ಬೆಂಗಳೂರು : ಹಣಕಾಸು ವರ್ಷದ ಅಂತ್ಯ ಸಮೀಪಿಸುತ್ತಿದ್ದಂತೆ, ಜಪಾನ್ ಮೂಲದ ವಾಹನ ತಯಾರಿಕಾ ಸಂಸ್ಥೆ ಹೋಂಡಾ ತನ್ನ ಸ್ಟಾಕ್ ಕ್ಲಿಯರ್ ಮಾಡುವ ಉದ್ದೇಶದಿಂದ ಭಾರತೀಯ ಗ್ರಾಹಕರಿಗೆ ಭರ್ಜರಿ ಸಿಹಿಸುದ್ದಿ ನೀಡಿದೆ. ಈ ಮಾರ್ಚ್ ತಿಂಗಳಲ್ಲಿ ಹೋಂಡಾ ತನ್ನ ಜನಪ್ರಿಯ ಕಾರುಗಳಾದ ಸಿಟಿ, ಎಲಿವೇಟ್ ಮತ್ತು ಅಮೇಜ್ ಮೇಲೆ ಬರೋಬ್ಬರಿ 1.97 ಲಕ್ಷ ರೂಪಾಯಿವರೆಗೆ ಬೃಹತ್ ರಿಯಾಯಿತಿಗಳನ್ನು ಘೋಷಿಸಿದೆ. ನಗದು ರಿಯಾಯಿತಿ, ಎಕ್ಸ್ಚೇಂಜ್ ಬೋನಸ್, ಸ್ಕ್ರ್ಯಾಪೇಜ್ ಬೆನಿಫಿಟ್ ಮತ್ತು ಲಾಯಲ್ಟಿ ರಿವಾರ್ಡ್ಗಳ ರೂಪದಲ್ಲಿ ಈ ಕೊಡುಗೆಗಳು ಲಭ್ಯವಿವೆ.
ಹೋಂಡಾ ಸಿಟಿ ಹೈಬ್ರಿಡ್ ಮೇಲೆ ಅತಿ ಹೆಚ್ಚು ಡಿಸ್ಕೌಂಟ್ :
ಈ ತಿಂಗಳ ಕೊಡುಗೆಗಳಲ್ಲಿ ಹೋಂಡಾ ಸಿಟಿ ಇ:ಹೆಚ್ಇವಿ (City e:HEV) ಹೈಬ್ರಿಡ್ ಸೆಡಾನ್ ಮುಂಚೂಣಿಯಲ್ಲಿದೆ. ಈ ಕಾರಿನ ಮೇಲೆ ಗ್ರಾಹಕರು ಗರಿಷ್ಠ ₹1.97 ಲಕ್ಷದವರೆಗೆ ಒಟ್ಟು ಲಾಭವನ್ನು ಪಡೆಯಬಹುದು. ₹20 ಲಕ್ಷದ ಎಕ್ಸ್ ಶೋರೂಮ್ ಬೆಲೆ ಹೊಂದಿರುವ ಈ ಹೈಬ್ರಿಡ್ ಕಾರು, ಅತ್ಯುತ್ತಮ ಇಂಧನ ದಕ್ಷತೆ ಮತ್ತು ತಂತ್ರಜ್ಞಾನಕ್ಕೆ ಹೆಸರಾಗಿದೆ. ಇನ್ನು ಸ್ಟ್ಯಾಂಡರ್ಡ್ ಪೆಟ್ರೋಲ್ ಆವೃತ್ತಿಯ ಹೋಂಡಾ ಸಿಟಿ ಮೇಲೆ ₹1.56 ಲಕ್ಷದವರೆಗೆ ರಿಯಾಯಿತಿ ಲಭ್ಯವಿದ್ದು, ಇದರ ಬೆಲೆ ₹11.95 ಲಕ್ಷದಿಂದ ₹16.15 ಲಕ್ಷದವರೆಗೆ ಇದೆ.
