ಬೆಂಗಳೂರು: ದೇಶದಲ್ಲಿಯೇ ಅತಿ ಹೆಚ್ಚು ಕ್ರೆಡಿಟ್ ಕಾರ್ಡ್ ನೀಡುವ ಮೂರನೇ ಸಂಸ್ಥೆ ಎನಿಸಿರುವ ಐಸಿಐಸಿಐ ಬ್ಯಾಂಕ್ ಈಗ ಕ್ರೆಡಿಟ್ ಕಾರ್ಡ್ ನಿಯಮಗಳಲ್ಲಿ ಭಾರಿ ಬದಲಾವಣೆ ಜಾರಿಗೆ ತರುತ್ತಿದೆ. 2026ರ ಜನವರಿ 15ರಿಂದ ಐಸಿಐಸಿಐ ಕ್ರೆಡಿಟ್ ಕಾರ್ಡ್ (ICICI Bank Credit Card Rules) ನಿಯಮಗಳು ಜಾರಿಗೆ ಬರುತ್ತಿವೆ. ಇವುಗಳಿಂದ ಗ್ರಾಹಕರಿಗೆ ಏನು ಅನುಕೂಲ? ಯಾವುದರ ಶುಲ್ಕ ಹೆಚ್ಚಳ ಎಂಬುದರ ಮಾಹಿತಿ ಇಲ್ಲಿದೆ.
ನಗದು ರೂಪದಲ್ಲಿ ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸುವವರಿಗೆ ಹೆಚ್ಚುವರಿ ಶುಲ್ಕ, ಆನ್ ಲೈನ್ ಗೇಮಿಂಗ್ ವಹಿವಾಟುಗಳಿಗೆ ಹೆಚ್ಚುವರಿ ಶುಲ್ಕ ಸೇರಿ ಹಲವು ನಿಯಮಗಳನ್ನು ಜಾರಿಗೆ ತಂದಿದೆ. ಐಸಿಐಸಿಐ ಬ್ಯಾಂಕ್ ಎಮೆರಾಲ್ಡ್ ಮೆಟಲ್ ಕ್ರೆಡಿಟ್ ಕಾರ್ಡ್ದಾರರು ಪ್ರತಿ 200 ರೂಪಾಯಿಗಳ ರಿಟೇಲ್ ವಹಿವಾಟಿಗೆ 6 ರಿವಾರ್ಡ್ ಪಾಯಿಂಟ್ ಗಳನ್ನು ಪಡೆಯಲಿದ್ದಾರೆ.
ಎಮರಾಲ್ಡ್ ಮೆಟಲ್ ಕ್ರೆಡಿಟ್ ಕಾರ್ಡ್ಗಳಿಗೆ ಹೊಸ ಆ್ಯಡ್-ಆನ್ ಕಾರ್ಡ್ ಗಳಿಗೆ 3,500 ರೂ. ಶುಲ್ಕ ಅನ್ವಯಿಸುತ್ತದೆ. ಅಲ್ಲದೆ, ಐಸಿಐಸಿಐ ಬ್ಯಾಂಕ್ ಶಾಖೆಗಳಲ್ಲಿ ನಗದು ರೂಪದಲ್ಲಿ ಕ್ರೆಡಿಟ್ ಕಾರ್ಡ್ ಬಿಲ್ ಪಾವತಿಸುವ ಶುಲ್ಕವನ್ನು 100 ರೂಪಾಯಿಯಿಂದ 150 ರೂಪಾಯಿಗೆ ಹೆಚ್ಚಿಸಲಾಗಿದೆ.
ಆನ್ ಲೈನ್ ಗೇಮಿಂಗ್ ವೇಳೆ ಕ್ರೆಡಿಟ್ ಕಾರ್ಡ್ ಮೂಲಕ ಹಣ ಪಾವತಿಸುವವರಿಗೆ ಹೆಚ್ಚಿನ ಶುಲ್ಕ ವಿಧಿಸಲಾಗುತ್ತದೆ. ನಿರ್ದಿಷ್ಟ ಆನ್ ಲೈನ್ ಪ್ಲಾಟ್ ಫಾರ್ಮ್ ಗಳಲ್ಲಿ (ಡ್ರೀಮ್ 11, ರಮ್ಮಿ, ಗೇಮ್ಸ್) ನಡೆಸುವ ವಹಿವಾಟುಗಳಿಗೆ 2% ಶುಲ್ಕ ವಿಧಿಸಲಾಗುತ್ತದೆ. ಥರ್ಡ್ ಪಾರ್ಟಿ ವಾಲೆಟ್ ಗಳಿಗೆ (ಅಮೆಜಾನ್ ಪೇ, ಪೇಟಿಎಂ, ಮೊಬಿಕ್ವಿಕ್, ಫ್ರೀ ಚಾರ್ಜ್) 5,000 ರೂಪಾಯಿ ಅಥವಾ ಅದಕ್ಕಿಂತ ಹೆಚ್ಚಿನ ಮೊತ್ತವನ್ನು ವ್ಯಾಲೆಟ್ ಗೆ ಜಮೆ ಮಾಡಿದರೆ, ಅದಕ್ಕೆ 1% ಶುಲ್ಕ ಅನ್ವಯಿಸುತ್ತದೆ.
ಇದನ್ನೂ ಓದಿ: ಗ್ರಾಮ ಪಂಚಾಯಿತಿಗಳಲ್ಲಿ 9 ಬಿಲ್ ಕಲೆಕ್ಟರ್ಗಳ ನೇಮಕ | ಎಸ್ಸೆಸ್ಸೆಲ್ಸಿ, ಪಿಯುಸಿ ಪಾಸಾಗಿದ್ದರೆ ಸಾಕು
