ಬೆಂಗಳೂರು : ಚಾರ್ಟರ್ಡ್ ಅಕೌಂಟೆಂಟ್ ಆಗಬೇಕು, ಉಜ್ವಲ ಭವಿಷ್ಯ ರೂಪಿಸಿಕೊಳ್ಳಬೇಕು ಎಂದು ಸಿಎ ಪರೀಕ್ಷೆಗೆ ಸಿದ್ಧತೆ ನಡೆಸುತ್ತಿರುವ ಅಭ್ಯರ್ಥಿಳಿಗೆ ಮಹತ್ವದ ಅಪ್ಡೇಟ್ ಸಿಕ್ಕಿದೆ. ಸೆಪ್ಟೆಂಬರ್ ಮತ್ತು ನವೆಂಬರ್ ನಲ್ಲಿ ನಿಗದಿಯಾಗಿರುವ ಸಿಎ ಪರೀಕ್ಷೆಗಳಿಗೆ ಆನ್ ಲೈನ್ ಅರ್ಜಿ ಪ್ರಕ್ರಿಯೆ ಆರಂಭಿಸಲಾಗಿದೆ. ಅರ್ಹ ಹಾಗೂ ಆಸಕ್ತ ಅಭ್ಯರ್ಥಿಗಳು ಪರೀಕ್ಷೆಗೆ ನೋಂದಣಿ ಮಾಡಿಕೊಳ್ಳಬಹುದು ಎಂದು ಇನ್ ಸ್ಟಿಟ್ಯೂಟ್ ಆಫ್ ಚಾರ್ಟರ್ಡ್ ಅಕೌಂಟೆಂಟ್ಸ್ ಆಫ್ ಇಂಡಿಯಾ (ICAI) ಅಧಿಸೂಚನೆ ಹೊರಡಿಸಿದೆ.
ಫೌಂಡೇಶನ್, ಇಂಟರ್ ಮೀಡಿಯೇಟ್ ಅಥವಾ ಅಂತಿಮ (Final) ಪರೀಕ್ಷೆಗಳಿಗೆ ಹಾಜರಾಗಲು ಬಯಸುವ ಅಭ್ಯರ್ಥಿಗಳು ಆನ್ ಲೈನ್ ಮೂಲಕವೇ ಪರೀಕ್ಷೆಗೆ ನೋಂದಣಿ ಮಾಡಿಕೊಳ್ಳಬಹುದಾಗಿದೆ. ನೋಂದಣಿ ಮಾಡಿಕೊಳ್ಳಲು ಬಯಸುವವರು ವಿಳಂಬ ಶುಲ್ಕವಿಲ್ಲದೆ ಅರ್ಜಿಗಳನ್ನು ಸಲ್ಲಿಸಲು ಜುಲೈ 19 ಕೊನೆಯ ದಿನವಾಗಿದೆ. ನಿಗದಿತ ದಿನಾಂಕದೊಳಗೆ ಅರ್ಜಿ ಸಲ್ಲಿಸಲು ಸಾಧ್ಯವಾಗದಿದ್ದರೆ, ಅಭ್ಯರ್ಥಿಗಳು 600ರೂಪಾಯಿ ವಿಳಂಬ ಶುಲ್ಕ ಪಾವತಿಸುವ ಮೂಲಕ ಜುಲೈ 22ರವರೆಗೆ ಅರ್ಜಿ ಸಲ್ಲಿಸಬಹುದು ಎಂದು ತಿಳಿಸಲಾಗಿದೆ.
ಅರ್ಜಿಗಳನ್ನು ಸಲ್ಲಿಸುವಾಗ ಯಾವುದೇ ತಪ್ಪುಗಳಾಗಿದ್ದರೆ, ಅವುಗಳಣ್ನು ಸರಿಪಡಿಸಲು ಜುಲೈ 23ರಿಂದ 25ರವರೆಗೆ ಅವಕಾಶ ನೀಡಲಾಗಿದೆ. ಸೆಪ್ಟೆಂಬರ್ 2, 5, 7 ಹಾಗೂ 9ರಂದು ಫೌಂಡೇಷನ್ ಪರೀಕ್ಷೆ ನಡೆಯಲಿವೆ. ಇಂಟರ್ ಮೀಡಿಯೇಟ್ ಗ್ರೂನ್ 1 ಪರೀಕ್ಷೆಗಳು ಸೆಪ್ಟೆಂಬರ್ 1, 3 ಮತ್ತು 6ರಂದು ನಡೆಯಲಿವೆ. ಇನ್ನು ಗ್ರೂಪ್ 2 ಪರೀಕ್ಷೆಗಳು ಸೆಪ್ಟೆಂಬರ್ 8, 10 ಮತ್ತು 12ರಂದು ನಡೆಯಲಿವೆ. ಸಿಎ ಫೈನಲ್ ಗ್ರೂಫ್ 1 ಪರೀಕ್ಷೆಗಳು ನವೆಂಭರ್ 2, 4, ಹಾಗೂ 6ರಂದು ಮತ್ತು ಗ್ರೂಪ್ 2 ಪರೀಕ್ಷೆಗಳು ನವೆಂಬರ್ 9, 11 ಹಾಗೂ 13ರಂದು ನಡೆಯಲಿವೆ.
ಅರ್ಜಿ ಸಲ್ಲಿಸುವುದು ಹೇಗೆ?
ಐಸಿಎಐ ವೆಬ್ ಸೈಟ್ ಆಗಿರುವ eservices.icai.org ಗೆ ಭೇಟಿ ನೀಡಿ
ಐಡಿ ಹಾಗೂ ಪಾಸ್ ವರ್ಡ್ ನಮೂದಿಸಿ ಲಾಗಿನ್ ಆಗಿ
ಪರೀಕ್ಷೆಯ ಲೆವೆಲ್ ಗಳನ್ನು ಆಯ್ಕೆ (ಫೌಂಡೇಷನ್, ಇಂಟರ್ ಮೀಡಿಯೇಟ್ ಅಥವಾ ಫೈನಲ್)
ಯಾವುದೇ ತಪ್ಪುಗಳಿಲ್ಲದೆ ಅರ್ಜಿಯನ್ನು ಭರ್ತಿ ಮಾಡಿ
ಅಗತ್ಯ ದಾಖಲೆಗಳನ್ನು ಅಪ್ ಲೋಡ್ ಮಾಡಿ
ಪರೀಕ್ಷೆಯ ಶುಲ್ಕ ಪಾವತಿಸಿ, ಸಬ್ಮಿಟ್ ಆಯ್ಕೆ ಮೇಲೆ ಕ್ಲಿಕ್ ಮಾಡಿ
ಇದನ್ನೂ ಓದಿ : ‘ಲೂಸ್ ಮಾದ’-‘ಆಕ್ಷನ್-ಪ್ರಿನ್ಸ್’ ಸ್ನೇಹ ‘ಫಾರೆವರ್’
