ಎಲ್ಐಸಿ ಪಾಲಿಸಿ ಸರೆಂಡರ್ ಮಾಡೋದು ಹೇಗೆ?

ಏಜೆಂಟ್ ಮಾತು ಕೇಳಿ ಎಲ್ಐಸಿ ಪಾಲಿಸಿ ಖರೀದಿಸಿಯಾಗಿದೆ. ಐದಾರು ವರ್ಷಗಳಿಂದ ಪಾಲಿಸಿ ಕಟ್ಟಲಾಗುತ್ತಿದೆ. ಇನ್ನೂ 10 ವರ್ಷ ಪ್ರೀಮಿಯಂ ಕಟ್ಟಬೇಕು. ಈಗ ನೋಡಿದ್ರೆ ಹೂಡಿಕೆಯ ಮಾದರಿಯೇ ಬದಲಾಗಿದ್ದು, ಎಸ್ಐಪಿ, ಮ್ಯುಚುವಲ್ ಫಂಡ್ ಗಳಲ್ಲಿ ಹೆಚ್ಚಿನ ರಿಟರ್ನ್ಸ್ ಬರುತ್ತಿದೆ. ಆದರೆ, ಎಲ್ಐಸಿ ಯೋಜನೆಯನ್ನು ಏನು ಮಾಡಬೇಕು? ಇಂತಹ ಹಲವು ಚಿಂತೆಗಳು ಹೆಚ್ಚಿನ ಜನರನ್ನು ಕಾಡುತ್ತಿವೆ. ಆದರೆ, ಹೀಗೆ ಚಿಂತೆ ಕಾಡುತ್ತಿದ್ದರೆ ಈಗ ಎಲ್ಐಸಿ ಯೋಜನೆಯನ್ನು ಸರೆಂಡರ್ ಮಾಡಬಹುದಾಗಿದೆ. ಬಳಿಕ ನಮಗೆ ಇಷ್ಟವಾದ ಕಡೆ ಹೂಡಿಕೆ ಮಾಡಬಹುದಾಗಿದೆ. ಹೇಗಂತೀರಾ? ಈ ಸ್ಟೋರಿ ನೋಡಿ.

ಎಲ್ಐಸಿ ಪಾಲಿಸಿ ಸರೆಂಡರ್ ಈಗ ಸುಲಭ
ಹೂಡಿಕೆಯ ಹಣದಲ್ಲಿ ವಾಪಸ್ ಬರೋದು ನಿಶ್ಚಿತ
ಹಣದ ಅವಶ್ಯಕತೆ ಇದ್ದವರಿಗೂ ಇದು ಉತ್ತಮ

ಎಲ್ಐಸಿಯ ಸಿಂಗಲ್ ಪ್ರೀಮಿಯಂ ಪ್ಲಾನ್ ಪಾಲಿಸಿಗಳನ್ನು, ಪ್ರೀಮಿಯಂ ಪಾವತಿಸಲಾಗದೆ ಇದ್ದರೆ ಎರಡನೇ ವರ್ಷ ಸರೆಂಡರ್ ಮಾಡಬಹುದು. ಸೀಮಿತ ಅವಧಿಯ ಪ್ರೀಮಿಯಂ ಯೋಜನೆಗಳನ್ನು ಗಮನಿಸುವುದಾದರೆ 10 ವರ್ಷ ಅಥವಾ ಅದಕ್ಕಿಂತ ಕಡಿಮೆ ಅವಧಿಯ ಪಾಲಿಸಿಗಳನ್ನು 2 ವರ್ಷಗಳ ನಂತರ ಸರೆಂಡರ್ ಮಾಡಬಹುದು. 10 ವರ್ಷಗಳಿಗಿಂತ ಹೆಚ್ಚಿನ ಅವಧಿಯ ಪಾಲಿಸಿಗಳನ್ನು 3 ವರ್ಷಗಳ ನಂತರ ಸರೆಂಡರ್ ಮಾಡಬಹುದು. ಹೂಡಿಕೆ ಮಾತ್ರವಲ್ಲ, ಹಣದ ಅವಶ್ಯಕತೆ ಇದ್ದವರೂ ಸರೆಂಡರ್ ಮಾಡಬಹುದು.

