ನವದೆಹಲಿ: ಬಿಎಂಡಬ್ಲ್ಯು ಮೋಟೊರಾಡ್, ತನ್ನ ಹೊಸ ತಲೆಮಾರಿನ ಪರ್ಫಾರ್ಮೆನ್ಸ್ ರೋಡ್‌ಸ್ಟರ್ ಬೈಕ್ ಆದ S 1000 R ಅನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. ಇದರ ಆರಂಭಿಕ ಎಕ್ಸ್ ಶೋರೂಂ ಬೆಲೆ 19.90 ಲಕ್ಷ ರೂಪಾಯಿ. ಸಂಪೂರ್ಣವಾಗಿ ವಿದೇಶದಲ್ಲಿ ತಯಾರಾಗಿ (CBU) ಭಾರತಕ್ಕೆ ಆಮದು ಮಾಡಿಕೊಳ್ಳಲಾಗುವ ಈ ಬೈಕ್, ಈಗ ಎಲ್ಲಾ ಡೀಲರ್‌ಶಿಪ್‌ಗಳಲ್ಲಿ ಲಭ್ಯವಿದೆ. ಈ ಹೊಸ ಮಾದರಿಯು ಹೆಚ್ಚಿನ ಶಕ್ತಿ, ಅಪ್ಡೇಟೆಡ್ ವಿನ್ಯಾಸ ಮತ್ತು ಹೊಸ ಫೀಚರ್‌ಗಳೊಂದಿಗೆ ಬಿಎಂಡಬ್ಲ್ಯು ತನ್ನ ಪ್ರೀಮಿಯಂ ನೇಕ್ಡ್ ಬೈಕ್‌ಗಳ ಸಂಖ್ಯೆನ್ನು ಹೆಚ್ಚಿಸಿದೆ.
ಹೊಸ S 1000 R, 999cc ಇನ್‌ಲೈನ್ ನಾಲ್ಕು-ಸಿಲಿಂಡರ್ ಎಂಜಿನ್ ಅನ್ನು ಹೊಂದಿದ್ದು, ಇದು ಈಗ 11,000 rpm ನಲ್ಲಿ 170 hp ಶಕ್ತಿಯನ್ನು ಉತ್ಪಾದಿಸುತ್ತದೆ. ಇದು ಹಿಂದಿನ ಮಾದರಿಗಿಂತ ಐದು ಹಾರ್ಸ್‌ಪವರ್ ಹೆಚ್ಚು. ಟಾರ್ಕ್ 114 Nm ನಲ್ಲಿಯೇ ಉಳಿದಿದ್ದು, ಇದು ರಸ್ತೆ ಮತ್ತು ಟ್ರ್ಯಾಕ್ ಎರಡರಲ್ಲೂ ಅತ್ಯುತ್ತಮ ಪರ್ಫಾರ್ಮೆನ್ಸ್ ನೀಡುತ್ತದೆ. ಈ ಬೈಕ್ ಕೇವಲ 3.2 ಸೆಕೆಂಡುಗಳಲ್ಲಿ 0-100 ಕಿ.ಮೀ ವೇಗವನ್ನು ತಲುಪಬಲ್ಲದು ಮತ್ತು ಇದರ ಗರಿಷ್ಠ ವೇಗ ಗಂಟೆಗೆ 250 ಕಿ.ಮೀ.ಗೆ ಸೀಮಿತಗೊಳಿಸಲಾಗಿದೆ.
