ಬೆಂಗಳೂರು: ದೇಶದ ಪ್ರಮುಖ ದೂರಸಂಪರ್ಕ ಸೇವಾ ಸಂಸ್ಥೆ ಭಾರತೀಯ ಏರ್ ಟೆಲ್ (Airtel) ತನ್ನ ಗ್ರಾಹಕರಿಗೆ ವಿಶೇಷ ಕೊಡುಗೆಯೊಂದನ್ನು ಪರಿಚಯಿಸಿದೆ. ಕಂಪನಿಯು ತನ್ನ ಜನಪ್ರಿಯ ಪ್ರಿಪೇಯ್ಡ್ ಯೋಜನೆಗಳಾದ 349 ರೂಪಾಯಿ ಹಾಗೂ 399 ರೂಪಾಯಿ ಮೌಲ್ಯದ ರಿಚಾರ್ಜ್ ಗಳ ಮೇಲೆ ‘ಬೈ ಒನ್ ಗೆಟ್ ಒನ್ ಫ್ರೀ’ (1+1 Recharge Free) ಆಫರ್ ಘೋಷಿಸಿದೆ. ಈ ಆಫರ್ ಮೂಲಕ ಗ್ರಾಹಕರು ಒಂದೇ ರಿಚಾರ್ಜ್ ಬೆಲೆಗೆ ಎರಡು ಪಟ್ಟು ಲಾಭ ಪಡೆಯಬಹುದಾಗಿದೆ.
ಆಫರ್ ನ ಪ್ರಮುಖ ಅಂಶಗಳು
ಡಬಲ್ ವ್ಯಾಲಿಡಿಟಿ (56 ದಿನಗಳ ವ್ಯಾಲಿಡಿಟಿ): ಸಾಮಾನ್ಯವಾಗಿ ಈ ಎರಡು ಯೋಜನೆಗಳು 28 ದಿನಗಳ ಮಾನ್ಯತೆಯನ್ನು ಹೊಂದಿರುತ್ತವೆ. ಆದರೆ ಈ ಹೊಸ ಆಫರ್ ಅಡಿಯಲ್ಲಿ ರಿಚಾರ್ಜ್ ಮಾಡಿಕೊಂಡರೆ, ಹೆಚ್ಚುವರಿಯಾಗಿ ಮತ್ತೊಂದು ರೀಚಾರ್ಜ್ ಉಚಿತವಾಗಿ ಸಿಗುವುದರಿಂದ ಒಟ್ಟು ವ್ಯಾಲಿಡಿಟಿಯು 56 ದಿನಗಳಿಗೆ ವಿಸ್ತರಣೆಯಾಗಲಿದೆ.
₹349 ಯೋಜನೆಯ ಪ್ರಯೋಜನಗಳು: ಈ ಪ್ಲಾನ್ ನಲ್ಲಿ ಪ್ರತಿದಿನ 2GB ಹೈ-ಸ್ಪೀಡ್ ಡೇಟಾ, ಅನ್ ಲಿಮಿಟೆಡ್ ಲೋಕಲ್ ಹಾಗೂ ಎಸ್ ಟಿಡಿ ಕರೆಗಳು ಮತ್ತು ಪ್ರತಿದಿನ 100 ಎಸ್‌ಎಂಎಸ್ ದೊರೆಯಲಿವೆ. ಇದರೊಂದಿಗೆ ಅನ್ ಲಿಮಿಟೆಡ್ 5G ಡೇಟಾ ಮತ್ತು ಉಚಿತ ಹೆಲೋಟ್ಯೂನ್ಸ್ ಸೌಲಭ್ಯವೂ ಲಭ್ಯವಿದೆ.
