ಗೂಗಲ್ ಕಂಪನಿಯಲ್ಲಿ ಅಪ್ರೆಂಟಿಸ್ ಶಿಪ್ ಮಾಡಬೇಕೇ? ಇಲ್ಲಿದೆ ಸುವರ್ಣಾವಕಾಶ

ಬೆಂಗಳೂರು: ನೀವು ಈಗಷ್ಟೇ ಪದವಿ ಮುಗಿಸಿದ್ದೀರಾ? ಪದವಿ ಮುಗಿಸಿ ಯಾವುದಾದರೂ ಐಟಿ ಕಂಪನಿ ಸೇರಬೇಕು ಎಂದುಕೊಂಡಿದ್ದೀರಾ? ಹಾಗಾದರೆ, ಜಾಗತಿಕ ಐಟಿ ದೈತ್ಯ ಕಂಪನಿಯಾದ ಗೂಗಲ್ ನಲ್ಲಿ ಅಪ್ರೆಂಟಿಸ್ ಶಿಪ್ ಮಾಡಲು ಸುವರ್ಣಾವಕಾಶ ಇದೆ. ಹೌದು, ಗೂಗಲ್ ಸಂಸ್ಥೆಯಲ್ಲಿ 2026ರ ಮಾರ್ಚ್ ನಿಂದ ಆರಂಭವಾಗುವ ಅಪ್ರೆಂಟಿಸ್ ಶಿಪ್ ಗೆ ಅರ್ಜಿಗಳನ್ನು ಆಹ್ವಾನಿಸಲಾಗಿದೆ. ಆಸಕ್ತರು ಅರ್ಜಿ ಸಲ್ಲಿಸುವ ಮೂಲಕ ಅಪ್ರೆಂಟಿಸ್ ಶಿಪ್ ಗಿಟ್ಟಿಸಿಕೊಳ್ಳಬಹುದಾಗಿದೆ.

ಗೂಗಲ್ ಕಂಪನಿಯಲ್ಲಿ ಡೇಟಾ ಅನಾಲಿಟಿಕ್ಸ್, ಪ್ರಾಜೆಕ್ಟ್ ಮ್ಯಾನೇಜ್ಮೆಂಟ್, ಡಿಜಿಟಲ್ ಬಿಸಿನೆಸ್ ಮಾರ್ಕೆಟಿಂಗ್ ಹಾಗೂ ಸಾಫ್ಟ್ವೇರ್ ಡೆವಲಪ್ ಮೆಂಟ್ ಅಪ್ರೆಂಟಿಸ್ ಶಿಪ್ ಗೆ ಅಭ್ಯರ್ಥಿಗಳನ್ನು ಆಹ್ವಾನಿಸಲಾಗಿದೆ.

ಅರ್ಜಿ ಸಲ್ಲಿಸಲು ಅರ್ಹತೆಗಳೇನು?

–             ಮಾನ್ಯತೆ ಪಡೆದ ವಿವಿ ಅಥವಾ ಮಂಡಳಿಯಿಂದ ಪದವಿ ಪಡೆದಿರಬೇಕು

–             ಜಿಮೇಲ್, ಕ್ರೋಮ್, ಶೀಟ್ಸ್ ಬಳಕೆ ಬಗ್ಗೆ ಗೊತ್ತಿರಬೇಕು

–             ಇಂಗ್ಲಿಷ್ ನಲ್ಲಿ ಮಾತನಾಡಲು ಬರಬೇಕು

ಗೂಗಲ್ ಅಪ್ರೆಂಟಿಸ್ ಶಿಪ್ ಗೆ ಸೇರಲು, ಸೆಪ್ಟೆಂಬರ್ 14 ರವರೆಗೆ ಆನ್ ಲೈನ್ ಮೂಲಕ  ಅರ್ಜಿಗಳನ್ನು ಸಲ್ಲಿಸಬಹುದು. ಗೂಗಲ್ನ ವೃತ್ತಿಜೀವನದ ವೆಬ್ಸೈಟ್ www.google.com/about/careers/applications/ ಗೆ ಭೇಟಿ ನೀಡುವ ಮೂಲಕ ಅರ್ಜಿಗಳನ್ನು ಸಲ್ಲಿಸಬಹುದು. ಗೂಗಲ್ ಪ್ರಕಾರ, ಎಲ್ಲ ಅಪ್ರೆಂಟಿಸ್ ಶಿಪ್ ಗಳು ಹೈಬ್ರಿಡ್ ಮಾದರಿಯಲ್ಲಿರುತ್ತವೆ. ಅಂದರೆ ನೀವು ವಾರದಲ್ಲಿ ಕೆಲವು ದಿನಗಳವರೆಗೆ ಹೈದರಾಬಾದ್, ಗುರುಗ್ರಾಮ, ಮುಂಬೈ ಅಥವಾ ಬೆಂಗಳೂರಿನಲ್ಲಿರುವ ಗೂಗಲ್ ಕಚೇರಿಯಲ್ಲಿ ಕೆಲಸ ಮಾಡಬೇಕಾಗುತ್ತದೆ ಮತ್ತು ಕೆಲವು ದಿನ  ಮನೆಯಿಂದಲೇ ಕೆಲಸ ಮಾಡಬೇಕು.

ಅಪ್ರೆಂಟಿಸ್ ಶಿಪ್ ಆಯ್ಕೆ ಪ್ರಕ್ರಿಯೆಯು 18 ರಿಂದ 24 ವಾರಗಳವರೆಗೆ ಇರುತ್ತದೆ. ಅಪ್ರೆಂಟಿಸ್ ಶಿಪ್ ಪೂರ್ಣಗೊಳಿಸಿದ ಅಭ್ಯರ್ಥಿಗಳಿಗೆ ಗೂಗಲ್ ಪ್ರಮಾಣಪತ್ರ ಸಿಗುತ್ತದೆ ಮತ್ತು ಕಾರ್ಯಕ್ರಮದ ಕೊನೆಯ ಮೂರು ತಿಂಗಳುಗಳಲ್ಲಿ ಪೂರ್ಣ ಸಮಯದ ಕೆಲಸಕ್ಕೆ ಅರ್ಜಿ ಸಲ್ಲಿಸುವ ಅವಕಾಶವೂ ಸಿಗುತ್ತದೆ.