ಬೆಂಗಳೂರು : ಷೇರು ಮಾರುಕಟ್ಟೆ, ಮ್ಯೂಚುವಲ್ ಫಂಡ್ ಎಸ್ಐಪಿ ಸೇರಿ ವಿವಿಧ ರೀತಿಯ ಹೂಡಿಕೆಗಳನ್ನು ಈಗ ಆನ್ ಲೈನ್ನಲ್ಲೇ ಮಾಡಬಹುದಾಗಿದೆ. ಟ್ರೇಡಿಂಗ್ ಆ್ಯಪ್ಗಳು, ಹೂಡಿಕೆಯ ಬ್ರೋಕರೇಜ್ ಆ್ಯಪ್ ಗಳು ಹೂಡಿಕೆದಾರರಿಗೆ ಹಲವು ಆಯ್ಕೆಗಳಿವೆ. ಆದರೆ, ನಕಲಿ ಆ್ಯಪ್ ಗಳ ಮೂಲಕ ಹೂಡಿಕೆದಾರರಿಗೆ ವಂಚಿಸುತ್ತಿರುವ ಪ್ರಕರಣಗಳು ಜಾಸ್ತಿಯಾಗುತ್ತಿರುವ ಕಾರಣ ಹೂಡಿಕೆದಾರರ ರಕ್ಷಣೆ ದಿಸೆಯಲ್ಲಿ ಷೇರು ಮಾರುಕಟ್ಟೆ ನಿಯಂತ್ರಕ ಸಂಸ್ಥೆ ಸೆಬಿಯು ಹೊಸ ನಿಯಮ ಜಾರಿಗೆ ತಂದಿದೆ.
ಹೌದು, ಗೂಗಲ್ ಪ್ಲೇ ನಲ್ಲಿ ಟ್ರೇಡಿಂಗ್ ಆ್ಯಪ್ ಗಳಿಗೆ “ವೇರಿಫೈಡ್” ಎಂಬ ಮಾರ್ಕ್ ಕಡ್ಡಾಯಗೊಳಿಸಿ ಸೆಬಿ ಆದೇಶ ಹೊರಡಿಸಿದೆ. ಅಂದರೆ, ಗೂಗಲ್ ಸಂಸ್ಥೆಯು ಇನ್ನುಮುಂದೆ ಅಧಿಕೃತ ಟ್ರೇಡಿಂಗ್ ಆ್ಯಪ್ ಗಳಿಗೆ ದೃಢೀಕೃತ ಸಿಂಬಲ್ ನೀಡಬೇಕಾಗುತ್ತದೆ. ವೇರಿಫೈಡ್ ಆ್ಯಪ್ ಸಿಂಬಲ್ ನೋಡಿಕೊಂಡು ಹೂಡಿಕೆದಾರರು ಸುರಕ್ಷಿತವಾಗಿ ಹೂಡಿಕೆ ಮಾಡಬಹುದಾಗಿದೆ.
ವಂಚಕರು ನಕಲಿ ಆ್ಯಪ್ ಗಳ ಮೂಲಕ ಹೂಡಿಕೆದಾರರನ್ನು ವಂಚಿಸುತ್ತಿದ್ದಾರೆ. ನಿಮ್ಮ ಹಣವನ್ನು ಷೇರು ಮಾರುಕಟ್ಟೆಯಲ್ಲಿ ಹೂಡಿಕೆ ಮಾಡಿ, ದುಪ್ಪಟ್ಟು ಲಾಭ ಮಾಡಿಕೊಡಲಾಗುತ್ತದೆ. ಈ ಆ್ಯಪ್ ಇನ್ ಸ್ಟಾಲ್ ಮಾಡಿಕೊಂಡು ಹಣವನ್ನು ಹೂಡಿಕೆ ಮಾಡಿ ಎಂದು ಕೋಟ್ಯಂತರ ರೂಪಾಯಿ ವಂಚಿಸುತ್ತಿದ್ದಾರೆ. ಗ್ರಾಹಕರಿಗೆ ನಕಲಿ ಆ್ಯಪ್ ಯಾವುದು, ಅಸಲಿ ಆ್ಯಪ್ ಯಾವುದು ಎಂಬುದನ್ನು ಗುರುತಿಸಲು ಸಾಧ್ಯವಾಗುತ್ತಿಲ್ಲ. ಹಾಗಾಗಿ, ಸೆಬಿಯು ಈ ಕ್ರಮ ತೆಗೆದುಕೊಂಡಿದೆ.
ಹೊಸ ಹಾಗೂ ಸುರಕ್ಷಿತ ವ್ಯವಸ್ಥೆಯ ಜಾರಿಗೆ ಸೆಬಿಗೆ ಗೂಗಲ್ ಸಹಯೋಗ ನೀಡಿದೆ. ಸೆಬಿಯಲ್ಲಿ ನೋಂದಣಿ ಮಾಡಿಕೊಂಡ ಟ್ರೇಡಿಂಗ್ ಆ್ಯಪ್ ಗಳ ಬಗ್ಗೆ ಗೂಗಲ್ ಪ್ಲೇಗೆ ಸೆಬಿಯು ಮಾಹಿತಿ ನೀಡುತ್ತದೆ. ಈ ಮಾಹಿತಿಯನ್ನು ಆಧರಿಸಿ ಗೂಗಲ್ ಪ್ಲೇ “ವೇರಿ ಫೈ ಬ್ಯಾಡ್ಜ್” ನೀಡುತ್ತದೆ ಎಂದು ವರದಿಗಳು ತಿಳಿಸಿವೆ. ಹಾಗಾಗಿ, ಗ್ರಾಹಕರು ಇನ್ನುಮುಂದೆ ವೇರಿಫೈಡ್ ಆಗಿರುವ ಆ್ಯಪ್ ಗಳನ್ನು ಇನ್ ಸ್ಟಾಲ್ ಮಾಡಿಕೊಂಡು ಹೂಡಿಕೆ ಮಾಡಬಹುದಾಗಿದೆ.
ಇದನ್ನೂ ಓದಿ : ಅಕ್ರಮ ಸಂಬಂಧಕ್ಕೆ ಅಡ್ಡಿ – ಸುಪಾರಿ ಕೊಟ್ಟು ಪತಿಯ ಕಥೆ ಮುಗಿಸಿದ ಪತ್ನಿ!
