ಮೊಹಮ್ಮದ್ ಶಮಿ ರಮ್ಜಾನ್ ವೇಳೆ ಉಪವಾಸ ಪಾಲಿಸದೆ ಪಾಪ ಮಾಡಿದ್ದಾರೆ ಎಂದು ಹೇಳಿದ್ದ ಮುಲ್ಲಾ ಈಗ ವೇಗ ಬೌಲರ್ ಪುತ್ರಿ ಹೋಳಿ ಆಚರಣೆ ಮಾಡಿದ್ದನ್ನು ಟೀಕಿಸಿದ್ದಾರೆ. ಆಲ್ ಇಂಡಿಯಾ ಮುಸ್ಲಿಂ ಜಮಾಅತ್ ಅಧ್ಯಕ್ಷ ಮೌಲಾನಾ ಶಹಾಬುದ್ದೀನ್ ರಝ್ವಿ, ಶಮಿ ಅವರ ಪುತ್ರಿಯ ಹೋಳಿ ಆಟ ಶರಿಯತ್ ನಿಯಮಕ್ಕೆ ವಿರುದ್ಧ ಎಂದು ಹೇಳಿದ್ದಾರೆ.
ರಝ್ವಿ ಈ ಹಿಂದೆ ಚಾಂಪಿಯನ್ಸ್ ಟ್ರೋಫಿ ವೇಳೆ ಶಮಿ ಅವರನ್ನು ಟೀಕಿಸಿದ್ದರು. ಸಮಯದಲ್ಲಿ ಆಸ್ಟ್ರೇಲಿಯಾದ ವಿರುದ್ಧದ ಸೆಮಿಫೈನಲ್ ಪಂದ್ಯದಲ್ಲಿ ಶಮಿ ನೀರನ್ನು ಕುಡಿಯುತ್ತಿದ್ದ ದೃಶ್ಯಗಳು ವೈರಲ್ ಆಗಿದ್ದವು. ಶನಿವಾರ ಬಿಡುಗಡೆಯಾದ ವೀಡಿಯೋದಲ್ಲಿ, ಶಮಿ ಅವರ ಪುತ್ರಿ ಹೋಳಿ ಆಡುವುದು ಕಂಡು ಬಂದಿತ್ತು. ಅದು ಕೂಡ ಅಪರಾಧ ಹಾಗೂ ಶರಿಯತ್ ವಿರುದ್ಧ ಎಂದು ಹೇಳಿದ್ದಾರೆ.
ಆಕೆ ಚಿಕ್ಕ ಹುಡುಗಿ, ಅರ್ಥವಾಗದೆ ಹೋಳಿ ಆಡಿದರೆ ಅಪರಾಧವಲ್ಲ. ಆದರೆ, ಅವಳಿಗೆ ತಿಳಿದರೂ ಹೋಳಿ ಆಡುವುದಾದರೆ, ಅದು ಶರಿಯತ್ ವಿರುದ್ಧ ಎಂದು ಪರಿಗಣಿಸಲಾಗುತ್ತದೆ ಎಂದು ಅವರು ಹೇಳಿದ್ದಾರೆ.
ಶಮಿ ಮತ್ತು ಅವರ ಕುಟುಂಬದವರಿಗೆ, ಶರಿಯತ್ ವಿರುದ್ಧ ಏನನ್ನೂ ಮಾಡಬಾರದು ಎಂದು ಅವರು ಹೇಳಿದ್ದಾರೆ. ಹೋಳಿ. ಹಿಂದುಗಳ ಪ್ರಮುಖ ಹಬ್ಬ. ಅದನ್ನು ಮುಸ್ಲಿಮರು ಮಾಡಬಾರದು ಎಂದು ಹೇಳಿದ್ದಾರೆ.
ನಾನು ಶಮಿ ಮತ್ತು ಅವರ ಕುಟುಂಬ ಸದಸ್ಯರಿಗೆ ಮನವಿ ಮಾಡಿದ್ದೇನೆ. ಶರಿಯತ್ ಅನುಸಾರ ಇಲ್ಲದಿದ್ದರೆ, ಸರಿಯಾಗುವುದಿಲ್ಲ ಹೋಳಿ ಹಿಂದೂಗಳ ದೊಡ್ಡ ಹಬ್ಬ, ಹೀಗಾಗಿ ಮುಸ್ಲಿಮರು ಇದನ್ನು ಆಚರಿಸಬಾರದು. ಶರಿಯತ್ ತಿಳಿದಿದ್ದರೂ ಹೋಳಿ ಆಚರಿಸಿದರೆ ಅದು ಅಪರಾಧ ಎಂದು ಅವರು ಹೇಳಿದರು.
ಶಮಿಗೆ ಶುಭಾಶಯ
ಚಾಂಪಿಯನ್ಸ್ ಟ್ರೋಫಿ ಗೆಲುವಿನಲ್ಲಿ ಶಮಿ ಪ್ರಮುಖ ಪಾತ್ರವಹಿಸಿದ್ದರು, ಅವರು 5 ಪಂದ್ಯಗಳಲ್ಲಿ 9 ವಿಕೆಟ್ ಪಡೆದು ಟೀಮ್ ಇಂಡಿಯಾದ ವೇಗದ ಬೌಲಿಂಗ್ ದಾಳಿಗೆ ಮುನ್ನಡೆ ನೀಡಿದರು. ರಝ್ವಿ ಶನಿವಾರ ತಂಡದ ಆಟಗಾರರು ಹಾಗೂ ಶಮಿ ಅವರ ಗೆಲುವಿಗೆ ಅಭಿನಂದನೆ ಸಲ್ಲಿಸಿದ್ದಾರೆ.
ಟೀಮ್ ಇಂಡಿಯಾ ನಾಯಕ, ಎಲ್ಲಾ ಆಟಗಾರರು ಮತ್ತು ಮೊಹಮ್ಮದ್ ಶಮಿ ಅವರ ಗೆಲುವಿಗೆ ನಾನು ಹೃದಯಪೂರ್ವಕ ಅಭಿನಂದನೆ ಸಲ್ಲಿಸುತ್ತೇನೆ ಎಂದು ಹೇಳಿದರು. ಈ ವೀಡಿಯೋದಲ್ಲೇ ಅವರು, ಶಮಿ ಮತ್ತು ಇತರರು ರಮ್ಜಾನ್ ವೇಳೆ ಉಪವಾಸ ಇರಲಾಗದೆ ಇದ್ದರೆ, ನಂತರ ಪಾಲಿಸಬೇಕು ಎಂದು ಹೇಳಿದ್ದಾರೆ.
ಐಪಿಎಲ್ 2025ನಲ್ಲಿ ಶಮಿ ಬ್ಯುಸಿ
ಶಮಿ ಈಗ ಐಪಿಎಲ್ 2025 ನಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ತಂಡಕ್ಕಾಗಿ ಆಡಲಿದ್ದಾರೆ. ಕಳೆದ ಐಪಿಎಲ್ ನಲ್ಲಿ ಅವರು ಆಡಿರಲಿಲ್ಲ. ಆ ವೇಳೆ ಅವರು ಪಾದದ ಶಸ್ತ್ರಚಿಕಿತ್ಸೆಯಿಂದ ಚೇತರಿಸಿಕೊಳ್ಳುತ್ತಿದ್ದರು.
