಕ್ಕೇರಿದ್ದ ಇವರು ರಜನಿಕಾಂತ್ ಅಭಿನಯದ ‘ಬಾಷಾ’, ‘ಅಣ್ಣಾಮಲೈ’ ಹಾಗೂ ‘ಆಸೈ’, ‘ಕಾದಲ್ ಕೋಟೈ’, ‘ನೆರುಕ್ಕು ನೇರ್’, ‘ವಾಲಿ’, ‘ಖುಷಿ’ ಸೇರಿದಂತೆ ನೂರಾರು ಜನಪ್ರಿಯ ಚಿತ್ರಗಳಿಗೆ ಸಂಗೀತ ಸಂಯೋಜಿಸಿದ್ದರು. ಇವರ ಅಗಲಿಕೆಯಿಂದ ಚಿತ್ರರಂಗಕ್ಕೆ ಭಾರಿ ಆಘಾತ ಎದುರಾಗಿದೆ.
