ಕೊರೊನಾ ವೈರಸ್ ಇಡೀ ಜಗತ್ತನ್ನೇ ತಲ್ಲಣಗೊಳಿಸಿತ್ತು. ಲಕ್ಷಾಂತರ ಜನರ ಸಾವಿಗೆ ಕಾರಣವಾಗಿತ್ತು. ಈ ವೈರಸ್ ಚೀನಾದಿಂದ ಹುಟ್ಟಿ, ಇಡೀ ಭೂಮಂಡಲಕ್ಕ ಹಬ್ಬಿಕೊಂಡಿತ್ತು. ಈಗ ಇನ್ನೇನು ಕೊರೊನಾ ಹೋಯಿತು ಎಂದು ಜನ ನಿಟ್ಟುಸಿರು ಬಿಟ್ಟು ಬದುಕುತ್ತಿರುವ ಸಂದರ್ಭದಲ್ಲಿಯೇ ಚೀನಾದಲ್ಲಿ ಮತ್ತೊಂದು ವೈರಸ್ ನ ಹಾವಳಿ ತಲೆದೋರಿದೆ.
ಇದು ಕೊರೊನಾಗಿಂತಲೂ ಭಯಾನಕ ಎನ್ನಲಾಗುತ್ತಿದ್ದು, ಇಡೀ ಜಗತ್ತು ಮತ್ತೆ ಬೆಚ್ಚಿ ಬೀಳುತ್ತಿದೆ.
ಈ ವೈರಸ್ ಗೆ ಈಗ ವೆಟ್ ಲ್ಯಾಂಡ್ ವೈರಸ್(WELV) ಎಂದು ಹೆಸರಿಡಲಾಗಿದೆ. ಪ್ರಾಣಿಗಳಲ್ಲಿ ರಕ್ತ ಹೀರುವ ಕೀಟಗಳಿಂದ ಮನುಷ್ಯರಿಗೆ ಹರಡುವ ವೈಟ್ಲ್ಯಾಂಡ್ (ಡಬ್ಲ್ಯುಇಎಲ್ವಿ) ಎಂಬ ವೈರಸ್ ಇದಾಗಿದೆ ಎಂದು ಸಂಶೋಧಕರು ಹೇಳಿದ್ದಾರೆ.
ಈ ವೈರಸ್ ಮೆದುಳು ಹಾಗೂ ನರ ವೈಜ್ಞಾನಿಕ ಕಾಯಿಲೆಗಳಿಗೆ ಕಾರಣವಾಗುತ್ತದೆ ಎಂದು ಹೇಳಲಾಗಿದೆ. ಚೀನಾದ ಕ್ಸಿನ್ಜುವೊ ನಗರದಲ್ಲಿ 2019 ರಲ್ಲಿ 61 ವರ್ಷದ ವಯಸ್ಸಿನಲ್ಲಿ ಮೊದಲ ಬಾರಿಗೆ ಈ ವೈರಸ್ ಪತ್ತೆಯಾಗಿದೆ. ಮಂಗೋಲಿಯದ ಗದ್ದೆ ಪ್ರದೇಶದಿಂದ ಬಂದ ಅವರು ಪರಾವಲಂಬಿ ಕಡಿತದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರು. ಸೋಂಕು ತಗುಲಿದ ಐದು ದಿನಗಳ ಕಾಲ ಅವರಿಗೆ ಜ್ವರ, ತಲೆನೋವು ಮತ್ತು ವಾಂತಿಯಂತಹ ರೋಗ ಲಕ್ಷಣಗಳು ಕಾಣಿಸಿಕೊಂಡವು.
ಆನಂತರ ಈ ಪ್ರದೇಶದ 640 ಅರಣ್ಯ ಅಧಿಕಾರಿಗಳ ರಕ್ತದ ಮಾದರಿಗಳನ್ನು ಸಂಗ್ರಹಿಸಿ ವಿಶ್ಲೇಷಿಸಲಾಗಿದ್ದು, 12 ಜನರಿಗೆ ವೈರಸ್ ಸೋಂಕು ತಗುಲಿರುವುದು ಕಂಡು ಬಂದಿದೆ. ಸಂತಸದ ಸುದ್ದ ಏನೆಂದರೆ ಇದು ಭಯಾನಕವಾದರೂ ಚಿಕಿತ್ಸೆಯ ನಂತರ ಎಲ್ಲ ರೋಗಿಗಳು ಚೇತರಿಸಿಕೊಂಡಿದ್ದಾರೆ.
ಮಾನವರು ಮತ್ತು ಪ್ರಾಣಿಗಳಿಗೆ ಸೋಂಕು ತಗುಲಿಸುವ ಸಾಮರ್ಥ್ಯದಿಂದಾಗಿ ಇದು ಆರೋಗ್ಯಕ್ಕೆ ಅಪಾಯವಾಗಿದೆ. ಸಂಶೋಧಕರ ಪ್ರಕಾರ, ಪ್ರಾಣಿಗಳಲ್ಲಿನ ರಕ್ತನಾಳಗಳಲ್ಲಿನ ರಚನಾತ್ಮಕ ಬದಲಾವಣೆಗಳು ಈ ಮಾರಣಾಂತಿಕ ಸೋಂಕಿಗೆ ಕಾರಣವಾಗಿವೆ. ಚಿಕಿತ್ಸೆಯ ನಂತರವೂ ಈ ವೈರಸ್ ನರಮಂಡಲದ ಮೇಲೆ ಪರಿಣಾಮ ಬೀರುತ್ತದೆ ಎಂದು ಕಂಡುಬಂದಿದೆ. ಈ ವೈರಸ್ ಸುದ್ದಿ ಕೇಳಿ ಈಗ ಮತ್ತೆ ಜಗತ್ತು ಆತಂಕ ವ್ಯಕ್ತಪಡಿಸುತ್ತಿದೆ.