ವಿನ್ಯಾಸ ಮತ್ತು ಬಣ್ಣಗಳ ಆಯ್ಕೆ
ವಿನ್ಯಾಸದಲ್ಲಿನ ಬದಲಾವಣೆಗಳು S 1000 R ಗೆ ಹೆಚ್ಚು ಆಕರ್ಷಕ ನೋಟವನ್ನು ನೀಡಿವೆ. ಸ್ಪ್ಲಿಟ್-ಫೇಸ್ ಎಲ್‌ಇಡಿ ಹೆಡ್‌ಲ್ಯಾಂಪ್ ವಿನ್ಯಾಸವು ಮುಂದುವರಿದಿದ್ದು, ಈಗ ಮತ್ತಷ್ಟು ಸುಧಾರಿತ ಬೆಳಕನ್ನು ನೀಡುತ್ತದೆ. ಹೊಸ ಬಾಡಿವರ್ಕ್ ಮತ್ತು ಚಿಕ್ಕದಾದ ಹಿಂಭಾಗವು ಬೈಕ್‌ಗೆ ಹೆಚ್ಚು ಕಾಂಪ್ಯಾಕ್ಟ್ ಮತ್ತು ಆಕ್ರಮಣಕಾರಿ ನೋಟ ನೀಡುತ್ತದೆ.
ಈ ಬೈಕ್ ಮೂರು ಬಣ್ಣಗಳ ಆಯ್ಕೆಯಲ್ಲಿ ಲಭ್ಯ:
1. ಬ್ಲ್ಯಾಕ್‌ಸ್ಟಾರ್ಮ್ ಮೆಟಾಲಿಕ್ (ಬೇಸ್ ಮಾಡೆಲ್)
2. ಬ್ಲೂಫೈರ್/ಮುಗಿಯಾಲೋ ಯೆಲ್ಲೋ (ಸ್ಟೈಲ್ ಸ್ಪೋರ್ಟ್ ಪ್ಯಾಕೇಜ್)
3. ಲೈಟ್ ವೈಟ್/ಎಂ ಮೋಟಾರ್‌ಸ್ಪೋರ್ಟ್ ಗ್ರಾಫಿಕ್ಸ್ (ಎಂ ಪ್ಯಾಕೇಜ್)
ಚಾಸಿಸ್, ಸಸ್ಪೆನ್ಷನ್ ಮತ್ತು ಬ್ರೇಕಿಂಗ್
199 ಕೆ.ಜಿ ತೂಕದೊಂದಿಗೆ, S 1000 R ತನ್ನ ವಿಭಾಗದಲ್ಲಿ ಅತ್ಯಂತ ಹಗುರವಾದ ಬೈಕ್‌ಗಳಲ್ಲಿ ಒಂದಾಗಿದೆ. ಇದರ ಅಲ್ಯೂಮಿನಿಯಂ ಬ್ರಿಡ್ಜ್ ಫ್ರೇಮ್ ತೂಕವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಬ್ರೇಕಿಂಗ್‌ಗಾಗಿ, ಮುಂಭಾಗದಲ್ಲಿ 320 ಎಂಎಂ ಡಿಸ್ಕ್ ಮತ್ತು ಹಿಂಭಾಗದಲ್ಲಿ 220 ಎಂಎಂ ಡಿಸ್ಕ್ ನೀಡಲಾಗಿದೆ. ಬಿಎಂಡಬ್ಲ್ಯುನ ಇಂಟೆಗ್ರಲ್ ಎಬಿಎಸ್ ಮತ್ತು ಎಬಿಎಸ್ ಪ್ರೊ ನಂತಹ ಎಲೆಕ್ಟ್ರಾನಿಕ್ ಸೌಲಭ್ಯಗಳು ಸುರಕ್ಷತೆಯನ್ನು ಹೆಚ್ಚಿಸುತ್ತವೆ. 16.5 ಲೀಟರ್ ಸಾಮರ್ಥ್ಯದ ಇಂಧನ ಟ್ಯಾಂಕ್ ಹೊಂದಿರುವ ಈ ಬೈಕ್, ಪ್ರತಿ ಲೀಟರ್‌ಗೆ 16.1 ಕಿ.ಮೀ ಮೈಲೇಜ್ ನೀಡುತ್ತದೆ.