ಎಲ್ಐಸಿ ಪಾಲಿಸಿ ಸರೆಂಡರ್ ಮಾಡೋದು ಹೇಗೆ?
ಸರೆಂಡರ್ ಮಾಡಲು ಯಾವೆಲ್ಲ ದಾಖಲೆ ಬೇಕು?
ಇದೆಲ್ಲ ಮಾಡಿದ ಬಳಿಕವೇ ಮೊತ್ತ ವಾಪಸ್

ಮೂಲ ಪಾಲಿಸಿ ಬಾಂಡ್ ದಾಖಲೆಗಳು, ಸರೆಂಡರ್ ಮಾಡುವುದಕ್ಕೆ ಮನವಿ , ಸರೆಂಡರ್ ಫಾರ್ಮ್, ಎಲ್ಐಸಿ ನೆಫ್ಟ್ ಫಾರ್ಮ್, ಬ್ಯಾಂಕ್ ಖಾತೆ ವಿವರ, ಆಧಾರ್ ಕಾರ್ಡ್, ಪ್ಯಾನ್ ಕಾರ್ಡ್ ಅಥವಾ ಡ್ರೈವಿಂಗ್ ಲೈಸೆನ್ಸ್ನಂತಹ ಮೂಲ ಐಟಿ ಪುರಾವೆ, ರದ್ದುಗೊಳಿಸಿದ ಚೆಕ್ ಲೀಫ್ ಕೊಡಬೇಕು. ಸರೆಂಡರ್ ಮಾಡುತ್ತಿರುವುದೇಕೆ ಎಂಬುದನ್ನು ವಿವರಿಸಿ ಎಲ್ಐಸಿಗೆ ಪತ್ರ ಕೊಡಬೇಕು. ಎಲ್ಐಸಿ ಆಫೀಸಿಗೆ ತೆರಳಿ ಇವೆಲ್ಲ ಪ್ರಕ್ರಿಯೆ ಅನುಸರಿಸಿದ ಬಳಿಕ ಮೊತ್ತ ವಾಪಸ್ ಸಿಗುತ್ತದೆ.

ನಾವು ಕಟ್ಟಿದ ಎಲ್ಲ ಹಣವೂ ವಾಪಸ್ ಬರುತ್ತಾ?
ಎಲ್ಐಸಿ ಎಷ್ಟು ಹಣ ನಮಗೆ ಕೊಡುತ್ತದೆ?
ಯಾವುದಾದರೂ ಶುಲ್ಕ ಕಟ್ ಆಗುತ್ತದೆಯೇ?

ಒಂದು ವರ್ಷದ ನಂತರ ಪ್ರೀಮಿಯಂ ಪಾವತಿಸದ ಕಾರಣ ಪಾಲಿಸಿಯನ್ನು ಕೊನೆಗೊಳಿಸಿದರೆ ಅಥವಾ ಲ್ಯಾಪ್ಸ್ ಮಾಡಿದರೆ, ನೀವು ಪಾವತಿಸಿದ ಪ್ರೀಮಿಯಂನ 80-85% ವರೆಗೆ ಹಿಂತಿರುಗಬಹುದು. ಉದಾಹರಣೆಗೆ ನೀವು ಮಾಸಿಕ ಪ್ರೀಮಿಯಂ 10,000 ರೂಪಾಯಿಯನ್ನು ಪಾವತಿಸಿದರೆ (ವರ್ಷಕ್ಕೆ ರೂ. 1,20,000), ನೀವು ಸರೆಂಡರ್ ಮೌಲ್ಯವಾಗಿ ಒಂದು ಲಕ್ಷಕ್ಕಿಂತ ಸ್ವಲ್ಪ ಹೆಚ್ಚು ಹಣ ವಾಪಸ್ ಪಡೆಯುತ್ತೀರಿ.