ಎಲಿವೇಟ್ ಎಸ್ಯುವಿ ಮೇಲೆ ಭರ್ಜರಿ ಲಾಭ :
ಮಧ್ಯಮ ಗಾತ್ರದ ಎಸ್ಯುವಿ ವಿಭಾಗದಲ್ಲಿ ಪೈಪೋಟಿ ನೀಡುತ್ತಿರುವ ಹೋಂಡಾ ಎಲಿವೇಟ್ (Honda Elevate) ಮೇಲೆ ಸಂಸ್ಥೆಯು ₹1.81 ಲಕ್ಷದವರೆಗೆ ರಿಯಾಯಿತಿ ನೀಡುತ್ತಿದೆ. ಹ್ಯುಂಡೈ ಕ್ರೆಟಾ ಮತ್ತು ಮಾರುತಿ ಗ್ರ್ಯಾಂಡ್ ವಿಟಾರಾದಂತಹ ಪ್ರಬಲ ಸ್ಪರ್ಧಿಗಳ ಎದುರು ಎಲಿವೇಟ್ ಅನ್ನು ಹೆಚ್ಚು ಆಕರ್ಷಕವಾಗಿಸಲು ಈ ರಿಯಾಯಿತಿ ಘೋಷಿಸಲಾಗಿದೆ. ಪ್ರಸ್ತುತ ಈ ಕಾರಿನ ಬೆಲೆ ₹11.6 ಲಕ್ಷದಿಂದ ₹16.25 ಲಕ್ಷದವರೆಗೆ ಇದ್ದು, ರಿಯಾಯಿತಿಯ ನಂತರ ಇದು ಗ್ರಾಹಕರಿಗೆ ಅತ್ಯಂತ ಕಡಿಮೆ ದರದಲ್ಲಿ ಲಭ್ಯವಾಗಲಿದೆ.
ಹೋಂಡಾ ಅಮೇಜ್ ಮೇಲೆ ವಿಶೇಷ ಕೊಡುಗೆಗಳು:
ಹೋಂಡಾ ಸಂಸ್ಥೆಯು ಸದ್ಯ ಮಾರುಕಟ್ಟೆಯಲ್ಲಿ ತನ್ನ ಎರಡನೇ ಮತ್ತು ಮೂರನೇ ತಲೆಮಾರಿನ (2nd & 3rd Gen) ಅಮೇಜ್ ಕಾರುಗಳನ್ನು ಒಟ್ಟಿಗೆ ಮಾರಾಟ ಮಾಡುತ್ತಿದೆ.
- ಹಳೆಯ ಮಾದರಿಯ ಅಮೇಜ್ (2nd Gen): ಇದರ ಮೇಲೆ ₹68,000 ವರೆಗೆ ರಿಯಾಯಿತಿ ಇದೆ.
- ಹೊಸ ಮಾದರಿಯ ಅಮೇಜ್ (3rd Gen): ಇತ್ತೀಚೆಗಷ್ಟೇ ಬಿಡುಗಡೆಯಾಗಿರುವ ಈ ಮಾಡೆಲ್ ಮೇಲೆ ಕೂಡ ಅಚ್ಚರಿಯ ರೀತಿಯಲ್ಲಿ ₹57,000 ವರೆಗೆ ರಿಯಾಯಿತಿ ಘೋಷಿಸಲಾಗಿದೆ.
ಮಾರುತಿ ಸುಜುಕಿ ಡೈರ್ನಂತಹ ಕಾರುಗಳಿಗೆ ತೀವ್ರ ಪೈಪೋಟಿ ನೀಡಲು ಹೊಸ ಮಾದರಿಯ ಮೇಲೂ ರಿಯಾಯಿತಿ ನೀಡುತ್ತಿರುವುದು ವಿಶೇಷ. ಅಂದಹಾಗೆ, ಈ ರಿಯಾಯಿತಿಗಳು ಡೀಲರ್ಶಿಪ್ಗಳ ಲಭ್ಯತೆ ಮತ್ತು ಆಯಾ ನಗರಗಳಿಗೆ ಅನುಗುಣವಾಗಿ ಬದಲಾಗಬಹುದು. ಆದ್ದರಿಂದ ಹೊಸ ಕಾರು ಖರೀದಿಸುವ ಯೋಜನೆಯಲ್ಲಿರುವವರಿಗೆ ಈ ಮಾರ್ಚ್ ತಿಂಗಳು ಅತ್ಯಂತ ಸೂಕ್ತ ಸಮಯವಾಗಿದೆ.
ಇದನ್ನೂ ಓದಿ : IPL ವೇಳಾಪಟ್ಟಿ ಬಿಡುಗಡೆಗೆ ಸಿದ್ಧತೆ | 2 ಹಂತಗಳಲ್ಲಿ ಲಿಸ್ಟ್ ಪ್ರಕಟಿಸಲು BCCI ನಿರ್ಧಾರ.. ಕಾರಣವೇನು?
