ನಟ ಧನ್ವೀರ್ ಹಾಗೂ ವಿಜಯಲಕ್ಷ್ಮಿ ನಡುವಿನ ಕೋಲ್ಡ್ ವಾರ್ ಮುಂದುವರಿದಿದ್ದು, ಈಗ ನಟ ಧನ್ವೀರ್ ಹಾಕಿರುವ ಸಾಮಾಜಿಕ ಜಾಲತಾಣದ ಸ್ಟೇಟಸ್ ಭಾರೀ ಸದ್ದು ಮಾಡುತ್ತಿದೆ. ಹೌದು, ಈ ಇಬ್ಬರ ನಡುವಿನ ಸೈಲೆಂಟ್ ವಾರ್ ಮಧ್ಯೆ ‘ಶೋಕ್ದಾರ್’ ಖ್ಯಾತಿಯ ಧನ್ವೀರ್ ಅವರು ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೇಟಸ್ ಮೂಲಕ ಪರೋಕ್ಷವಾಗಿ ವಾರ್ನಿಂಗ್ ಕೊಟ್ಟಿದ್ದಾರೆ. “ಕೆಲವರಿಗೆ ಹೇಳೋಕೆ ಇಷ್ಟಪಡ್ತೀನಿ, ಯಾವನು ಏನು ಮಾಡೋಕೆ ಆಗಲ್ಲ” ಎಂದು ಬರೆಯುವ ಮೂಲಕ ಧನ್ವೀರ್ ತಮ್ಮ ಸ್ಟೈಲ್‌ನಲ್ಲಿ ತಿರುಗೇಟು ನೀಡಿದ್ದಾರೆ.
ಈ ವಿವಾದದ ಬೆನ್ನಲ್ಲೇ ಧನ್ವೀರ್ ಅವರು ತಮ್ಮ ಪರವಕೀಲರ ಮೂಲಕ ಸುದ್ದಿಗೋಷ್ಠಿ ಮಾಡಿಸಿದ್ದರು. ಆದರೆ ಈ ಇಡೀ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟ ಧನ್ವೀರ್ ಇದುವರೆಗೂ ಯಾವುದೇ ರೀತಿಯ ಬಹಿರಂಗ ನೇರ ಹೇಳಿಕೆಯನ್ನೇ ನೀಡಿಲ್ಲ. ಈಗ ಅವರ ಇನ್‌ಸ್ಟಾಗ್ರಾಮ್ ಸ್ಟೇಟಸ್ ಮಾತ್ರ ಭಾರೀ ಊಹಾಪೋಹಗಳಿಗೆ ಕಾರಣವಾಗಿದೆ.
