ಬೆಂಗಳೂರು: ಲಘು ವಿಮಾನ ಅಪಘಾತದಲ್ಲಿ ಮಹಾರಾಷ್ಟ್ರ ಡಿಸಿಎಂ ಅಜಿತ್ ಪವಾರ್ ಸಾವು ಹಿನ್ನಲೆ, ಸಿಎಂ, ಡಿಸಿಎಂ ಸೇರಿದಂತೆ ಸಚಿವರುಗಳು ಬಳಸುವ ಪ್ರೈವೇಟ್ ಜೆಟ್ ತಪಾಸಣೆಗೆ ಮಾಡುವಂತೆ ಗುಪ್ತಚರ ಇಲಾಖೆ ಸೂಚನೆ ನೀಡಿದೆ.
ಸಿಎಂ ಹಾಗೂ ಡಿಸಿಎಂ ಸೇರಿದಂತೆ ಸಚಿವರುಗಳು ಬಳಸುವ ಜೆಟ್ಗಳು ಯಾವುವು.? ಈ ಹಿಂದೆ ಯಾವುದಾದರೂ ಟೆಕ್ನಿಕಲ್ ಆಗಿ ಜೆಟ್ ತೊಂದರೆಗೆ ಒಳಗಾಗಿದೆಯಾ? ಅವುಗಳ ಮೇಲೆ ಯಾವುದಾದರೂ ದೂರುಗಳು ಇದ್ದರೆ ಮಾಹಿತಿ ಪಡೆದುಕೊಳ್ಳಿ. ಅಂತಹ ದೂರುಗಳು ಇದ್ದರೆ ಕೂಡಲೇ ಆ ಪ್ರೈವೇಟ್ ಜೆಟ್ಗಳನ್ನ ಬದಲಾಯಿಸಲು ಹಿರಿಯ ಪೊಲೀಸ್ ಅಧಿಕಾರಿಗಳಿಂದ ಸಿಎಂ ಆಪ್ತ ಕಾರ್ಯದರ್ಶಿಗಳಿಗೆ ಸಲಹೆ ನೀಡಲಾಗಿದೆ.
ಹಾಗಾದ್ರೆ ಪ್ರೈವೇಟ್ ಜೆಟ್ ತಪಾಸಣೆಗೆ ಸೂಚಿಸಲು ಕಾರಣವೇನು ಗೊತ್ತಾ..? ಅಜಿತ್ ಪವಾರ್ ಸಾವಿನ ಬಳಿಕ ಹಲವು ಸಂಗತಿಗಳು ಬಯಲಾಗಿದ್ದೆ ಇದಕ್ಕೆಲ್ಲ ಕಾರಣನಾ ಎಂಬ ಪ್ರಶ್ನೆ ಸಾರ್ವಜನಿಕ ವಲಯದಲ್ಲಿ ಕೇಳಿ ಬರುತ್ತಿದೆ.
ಅಜಿತ್ ಪವಾರ್ ಕೆನಡಾದ ಬೊಂಬಾರ್ಡಿಯರ್ ಕಂಪನಿ ತಯಾರಿಸಿದ ಲಿಯರ್ ಜೆಟ್ 45 ಬಳಸುತ್ತಿದ್ದರು. ಇದನ್ನ VTSSK ಎಂದು ಸಹ ಕರೆಯುತ್ತಿದ್ದರು. ಆದರೆ, ಟೆಕ್ನಿಕಲ್ ತೊಂದರೆಗಳಿಂದ VTSSK ವಿಮಾನ ಎರೆಡು ಬಾರಿ ಪ್ರಯಾಣ ರದ್ದು ಮಾಡಿದೆ. ಆದರೆ ಅದೇ ವಿಮಾನವನ್ನು ಅಜಿತ್ ಪವಾರ್ ಯಾಕೆ ಬಳಸಿದರು ಎನ್ನುವುದೆ ಅನುಮಾನಕ್ಕೆ ಕಾರಣವಾಗಿದೆ.
ಹೀಗಾಗಿ ರಾಜ್ಯದಲ್ಲಿ ಎಚ್ಚೆತ್ತ ಹಿರಿಯ ಪೊಲೀಸ್ ಅಧಿಕಾರಿಗಳು ಸಚಿವರಿಗೆ ಸೇರಿದಂತೆ ಯಾರೆಲ್ಲಾ ಪ್ರೈವೇಟ್ ಜೆಟ್ ಹೊಂದಿದ್ದಾರೆ ಅವರಿಗೆ ಸಲಹೆ ಕೊಟ್ಟಿದ್ದಾರೆ. ಸಾಧಾರಣವಾಗಿ ಈ ಪರಿಶೀಲನೆ ಕೆಲಸವನ್ನ DGCA ನೋಡಿಕೊಳ್ಳುತ್ತೆ. ಹೀಗಾಗಿ ಹಿರಿಯ ಪೊಲೀಸ್ ಅಧಿಕಾರಿಗಳು ಸಲಹೆಯನ್ನಷ್ಟೇ ಕೊಟ್ಟಿದ್ದಾರೆ.
ಸಾರಿಗೆ ವ್ಯವಸ್ಥೆಯಾದರೆ ವಾಹನಗಳ ಪರಿಶೀಲನೆಯನ್ನು ರಾಜ್ಯದ ಅಧಿಕಾರಿಗಳೇ ನೋಡುತ್ತಾರೆ ಆದರೆ, ಪ್ರೈವೇಟ್ ಜೆಟ್ ಪರೀಕ್ಷೆ ಎಲ್ಲವನ್ನೂ ಕೇಂದ್ರದ ಅಧೀನದ ಅಧಿಕಾರಿಗಳು ನೋಡುತ್ತಾರೆ. ಹೀಗಾಗಿ ಪರೀಕ್ಷೆ ಮಾಡಿಸಿ ಎಚ್ಚೆತ್ತುಕೊಳ್ಳುವಂತೆ ರಾಜ್ಯ ಪೊಲೀಸ್ ಇಲಾಖೆ ಅಧಿಕಾರಿಗಳು ಸೂಚಿಸಿದ್ದಾರೆ.
ಇದನ್ನೂ ಓದಿ: ಇನ್ಮುಂದೆ ಸರ್ಕಾರಿ ನೌಕರರಿಗೆ ಖಾದಿ ಬಟ್ಟೆ ಕಡ್ಡಾಯ | ಸರ್ಕಾರದಿಂದ ಮಹತ್ವದ ಆದೇಶ!
