ಅಡುಗೆ ಎಣ್ಣೆ ಮರುಬಳಕೆ ನಿಯಂತ್ರಣಕ್ಕೆ ಆರೋಗ್ಯ ಇಲಾಖೆ ಮುಂದಾಗಿದೆ. ಹೋಟೆಲ್‌ಗಳಲ್ಲಿ ಎಣ್ಣೆ ಮರುಬಳಕೆ ಮಾಡಿದರೆ ಕ್ರಮಕೈಗೊಳ್ಳುವುದಾಗಿ ಸಚಿವ ಯು.ಟಿ. ಖಾದರ್ ಎಚ್ಚರಿಸಿದ್ದಾರೆ. ಎಣ್ಣೆ ಮರುಬಳಕೆ ತಡೆಯಲು ಶೀಘ್ರದಲ್ಲೇ ಹೊಸ ಆ್ಯಪ್ ಬಿಡುಗಡೆ ಮಾಡಲಾಗುವುದು.
ಹೋಟೆಲ್ ಹಾಗೂ ಬೇಕರಿಗಳು ಎಣ್ಣೆ ಖರೀದಿ, ಬಳಕೆ, ಮಾರಾಟ ಹಾಗೂ ಬಯೋಗ್ಯಾಸ್ ಏಜೆನ್ಸಿಗೆ ನೀಡಿದ ವಿವರವನ್ನು ಆ್ಯಪ್‌ನಲ್ಲಿ ಕಡ್ಡಾಯವಾಗಿ ನಮೂದು ಮಾಡಬೇಕು. ಆ್ಯಪ್ ಸಿದ್ಧಪಡಿಸಲು ಮೂರು ತಿಂಗಳ ಸಮಯ ಹಿಡಿಯಲಿದೆ. ಎರಡನೇ ಹಂತದಲ್ಲಿ ಮನೆಗಳಿಂದಲೂ ಮರುಬಳಕೆ ಎಣ್ಣೆ ಸಂಗ್ರಹಿಸುವ ಪ್ಲ್ಯಾನ್ ಇದ್ದು, ಈ ಬಗ್ಗೆ ಮಾರ್ಗಸೂಚಿ ಬಿಡುಗಡೆ ಮಾಡಲಾಗುವುದು.