ಭಾರತೀಯ ವಿಮಾ ನಿಯಂತ್ರಣ ಮತ್ತು ಅಭಿವೃದ್ಧಿ ಪ್ರಾಧಿಕಾರವು 2024ರ ಅಕ್ಟೋಬರ್ 1 ರಿಂದ ಲೈಫ್ ಪಾಲಿಸಿಗಳ ಸರೆಂಡರ್ ಮೌಲ್ಯದ ಹೊಸ ನಿಯಮಗಳನ್ನು ಜಾರಿಗೆ ತಂದಿದೆ. ಜೀವ ವಿಮಾದಾರರು ನೀಡುವ ಪ್ರತಿಯೊಂದು ಪಾಲಿಸಿಯಲ್ಲೂ ನಿಖರ ಸರೆಂಡರ್ ಮೌಲ್ಯವನ್ನು ಒದಗಿಸುವುದು ಕಡ್ಡಾಯವಾಗಿದೆ. ಅಲ್ಲದೆ, ಮುಂದಿನ ಪ್ರೀಮಿಯಂ ಪಾವತಿಸದಿದ್ದರೆ ಪಾಲಿಸಿ ಲ್ಯಾಪ್ಸ್ ಆಗಬಾರದು.

ಹೊಸ ನಿಯಮಗಳು ಹೇಳೋದೇನು?
ಯಾರಿಗೆ ಯಾವ ನಿಯಮ ಅನ್ವಯ?
ಇಲ್ಲಿವೆ ಎಲ್ಐಸಿ ಸರೆಂಡರ್ ರೂಲ್ಸ್

ಹೊಸ ನಿಯಮ ಪ್ರಕಾರ, ಜೀವ ವಿಮೆಗೆ ಕೇವಲ ಒಂದು ವರ್ಷದ ಪ್ರೀಮಿಯಂ ಪಾವತಿಸಿದ ನಂತರವೂ ಪಾಲಿಸಿದಾರರು ಹೆಚ್ಚಿನ ಹಣವನ್ನು ಮರುಪಾವತಿ ಮಾಡಬೇಕಾಗುತ್ತದೆ. ಹಿಂದಿನ ಪಾಲಿಸಿ ಸರೆಂಡರ್ ಅಥವಾ ರದ್ದತಿ ಮೊದಲ ಎರಡು ವರ್ಷಗಳಿಗೆ ಅನ್ವಯಿಸುವುದಿಲ್ಲ. ಮೂರನೇ ವರ್ಷದಿಂದ, ಶರಣಾಗತಿ ಮೌಲ್ಯವನ್ನು ನಾಮಮಾತ್ರವಾಗಿ ಮತ್ತು ಏಕಪಕ್ಷೀಯವಾಗಿ ಪಾವತಿಸಲಾಯಿತು. ಆದರೆ ಪಾಲಿಸಿದಾರರ ಹಿತವನ್ನು ಗಮನದಲ್ಲಿಟ್ಟುಕೊಂಡು ಐಆರ್ಡಿಎಐ ಹೊಸ ನಿಯಮಾವಳಿಗಳನ್ನು ತಂದಿದೆ.

ಒಟ್ಟಿನಲ್ಲಿ ತುರ್ತು ಸಂದರ್ಭ, ಗ್ರಾಹಕರ ಹಿತರಕ್ಷಣೆ ದೃಷ್ಟಿಯಿಂದ ಹೊಸ ನಿಯಮಗಳನ್ನ ಜಾರಿಗೆ ತರಲಾಗಿದೆ. ಪಾಲಿಸಿದಾರರು ಅವಶ್ಯಕತೆಗಳಿಗೆ ಅನುಗುಣವಾಗಿ ಸರೆಂಡರ್ ಮಾಡಬಹುದಾಗಿದೆ. ಹೆಚ್ಚು ರಿಟರ್ನ್ಸ್ ಬರುವ ಹೂಡಿದರೆ ಸರೆಂಡರ್ ಮಾಡೋದು ಒಳ್ಳೆಯದು. ಇಲ್ಲದಿದ್ದರೆ, ಪಾಲಿಸಿ ಮುಂದುವರಿಸೋದೇ ಒಳ್ಳೆಯದು.