ಬೆಂಗಳೂರು: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯು (ಇಪಿಎಫ್ಒ) ಇತ್ತೀಚೆಗೆ ಪಿಎಫ್ ವಿತ್ ಡ್ರಾ ನಿಯಮಗಳನ್ನು ತುಂಬ ಸರಳಗೊಳಿಸಿದೆ. ಆನ್ ಲೈನ್ ಮೂಲಕವೇ ಈಗ ಇಪಿಎಫ್ಒ ಸದಸ್ಯರು ಸುಲಭವಾಗಿ ಪಿಎಫ್ ಮೊತ್ತವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಇನ್ನು, ಮದುವೆ ಸೇರಿ ಹಲವು ವಿಶೇಷ ಸಂದರ್ಭಗಳಲ್ಲೂ ಈಗ ಸುಲಭವಾಗಿ ಪಿಎಫ್ ಮೊತ್ತವನ್ನು ಡ್ರಾ ಮಾಡಬಹುದಾಗಿದೆ.
ಹೌದು, ಮದುವೆ, ಮನೆ ಖರೀದಿ ಹಾಗೂ ಗಂಭೀರ ಅನಾರೋಗ್ಯದ ಸಂದರ್ಭದಲ್ಲಿ ಪಿಎಫ್ ಹಣವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಇನ್ನು, ಮದುವೆ ಸಂದರ್ಭದಲ್ಲಿ ಪಿಎಫ್ ಮೊತ್ತದಲ್ಲಿರುವ ಶೇ.100ರಷ್ಟು ಹಣವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಒಂದು ವರ್ಷ ಸೇವೆಯಲ್ಲಿದ್ದರೂ ಸಾಕು, ಮದುವೆ ಸಂದರ್ಭದಲ್ಲಿ ಶೇ.100ರಷ್ಟು ಮೊತ್ತವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಆದರೆ, ಇದಕ್ಕೆ ಅಗತ್ಯ ದಾಖಲೆಗಳನ್ನು ನೀಡಬೇಕಾಗುತ್ತದೆ. ಇದಕ್ಕೂ ಮೊದಲು 5 ವರ್ಷ ಸೇವೆ ಸಲ್ಲಿಸಿದವರಿಗೆ ವಿತ್ ಡ್ರಾ ಮಾಡುವ ಅವಕಾಶ ಇತ್ತು.
ಇದೇ ರೀತಿ, ಮನೆ ಖರೀದಿ ಅಥವಾ ನಿರ್ಮಾಣದ ಸಂದರ್ಭದಲ್ಲೂ ಶೇ.90ರಷ್ಟು ಮೊತ್ತವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಕನಿಷ್ಠ 5 ವರ್ಷ ಸೇವೆ ಸಲ್ಲಿಸಿದವರು ಮನೆ ಖರೀದಿ ಅಥವಾ ನಿರ್ಮಾಣಕ್ಕೆ ಹಣ ವಿತ್ ಡ್ರಾ ಮಾಡಬಹುದಾಗಿದೆ. ಇದೇ ರೀತಿ, ಅನಾರೋಗ್ಯದ ಸಂದರ್ಭದಲ್ಲಿಯೂ ಶೇ.100ರಷ್ಟು ಮೊತ್ತವನ್ನು ವಿತ್ ಡ್ರಾ ಮಾಡಬಹುದು. ಇದಕ್ಕೆ 12 ತಿಂಗಳು ಸೇವೆ ಸಲ್ಲಿಸಿರಬೇಕು ಎಂಬ ನಿಯಮವಿದೆ.
ಅಷ್ಟೇ ಅಲ್ಲ, ಕಂಪನಿಯಲ್ಲಿ ಕೆಲಸದಿಂದ ತೆಗೆದುಹಾಕಿದ ಬಳಿಕ ನಿರುದ್ಯೋಗ ಉಂಟಾದರೂ ಪಿಎಫ್ ಹಣವನ್ನು ವಿತ್ ಡ್ರಾ ಮಾಡಬಹುದಾಗಿದೆ. ಒಂದು ತಿಂಗಳು ಕೆಲಸವಿಲ್ಲದ ಪರಿಸ್ಥಿತಿ ಎದುರಾದರೆ ಶೇ.75ರಷ್ಟು, ಎರಡು ತಿಂಗಳಿಗಿಂತ ಹೆಚ್ಚಿನ ಅವಧಿಗೆ ನಿರುದ್ಯೋಗಿಯಾದರೆ ಶೇ.100ರಷ್ಟು ಹಣವನ್ನು ವಿತ್ ಡ್ರಾ ಮಾಡಬಹುದು.
ಇದನ್ನೂ ಓದಿ: ಬೆಂಗಳೂರಿನಲ್ಲಿರುವ IIMBಯಲ್ಲಿ ನೇಮಕಾತಿ | ಸಂದರ್ಶನದ ಮೂಲಕ ನೇಮಕಾತಿ
