ಬೆಂಗಳೂರು: ರೋಚಕ ಪಂದ್ಯದಲ್ಲಿ ಕೊನೆಗೂ ಎರಡು ರನ್ ಗಳಿಂದ ಆರ್ ಸಿಬಿ ಜಯ ಸಾಧಿಸಿದೆ. ವಿರೋಚಿತ ಹೋರಾಟ ನಡೆಸಿದ ಸಿಎಸ್ ಕೆ ಕೊನೆಯ ಓವರ್ ನಲ್ಲಿ ಸೋಲು ಕಂಡಿದೆ.
ಈ ಗೆಲುವಿನ ಮೂಲಕ ಅಂಕಪಟ್ಟಿಯಲ್ಲಿ 16 ಅಂಕಗಳೊಂದಿಗೆ ನಂ.1 ಸ್ಥಾನಕ್ಕೆ ಜಿಗಿದಿರುವ ಬೆಂಗಳೂರು ತಂಡ ಬಹುತೇಕವಾಗಿ ಪ್ಲೇ ಆಫ್ ಪ್ರವೇಶಿಸಿದೆ. ಅಲ್ಲದೇ, 16 ವರ್ಷಗಳ ಐಪಿಎಲ್‌ ಇತಿಹಾಸದಲ್ಲಿ ಮೊದಲ ಬಾರಿಗೆ ಸತತ 2 ಬಾರಿ ಸಿಎಸ್‌ಕೆ ವಿರುದ್ಧ ಗೆದ್ದ ಸಾಧನೆ ಮಾಡಿದೆ.
ಮೊದಲು ಬ್ಯಾಟಿಂಗ್ ಮಾಡಿದ ಆರ್ ಸಿಬಿ ತಂಡ 213 ರನ್ ಗಳಿಸಿತ್ತು. ದೊಡ್ಡ ಗುರಿ ಬೆನ್ನಟ್ಟಿದ್ದ ಸಿಎಸ್ ಕೆ ತಂಡ ಉತ್ತಮ ಹೋರಾಟ ನಡೆಸಿತು. 16 ಓವರ್‌ಗಳಲ್ಲಿ 2 ವಿಕೆಟ್‌ ನಷ್ಟಕ್ಕೆ 171 ರನ್ ಗಳಿಸಿ ಉತ್ತಮ ಸ್ಥಿತಿಯಲ್ಲೇ ಇತ್ತು. ಆಯುಷ್‌ ಮಾತ್ರೆ, ದೇವಾಲ್‌ ಬ್ರೇವಿಸ್‌ ವಿಕೆಟ್‌ ಒಪ್ಪಿಸಿದರು. ನಂತರ ಬಂದ ಬ್ರೇವಿಸ್‌ ಎಲ್‌ಬಿಡಬ್ಲ್ಯೂಗೆ ತುತ್ತಾದರು. ಎಂ.ಎಸ್‌ ಧೋನಿ ಸಹ ಎಲ್‌ಬಿಎಬ್ಲ್ಯೂಗೆ ತುತ್ತಾಗಿದ್ದು, ಫಲಿತಾಂಶದ ಮೇಲೆ ಪರಿಣಾಮ ಬೀರಿತು.
ಆಯುಷ್‌ ಮಾತ್ರೆ 94 ರನ್, ಶೈಕ್‌ ರಶೀದ್‌ 14 ರನ್, ಸ್ಯಾಮ್‌ ಕರ್ರನ್‌ 5 ರನ್, ಜಡೇಜಾ 77 ರನ್, ಎಂ.ಎಸ್‌ ಧೋನಿ 12 ರನ್, ಶಿವಂ ದುಬೆ 8 ರನ್ ಗಳಿಸಿದರು. ಆದರೂ ಕೊನೆಯಲ್ಲಿ ಸೋಲು ಕಂಡರು.
ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ ಆರ್‌ಸಿಬಿ 20 ಓವರ್‌ಗಳಲ್ಲಿ 5 ವಿಕೆಟ್‌ ನಷ್ಟಕ್ಕೆ 213 ರನ್ ಗಳಿಸಿತ್ತು. ಮೊದಲ ವಿಕೆಟ್‌ಗೆ ವಿರಾಟ್ ಕೊಹ್ಲಿ, ಜಾಕೊಬ್ ಬೆಥೆಲ್ ಜೋಡಿ 97 ರನ್ ಗಳ ಜೊತೆಯಾಟ ನೀಡಿದರು. ರೊಮಾರಿಯೋ ಶೆಫರ್ಡ್ 19ನೇ ಓವರ್‌ನಲ್ಲಿ ಖಲೀಲ್ ಅಹ್ಮದ್ ಬೌಲಿಂಗ್‌ಗೆ ಒಂದೇ ಓವರ್‌ನಲ್ಲಿ 33 ರನ್ ಚಚ್ಚಿದರು. ಜೊತೆಗೆ 20ನೇ ಓವರ್‌ನಲ್ಲಿ ಬರೋಬ್ಬರಿ 20 ರನ್ ಚಚ್ಚಿದ ಪರಿಣಾಮ ಆರ್‌ಸಿಬಿ ಸುಲಭವಾಗಿ 200 ರನ್‌ಗಳ ಗಡಿ ದಾಟಿಸಿದರು. ಬೆಂಗಳೂರು ಪರ ವಿರಾಟ್ ಕೊಹ್ಲಿ 62 ರನ್, ಬೆಥೆಲ್ 55, ರೊಮಾರಿಯೊ ಶೆಫರ್ಡ್ 53 ರನ್ ಗಳಿಸಿದರು.