ಎಲೆಕ್ಟ್ರಾನಿಕ್ಸ್ ಮತ್ತು ರೈಡರ್ ಏಡ್ಸ್
S 1000 R, ಬ್ಲೂಟೂತ್ ಸಂಪರ್ಕದೊಂದಿಗೆ ಸಂಪೂರ್ಣ ಡಿಜಿಟಲ್ ಟಿಎಫ್‌ಟಿ ಕ್ಲಸ್ಟರ್ ಹೊಂದಿದೆ. ಇದರಲ್ಲಿ ಕರೆಗಳು, ನ್ಯಾವಿಗೇಷನ್ ಮತ್ತು ಮ್ಯೂಸಿಕ್ ಕಂಟ್ರೋಲ್ ಮಾಡಬಹುದು. ರೈನ್, ರೋಡ್ ಮತ್ತು ಡೈನಾಮಿಕ್ ಎಂಬ ಮೂರು ರೈಡಿಂಗ್ ಮೋಡ್‌ಗಳಿವೆ. ಕ್ರೂಸ್ ಕಂಟ್ರೋಲ್, ಹಿಲ್ ಸ್ಟಾರ್ಟ್ ಕಂಟ್ರೋಲ್, ಕ್ವಿಕ್‌ಶಿಫ್ಟರ್ ಮತ್ತು ಆಲ್-ಎಲ್‌ಇಡಿ ಲೈಟಿಂಗ್‌ನಂತಹ ಇತರ ವೈಶಿಷ್ಟ್ಯಗಳೂ ಇವೆ.
ಪ್ರತಿಸ್ಪರ್ಧಿಗಳೊಂದಿಗೆ ಹೋಲಿಕೆ
19.90 ಲಕ್ಷ ರೂಪಾಯಿ ಬೆಲೆಯೊಂದಿಗೆ, S 1000 R, ಡುಕಾಟಿ, ಕವಾಸಕಿ ಮತ್ತು ಇತರ ಯುರೋಪಿಯನ್ ಬ್ರಾಂಡ್‌ಗಳ ಬೈಕ್‌ಗಳಿಗೆ ತೀವ್ರ ಸ್ಪರ್ಧೆ ನೀಡಲಿದೆ.
* ಡುಕಾಟಿ ಸ್ಟ್ರೀಟ್‌ಫೈಟರ್ V2: ಬೆಲೆ 18.50 ಲಕ್ಷ ರೂಪಾಯಿ, 153 hp ಶಕ್ತಿ.
* ಕವಾಸಕಿ Z H2: ಬೆಲೆ 23 ಲಕ್ಷ ರೂಪಾಯಿ, 197 hp ಶಕ್ತಿ.
* ಟ್ರಯಂಫ್ ಸ್ಪೀಡ್ ಟ್ರಿಪಲ್ RS: ಬೆಲೆ 18.25 ಲಕ್ಷ ರೂಪಾಯಿ, 180 hp ಶಕ್ತಿ.
ಈ ಪ್ರತಿಸ್ಪರ್ಧಿಗಳ ನಡುವೆ, ಬಿಎಂಡಬ್ಲ್ಯು S 1000 R, ಡುಕಾಟಿಗಿಂತ ಹೆಚ್ಚು ಶಕ್ತಿಶಾಲಿ, ಕವಾಸಕಿಗಿಂತ ಕಡಿಮೆ ಬೆಲೆ ಮತ್ತು ಟ್ರಯಂಫ್‌ಗೆ ಸಮೀಪದ ಪರ್ಫಾರ್ಮೆನ್ಸ್ ನೀಡುತ್ತದೆ. ಜರ್ಮನ್ ಎಂಜಿನಿಯರಿಂಗ್, ಸೂಪರ್‌ಬೈಕ್ ಪರ್ಫಾರ್ಮೆನ್ಸ್ ಮತ್ತು ದೈನಂದಿನ ಬಳಕೆಗೆ ಸೂಕ್ತವಾದ ವಿನ್ಯಾಸವನ್ನು ಬಯಸುವವರಿಗೆ S 1000 R ಒಂದು ಅತ್ಯುತ್ತಮ ಆಯ್ಕೆಯಾಗಿದೆ.
