ಸಾಲಗಾರರಿಗೆ ಶಾಕಿಂಗ್ ನ್ಯೂಸ್ : ಬಡ್ಡಿದರ ಹೆಚ್ಚಿಸಿದ ಎರಡು ಸರ್ಕಾರಿ ಬ್ಯಾಂಕುಗಳು!

ಬೆಂಗಳೂರು : ಕೆಲ ದಿನಗಳ ಹಿಂದಷ್ಟೇ ಭಾರತೀಯ ರಿಸರ್ವ್ ಬ್ಯಾಂಕ್ (RBI) ರೆಪೊದರವನ್ನು ಯಥಾಸ್ಥಿತಿಯಲ್ಲೇ ಮುಂದುವರಿಸಲು ತೀರ್ಮಾನಿಸಿದೆ. ಇದರಿಂದಾಗಿ ಬಡ್ಡಿದರದ ಇಳಿಕೆಯ ನಿರೀಕ್ಷೆಯಲ್ಲಿದ್ದ ಸಾಲಗಾರರಿಗೆ ಕಹಿ ಸುದ್ದಿ ಲಭಿಸಿದೆ. ಇದರ ಬೆನ್ನಲ್ಲೇ, ಸಾಲಗಾರರಿಗೆ ಮತ್ತೊಂದು ಶಾಕಿಂಗ್ ನ್ಯೂಸ್ ಬಂದೆರಗಿದೆ. ಹೌದು, ಕೇಂದ್ರ ಸರ್ಕಾರಿ ಸ್ವಾಮ್ಯದ ಕೆನರಾ ಬ್ಯಾಂಕ್ ಮತ್ತು ಬ್ಯಾಂಕ್ ಆಫ್ ಬರೋಡಾ ಸಾಲದ ಮೇಲಿನ ಬಡ್ಡಿ ದರಗಳನ್ನು (MCLR) ಹೆಚ್ಚಿಸಿದ್ದು, ಜೂನ್ 12ರಿಂದಲೇ ಹೊಸ ಬಡ್ಡಿದರ ಜಾರಿಗೆ ಬಂದಿದೆ.

ಎರಡೂ ಬ್ಯಾಂಕ್ ಗಳು ತಮ್ಮ ಎಂಸಿಎಲ್ಆರ್ (MCLR – Marginal Cost of Funds Based Lending Rate) ದರವನ್ನು 5 ಬೇಸಿಸ್ ಪಾಯಿಂಟ್ ಗಳಷ್ಟು (0.05%) ಹೆಚ್ಚಿಸಿವೆ. ಇದರಿಂದಾಗಿ ಗೃಹ ಸಾಲ, ವಾಹನ ಸಾಲ ಮತ್ತು ವೈಯಕ್ತಿಕ ಸಾಲ ಹೊಂದಿರುವ ಗ್ರಾಹಕರ ಇಎಂಐ ಹೊರೆ ಹೆಚ್ಚಾಗುವ ಸಾಧ್ಯತೆಯಿದೆ.

ಕೆನರಾ ಬ್ಯಾಂಕ್

ಕೆನರಾ ಬ್ಯಾಂಕ್ ತನ್ನ ಅಲ್ಪಾವಧಿಯ ಅವಧಿಗಳಿಗೆ ಮಾತ್ರ ದರ ಏರಿಕೆ ಮಾಡಿದೆ.
• ಓವರ್ ನೈಟ್: ಶೇ.7.90ರಿಂದ 7.95ಕ್ಕೆ ಏರಿಕೆ.
• ಒಂದು ತಿಂಗಳು: ಶೇ.7.95ರಿಂದ 8ಕ್ಕೆ ಏರಿಕೆ.
• ಮೂರು ತಿಂಗಳು: ಶೇ.8.20ರಿಂದ 8.25ಕ್ಕೆ ಏರಿಕೆ.
• ಆರು ತಿಂಗಳು: ಶೇ.8.55ರಿಂದ 8.60ಕ್ಕೆ ಏರಿಕೆ.
ಗಮನಿಸಿ: ಒಂದು ವರ್ಷದ ಅವಧಿಗೆ ಪಡೆಯುವ ಸಾಲದ ಬಡ್ಡಿದರದಲ್ಲಿ ಯಾವುದೇ ಬದಲಾವಣೆ ಇಲ್ಲ. ಇದು ಶೇ.8.75ರಲ್ಲೇ ಮುಂದುವರಿಯಲಿದೆ.

ಬ್ಯಾಂಕ್ ಆಫ್ ಬರೋಡಾ

ಬ್ಯಾಂಕ್ ಆಫ್ ಬರೋಡಾ ತನ್ನ ಐದು ಪ್ರಮುಖ ಅವಧಿಗಳಿಗೆ ತಲಾ 5 ಬೇಸಿಸ್ ಪಾಯಿಂಟ್ ಗಳನ್ನು ಏರಿಕೆ ಮಾಡಿದೆ.
• ಓವರ್ ನೈಟ್: ಶೇ.7.80ರಿಂದ 7.85ಕ್ಕೆ ಏರಿಕೆ.
• ಒಂದು ತಿಂಗಳು: ಶೇ.7.90ರಿಂದ 7.95ಕ್ಕೆ ಏರಿಕೆ.
• ಮೂರು ತಿಂಗಳು: ಶೇ.8.15ರಿಂದ 8.20ಕ್ಕೆ ಏರಿಕೆ.
• ಆರು ತಿಂಗಳು: ಶೇ.8.45ರಿಂದ 8.50ಕ್ಕೆ ಏರಿಕೆ.
• ಒಂದು ವರ್ಷದ MCLR: ಶೇ.8.70ರಿಂದ 8.75ಕ್ಕೆ ಏರಿಕೆ.

ಗ್ರಾಹಕರಿಗೆ ಇದರ ಪರಿಣಾಮವೇನು?

ಹೊಸ ಗ್ರಾಹಕರು: ಜೂನ್ 12ರಿಂದ ಪಡೆಯುವ ಹೊಸ ಸಾಲಗಳಿಗೆ ಈ ಪರಿಷ್ಕೃತ ಬಡ್ಡಿ ದರಗಳು ಅನ್ವಯಿಸುತ್ತವೆ. ಹಳೆಯ ಗ್ರಾಹಕರು: ನಿಮ್ಮ ಸಾಲವು ‘ಫ್ಲೋಟಿಂಗ್ ಬಡ್ಡಿ ದರ’ (Floating Rate) ಮತ್ತು MCLRಗೆ ಲಿಂಕ್ ಆಗಿದ್ದರೆ, ನಿಮ್ಮ ಸಾಲದ ‘ರಿಸೆಟ್’ (Reset) ದಿನಾಂಕದಂದು ಹೊಸ ದರ ಅನ್ವಯವಾಗುತ್ತದೆ. ಆಗನಿಮ್ಮ ಇಎಂಐ ಮೊತ್ತದಲ್ಲಿ ಸ್ವಲ್ಪ ಹೆಚ್ಚಳವಾಗಬಹುದು.

ಇದನ್ನೂ ಓದಿ : ಬೆಂಗಳೂರಿನಲ್ಲಿರುವ NIMHANS ಸಂಸ್ಥೆಯಲ್ಲಿ ನೇಮಕಾತಿ : ಡಿಗ್ರಿ ಮುಗಿಸಿದವರಿಗೆ ಒಳ್ಳೆಯ ಅವಕಾಶ!