₹399 ಯೋಜನೆಯ ಪ್ರಯೋಜನಗಳು: ಈ ಯೋಜನೆಯು ಯಾವುದೇ ದೈನಂದಿನ ಮಿತಿಯಿಲ್ಲದೆ ಸಂಪೂರ್ಣ ಅನ್ ಲಿಮಿಟೆಡ್ 4G ಮತ್ತು 5G ಡೇಟಾ ಪ್ರಯೋಜನವನ್ನು ನೀಡುತ್ತದೆ. ಇದರೊಂದಿಗೆ ಅನ್ ಲಿಮಿಟೆಡ್ ಕರೆಗಳು ಹಾಗೂ ಎಸ್‌ಎಂಎಸ್ ಸೌಲಭ್ಯವಿದ್ದು, ಅಡೋಬ್ ಎಕ್ಸ್ ಪ್ರೆಸ್ ಪ್ರೀಮಿಯಂ ಚಂದಾದಾರಿಕೆಯೂ ಸಿಗಲಿದೆ.
ಯಾರಿಗೆ ಸಿಗಲಿದೆ ಈ ಆಫರ್?
ಏರ್‌ಟೆಲ್ನ ಈ ‘1+1 ಫ್ರೀ ರೀಚಾರ್ಜ್’ ಆಫರ್ ಸದ್ಯಕ್ಕೆ ಎಲ್ಲರಿಗೂ ಲಭ್ಯವಿಲ್ಲ. ಇದು ನಿರ್ದಿಷ್ಟ ಹಾಗೂ ಆಯ್ದ ಗ್ರಾಹಕರಿಗೆ ಮಾತ್ರ (ವಿಶೇಷವಾಗಿ ತಮ್ಮ ನಂಬರ್ ಗಳನ್ನು ದೀರ್ಘಕಾಲದಿಂದ ರಿಚಾರ್ಜ್ ಮಾಡಿಸದ ಅಥವಾ ಪ್ರಚಾರದ ಕೊಡುಗೆಗೆ ಅರ್ಹರಾದ ಬಳಕೆದಾರರಿಗೆ) ಲಭ್ಯವಾಗುವಂತೆ ವಿನ್ಯಾಸಗೊಳಿಸಲಾಗಿದೆ.
ಆಫರ್ ಪರಿಶೀಲಿಸುವುದು ಹೇಗೆ?
ನಿಮ್ಮ ಏರ್ ಟೆಲ್ ನಂಬರ್ ಗೆ ಈ ಆಫರ್ ಲಭ್ಯವಿದೆಯೇ ಎಂಬುದನ್ನು ಪರಿಶೀಲಿಸಲು ಕೆಳಗಿನ ಹಂತಗಳನ್ನು ಅನುಸರಿಸಿ.
• ನಿಮ್ಮ ಮೊಬೈಲ್ ನಲ್ಲಿ ಅಧಿಕೃತ Airtel Thanks App ತೆರೆಯಿರಿ.
• ನಿಮ್ಮ ಏರ್ ಟೆಲ್ ನಂಬರ್ ಬಳಸಿ ಲಾಗಿನ್ ಆಗಿ.
• ರಿಚಾರ್ಜ್ ವಿಭಾಗಕ್ಕೆ ಭೇಟಿ ನೀಡಿ ₹349 ಅಥವಾ ₹399 ಯೋಜನೆಯನ್ನು ಪರಿಶೀಲಿಸಿ.
• ನಿಮ್ಮ ಖಾತೆಗೆ ಈ ಆಫರ್ ಅನ್ವಯವಾಗಿದ್ದರೆ, ಆ ಪ್ಲಾನ್ ನ ಕೆಳಗೆ ‘1+1 Recharge Free’ ಅಥವಾ ‘Recharge Now and Enjoy 1 More Recharge Free’ ಎಂಬ ಟ್ಯಾಗ್ ಕಾಣಿಸಿಕೊಳ್ಳುತ್ತದೆ.
• ನೀವು ಈ ಆಫರ್ ಅನ್ವಯ ರಿಚಾರ್ಜ್ ಮಾಡಿದರೆ, ಮೊದಲ ತಿಂಗಳ ಪ್ಲಾನ್ ಮುಗಿದ ಬಳಿಕ ಎರಡನೇ ರಿಚಾರ್ಜ್ ತಾನಾಗಿಯೇ ಸಕ್ರಿಯಗೊಳ್ಳಲಿದೆ.
