ನವದೆಹಲಿ: ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು 9ನೇ ಬಾರಿಗೆ ಬಜೆಟ್ ಮಂಡಿಸಿದ್ದಾರೆ. ದೇಶದ ಕೃಷಿಕರು, ಮಹಿಳೆಯರಿಂದ ಹಿಡಿದು ಪ್ರತಿಯೊಬ್ಬರಿಗೂ ಹಲವು ರೀತಿಯಲ್ಲಿ ನೆರವಾಗುವ ಬಜೆಟ್ (Union Budget 2026) ಮಂಡಿಸಿದ್ದಾರೆ. ಇದೇ ವೇಳೆ, ಕೇಂದ್ರ ಸರ್ಕಾರದ ಬಜೆಟ್ ಬಳಿಕ ದೇಶಾದ್ಯಂತ ಹಲವು ಉತ್ಪನ್ನಗಳು ಅಗ್ಗವಾದರೆ, ಮತ್ತೊಂದಿಷ್ಟು ಉತ್ಪನ್ನಗಳು ಜನರ ಜೇಬಿಗೆ ಹೊರೆಯಾಗಲಿವೆ. ಯಾವ ವಸ್ತುಗಳು ಅಗ್ಗವಾಗಲಿವೆ? ಯಾವ ವಸ್ತುಗಳು ತುಟ್ಟಿಯಾಗಲಿವೆ ಎಂಬುದರ ಮಾಹಿತಿ ಇಲ್ಲಿದೆ.
ಯಾವ ವಸ್ತುಗಳು ಅಗ್ಗ?
• 17 ಕ್ಯಾನ್ಸರ್ ಔಷಧಗಳು
• ವಿದ್ಯುತ್ ಚಾಲಿತ ವಾಹನಗಳ ಬ್ಯಾಟರಿಗಳು
• ಕ್ರೀಡಾ ಉಪಕರಣಗಳು
• ಸೋಲಾರ್ ಪ್ಯಾನೆಲ್ ಗಳು
• ಸ್ಮಾರ್ಟ್ ಫೋನ್ ಗಳು
• ಲೆದರ್ ಉತ್ಪನ್ನಗಳು
• ಮೈಕ್ರೋವೇವ್ ಓವನ್ ಗಳು
ಯಾವ ವಸ್ತುಗಳು ತುಟ್ಟಿ?
• ಸಿಗರೇಟ್, ಪಾನ್ ಮಸಾಲಾಗಳು
• ಯಂತ್ರಗಳು
• ಐಷಾರಾಮಿ ವಾಚ್ ಗಳು
ಷೇರುಪೇಟೆ ಕುಸಿತ
ಕೇಂದ್ರ ಸರ್ಕಾರದ ಬಜೆಟ್ ಬೆನ್ನಲ್ಲೇ ಷೇರು ಮಾರುಕಟ್ಟೆಯಲ್ಲಿ ಭಾರಿ ಕುಸಿತವಾಗಿದೆ. ಸೆನ್ಸೆಕ್ಸ್ 960ಕ್ಕೂ ಹೆಚ್ಚಿನ ಪಾಯಿಂಟ್ಸ್ ಕುಸಿದರೆ, ನಿಫ್ಟಿಯು 330ಕ್ಕಿಂತ ಅಧಿಕ ಪಾಯಿಂಟ್ಸ್ ಕುಸಿತ ಕಂಡಿದೆ. ಇದರಿಂದಾಗಿ ಹೂಡಿಕೆದಾರರಿಗೆ ಭಾರಿ ನಷ್ಟವಾಗಿದೆ. ಕೇಂದ್ರ ಬಜೆಟ್ ಹಿನ್ನೆಲೆಯಲ್ಲಿ ಷೇರು ಮಾರುಕಟ್ಟೆಯಲ್ಲಿ ಸಕಾರಾತ್ಮಕ ಬೆಳವಣಿಗೆ ನಿರೀಕ್ಷಿಸಲಾಗಿತ್ತು.
ಇದನ್ನೂ ಓದಿ: ದೇಶದ ವಿವಿಧೆಡೆ ಮೂರು ಆಯುರ್ವೇದ ಏಮ್ಸ್ ಆಸ್ಪತ್ರೆ ಘೋಷಣೆ | ನಿರ್ಮಲಾ ಸೀತಾರಾಮನ್
