ಈ ಕೆಂಪು ಸುಂದರಿ ಬಲು ದುಬಾರಿ!

ಬೆಂಗಳೂರು: ಕೆಂಪು ಸುಂದರಿ ಮಾರುಕಟ್ಟೆಯಲ್ಲಿ ಒಮ್ಮೊಮ್ಮೆ ಬೆಲೆ ಕಳೆದುಕೊಂಡರೆ, ಒಮ್ಮೊಮ್ಮೆ ಬೆಲೆ ಪಡೆಯುತ್ತಾಳೆ. ಈಗ ಮತ್ತೆ ಕೆಂಪು ಸುಂದರಿಗೆ ಬೆಲೆ ಬಂದಂತಾಗಿದೆ.

ಒಂದೊಂದು ಸಲ ಟೊಮೆಟೋ ದರ 100 ರೂ. ಗಡಿ ದಾಟಿ ಮಾರಾಟ ಕೂಡ ಆಗಿದೆ. ಆದರೆ, ಈ ಟೊಮೆಟೋ ದರ ಕೇಳಿದರೆ ಸಾಕು ಶಾಕ್ ಆಗುತ್ತದೆ. ಈ ಟೊಮೆಟೋ ಬೆಲೆ ಕೆಜಿಗೆ ಬರೋಬ್ಬರಿ 1,300 ರೂ. ಇದೆ.
ರೈತರೊಬ್ಬರು ಹೈಪರ್-ಆರ್ಗಾನಿಕ್ ಎಂಬ ಸಣ್ಣ ಬ್ಯಾಚ್ ಟೊಮೆಟೋವನ್ನು ಬೆಳೆದಿದ್ದಾರೆ. ಇದನ್ನು ಸೌಮ್ಯವಾದ ಬೆಳೆ ಎಂದು ಹೇಳುತ್ತಾರೆ. ಇದನ್ನು ಬೆಳೆಯುವುದು ಕೂಡ ಒಂದು ಸೂಕ್ಷ್ಮತೆಯಲ್ಲಿ, ಮಳೆಗಾಲದಲ್ಲಿ ಇದನ್ನು ಬಿತ್ತನೆ ಮಾಡುತ್ತಾರೆ. ಇದಕ್ಕೆ ನೈಸರ್ಗಿಕವಾದ ನೀರು ಬೇಕು. ಅದಕ್ಕಾಗಿ ಇದನ್ನು ಮಳೆ ನೀರಿಗೆ ಬೆಳೆಯುತ್ತಾರೆ. ಜತೆಗೆ ಇದನ್ನು ಬಿತ್ತನೆ ಮಾಡಲು ನೆಲ ಕೂಡ ಅಷ್ಟೇ ಪರಿಶುದ್ಧವಾಗಿರಬೇಕು.

ಆ ಬೆಳೆಗೆ ನೋವು ಆಗದಂತೆ 55 ಡೆಸಿಬಲ್‌ಗಳಿಗಿಂತ ಕಡಿಮೆ ಶಬ್ದ ಮಟ್ಟವನ್ನು ಕಾಯ್ದುಕೊಳ್ಳುವುದು, ಅಂದರೆ ಟ್ರಾಕ್ಟರ್‌ಗಳಲ್ಲಿ ಇದನ್ನು ಬಿತ್ತನೆ ಮಾಡುವಂತೆ ಇಲ್ಲ. ಇದನ್ನು ಒಂದು ಬಿದಿರಿನ ಉಪಕರಣಗಳನ್ನು ಬಳಸಿ ಮಾಡುವುದು. ಇದನ್ನು ಪ್ಯಾಕ್ ಮಾಡುವಾಗ ಕೂಡ ಅಷ್ಟೇ ತುಂಬಾ ಕಾಳಜಿಯಿಂದ ಮಾಡಬೇಕು. ಸ್ವಲ್ಪ ವ್ಯತ್ಯಾಸವಾದ ಇದು ಕೆಟ್ಟು ಬಿಡುತ್ತದೆ. ಅದಕ್ಕೆ ಇದನ್ನು ಮೆನುಕಾ ಜೇನುಮೇಣದ ಕ್ರಯೋನ್‌ಗಳೊಂದಿಗೆ ಸೆಣಬಿನ ಚೀಲದಲ್ಲಿ ಹಾಕಿ ಪ್ಯಾಕ್ ಮಾಡಿ ಮಾರುಕಟ್ಟೆಗಳಿಗೆ ಕಳುಹಿಸಲಾಗುವುದು. ಇನ್ನು ಇದನ್ನು ಎಲ್ಲರಿಗೂ ಕಾಣುವಂತೆ ಪ್ಯಾಕ್ ಮಾಡಲಾಗುತ್ತದೆ. ಇದನ್ನು ಬೆಳೆಯಲು ತುಂಬಾ ಪ್ರೊಸೆಸ್‌ ಇರುವುದರಿಂದ ಈ ಟೊಮೆಟೋ ಬೆಲೆ ಬಲು ದುಬಾರಿಯಾಗಿರುತ್ತದೆ. ಹೀಗಾಗಿ ಈಗ ಟೊಮೆಟೋ ಬೆಲೆ ಕೇಳಿ ಎಲ್ಲರೂ ಶಾಕ್ ಆಗುತ್ತಿದ್ದಾರೆ.