ಬೆಂಗಳೂರು : ದೇಶದ ಕೇಂದ್ರ ಸರ್ಕಾರಿ ನೌಕರರಿಗೆ ಕೇಂದ್ರ ಸರ್ಕಾರವು ವಿಮಾ ಸುರಕ್ಷತೆ ನೀಡಿದೆ. ನೌಕರ ಹಾಗೂ ಅವರ ಕುಟುಂಬಸ್ಥರಿಗೆ ಆರೋಗ್ಯ ಭದ್ರತೆ ನೀಡುವ ದೃಷ್ಟಿಯಿಂದ ಕೇಂದ್ರ ಸರ್ಕಾರಿ ಆರೋಗ್ಯ ಯೋಜನೆ (CGHS) ಜಾರಿಗೆ ತಂದಿದೆ. ಇದರೊಂದಿಗೆ ನೌಕರರ ಇಡೀ ಕುಟುಂಬಕ್ಕೆ ರಕ್ಷಣೆ ನೀಡಲಾಗುತ್ತಿದೆ. ಇದರ ಮಧ್ಯೆಯೇ, ಆರೋಗ್ಯ ವಿಮೆ ಯೋಜನೆಗೆ ಸಂಬಂಧಿಸಿದಂತೆ ಕೇಂದ್ರ ಸರ್ಕಾರವು ಮಹತ್ವದ ಸ್ಪಷ್ಟನೆ ನೀಡಿದೆ.
ಹೌದು.. ಕೇಂದ್ರ ಸರ್ಕಾರಿ ನೌಕರರು ತಮ್ಮ ಕುಟುಂಬಸ್ಥರು ಅಥವಾ ಅವಲಂಬಿತರ ಹೆಸರನ್ನು ಒಮ್ಮೆ ಮಾತ್ರ ನೀಡಬೇಕು ಎಂದು ಆರೋಗ್ಯ ವಿಮಾ ಯೋಜನೆಗೆ ಸಂಬಂಧಿಸಿದಂತೆ ಮಹತ್ವದ ಸ್ಪಷ್ಟನೆ ನೀಡಿದೆ. ಯಾವುದೇ ನೌಕರರು ತಮ್ಮ ತಂದೆ ಅಥವಾ ತಾಯಿಯ ಹೆಸರನ್ನು ಅವಲಂಬಿತರು ಎಂಬುದಾಗಿ ನಮೂದಿಸಬಹುದು. ಇದರಿಂದ, ನೌಕರರ ತಂದೆ ಅಥವಾ ತಾಯಿಯು ಅನಾರೋಗ್ಯದ ಸಂದರ್ಭದಲ್ಲಿ ಚಿಕಿತ್ಸೆ ಪಡೆಯಲು ಸಾಧ್ಯವಾಗಲಿದೆ.
ಇದೇ ರೀತಿ, ನೌಕರರ ಅತ್ತೆ ಅಥವಾ ಮಾವನ ಹೆಸರನ್ನು ಕೂಡ ವಿಮೆಗೆ ಸೇರಿಸಬಹುದಾಗಿದೆ. ತಂದೆ-ತಾಯಿ ತೀರಿಕೊಂಡಿದ್ದರೆ, ತಂದೆ-ತಾಯಿ ಬದಲಾಗಿ ಅತ್ತೆ-ಮಾವನ ಹೆಸರನ್ನು ನೀಡಬಹುದಾಗಿದೆ. ಇದು ಪುರುಷ ನೌಕರರಿಗೆ ಮಾತ್ರ ಸಂಬಂಧಿಸಿದ ಸ್ಪಷ್ಟನೆಯಾಗಿದೆ. ತಂದೆ-ತಾಯಿ ಅಥವಾ ಅತ್ತೆ-ಮಾವನ ಹೆಸರನ್ನು ವಿಮಾ ಯೋಜನೆಗೆ ಸೇರಿಸಲು ಒಮ್ಮೆ ಮಾತ್ರ ನೀಡಲು ಅವಕಾಶ ಕಲ್ಪಿಸಲಾಗಿದೆ.
ನೌಕರರು ಒಮ್ಮೆ ತಂದೆ-ತಾಯಿ ಹೆಸರು ನೀಡಿದರೆ, ಅವರ ಬದಲಿಗೆ ಅತ್ತೆ-ಮಾವನ ಹೆಸರು ನೀಡಲು ಯಾವುದೇ ಕಾರಣಕ್ಕೂ ಸಾಧ್ಯವಿಲ್ಲ ಎಂದು ಸರ್ಕಾರ ಸ್ಪಷ್ಟಪಡಿಸಿದೆ. ಹೊಸ ನಿಯಮಗಳಿಗೆ ಸಂಬಂಧಿಸಿದಂತೆ ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯವು ಕೆಲ ದಿನಗಳ ಹಿಂದಷ್ಟೇ ಅಧಿಸೂಚನೆ ಹೊರಡಿಸಿದೆ.
ಇದನ್ನೂ ಓದಿ : ಸರ್ಕಾರದ BSNL ಸಂಸ್ಥೆಯಲ್ಲಿ 100 ಹುದ್ದೆಗಳ ನೇಮಕಾತಿ : 40 ಸಾವಿರ ರೂ. ಸಂಬಳ
