ಬೆಂಗಳೂರು: ಕನ್ನಡ ಚಿತ್ರರಂಗದ ಕ್ಯಾಡ್ಬರೀಸ್ ಧರ್ಮ ಕೀರ್ತಿರಾಜ್ ಕಳೆದ 17 ವರ್ಷಗಳಿಂದ ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಇತ್ತೀಚೆಗೆ ತೆರೆಯ ಹಿಂದೆ ಸರಿದಿದ್ದ ಅವರು, ಈಗ ಅಭಿಮಾನಿಗಳಿಗೆ ಸಿಹಿ ಸುದ್ದಿ ನೀಡಿದ್ದಾರೆ.
ನವಗ್ರಹ ಸಿನಿಮಾ ಕೀರ್ತಿರಾಜ್ ಗೆ ಸಿಕ್ಕಾಪಟ್ಟೆ Hit ತಂದುಕೊಟ್ಟಂತಹ ಸಿನಿಮಾ ಆಗಿತ್ತು.
ಅದಾದ ಬಳಿಕ ಧರ್ಮ ಕೀರ್ತಿರಾಜ್ ತೆರೆ ಮರೆಯಲ್ಲಿಯೇ ಉಳಿದುಕೊಂಡಿದ್ದರು. ನಂತರ ಬಿಗ್ ಬಾಸ್ ಸೀಸನ್ 11ರ ಸ್ಪರ್ಧಿಯಾಗಿ ಬಿಗ್ ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದರು. ಬಿಗ್ ಬಾಸ್ ಮನೆಯಲ್ಲಿ ಧರ್ಮ ಕೀರ್ತಿರಾಜ್ ಅವರ ಗುಣ ನಡತೆ ಜನರಿಗೆ ಬಹಳ ಲೈಕ್ ಆಗಿತ್ತು. ಬಿಗ್ ಬಾಸ್ ಮನೆಯಿಂದ ಆಚೆ ಬಂದ ನಂತರ ಇದೀಗ ಬ್ಲಡ್ ರೋಸಸ್ ಎನ್ನುವ ಸಿನಿಮಾದಲ್ಲಿ ಖಡಕ್ ಪೊಲೀಸ್ ಆಫೀಸರ್ ಲುಕ್ ನಲ್ಲಿ ಧರ್ಮ ಕೀರ್ತಿರಾಜ್ ಕಾಣಿಸಿಕೊಳ್ಳಲು ಮುಂದಾಗಿದ್ದಾರೆ.
ಈ ಗುಡ್ ನ್ಯೂಸ್ ಕೇಳಿ ಇವರ ಫ್ಯಾನ್ಸ್ ಅಂತೂ ಸಿಕ್ಕಾಪಟ್ಟೆ ಖುಷಿಯಾಗಿದ್ದಾರೆ. ನಟಿ ಅಪ್ಸರ ರಾಣಿ ಧರ್ಮ ಕೀರ್ತಿರಾಜ್ ಗೆ ನಾಯಕಿಯಾಗಿ ಸ್ಕ್ರೀನ್ ಶೇರ್ ಮಾಡಲಿದ್ದಾರೆ.
