ಬೆಂಗಳೂರು : ಉದ್ಯೋಗಿಗಳ ಭವಿಷ್ಯ ನಿಧಿ ಸಂಘಟನೆಯು (ಇಪಿಎಫ್ಒ) ಇತ್ತೀಚೆಗೆ ವೆಬ್ ಪೋರ್ಟಲ್ ಅನ್ನು ಅಪ್ ಗ್ರೇಡ್ ಮಾಡಿದೆ. ಹಲವು ಸೇವೆಗಳಿಗೆ ಈಗ ವೇಗ ಬಂದಿದೆ. ಹಾಗೆಯೇ, ಯುಎಎನ್ ಆ್ಯಕ್ಟಿವೇಷನ್ ಮಾಡುವುದನ್ನು ಈಗ ಇಪಿಎಫ್ಒ ಬದಲು ಉಮಾಂಗ್ ಆ್ಯಪ್ ಗೆ ವರ್ಗಾಯಿಸಲಾಗಿದೆ.
ಈಗ ಸದಸ್ಯರು ಇಪಿಎಫ್ಒ ಸೇವೆಗಳನ್ನು ಪಡೆಯಲು ಯುಎಎನ್ ಆ್ಯಕ್ಟಿವೇಷನ್ ಮಾಡುವುದು ಅತ್ಯವಶ್ಯಕವಾಗಿದೆ. ಉಮಾಂಗ್ ಆ್ಯಪ್ ಮೂಲಕ ಯುಎಎನ್ ಆ್ಯಕ್ಟಿವೇಷನ್ ಹಾಗೂ ಆಧಾರ್ ಫೇಸ್ ಅಥೆಂಟಿಫಿಕೇಷನ್ ಮಾಡಬಹುದು. ಇದನ್ನು ಹೇಗೆ ಮಾಡಬಹುದು ಎಂಬುದರ ಕಂಪ್ಲೀಟ್ ಗೈಡೆನ್ಸ್ ಇಲ್ಲಿದೆ.
ಇಲ್ಲಿದೆ ಸ್ಟೆಪ್ ಬೈ ಸ್ಟೆಪ್ ಗೈಡ್
- ಮೊದಲು ನಿಮ್ಮ ಮೊಬೈಲ್ ನಲ್ಲಿ UMANG ಆ್ಯಪ್ ಓಪನ್ ಮಾಡಿ, ಆಧಾರ್ ಲಿಂಕ್ ಆಗಿರುವ ಮೊಬೈಲ್ ಸಂಖ್ಯೆ ಬಳಸಿ ರಿಜಿಸ್ಟರ್/ಲಾಗಿನ್ ಆಗಿ.
- ಆ್ಯಪ್ ನಲ್ಲಿ ‘EPFO’ ಸೇವೆಗಳ ಮೇಲೆ ಕ್ಲಿಕ್ ಮಾಡಿ.
- ಅಲ್ಲಿ ಕಾಣಿಸುವ “UAN Services Through Face Auth” ವಿಭಾಗದಲ್ಲಿ “UAN Activation” ಆಯ್ಕೆ ಮಾಡಿಕೊಳ್ಳಿ.
- ನಿಮ್ಮ UAN ಸಂಖ್ಯೆ, ಆಧಾರ್ ಸಂಖ್ಯೆ ಮತ್ತು ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ, ಒಪ್ಪಿಗೆಯ ಚೆಕ್ ಬಾಕ್ಸ್ ಮೇಲೆ ಕ್ಲಿಕ್ ಮಾಡಿ “Send OTP” ಒತ್ತಿ.
- ನಿಮ್ಮ ಮೊಬೈಲ್ ಗೆ ಬರುವ OTP ಯನ್ನು ನಮೂದಿಸಿದ ತಕ್ಷಣ, ಅದು ನಿಮ್ಮನ್ನು Aadhaar Face RD ಆ್ಯಪ್ ಮೂಲಕ ಮುಖದ ಸ್ಕ್ಯಾನ್ ಮಾಡಲು ಕೇಳುತ್ತದೆ.
- ಕ್ಯಾಮೆರಾ ಆನ್ ಆದಾಗ ನಿಮ್ಮ ಮುಖವನ್ನು ಸರಿಯಾಗಿ ಸ್ಕ್ಯಾನ್ ಮಾಡಿ (ಹಸಿರು ವೃತ್ತ ಕಾಣಿಸುವವರೆಗೆ ಸರಿಯಾಗಿ ಫೋಕಸ್ ಮಾಡಿ).
- ಮುಖದ ಗುರುತು ಯಶಸ್ವಿಯಾಗಿ ಪರಿಶೀಲನೆಯಾದ ನಂತರ, ನಿಮ್ಮ ವಿವರಗಳು ಪರದೆಯ ಮೇಲೆ ಕಾಣಿಸುತ್ತವೆ. ಅದನ್ನು ಪರಿಶೀಲಿಸಿ ‘Submit’ ನೀಡಿ.
- ಈಗ ನಿಮ್ಮ UAN ಆ್ಯಕ್ಟಿವೇಟ್ ಆಗುತ್ತದೆ ಮತ್ತು ಲಾಗಿನ್ ಆಗಲು ತಾತ್ಕಾಲಿಕ ಪಾಸ್ ವರ್ಡ್ ನಿಮ್ಮ ಮೊಬೈಲ್ ಗೆ ಎಸ್ಎಂಎಸ್ (SMS) ಮೂಲಕ ಬರುತ್ತದೆ. ಅದನ್ನು ಬಳಸಿ ಲಾಗ್ ಇನ್ ಆಗಬಹುದು ಇಲ್ಲವೇ ಪಾಸ್ ವರ್ಡ್ ಬದಲಿಸಬಹುದು.
ಇದನ್ನೂ ಓದಿ : ತಿಂಗಳಿಗೆ 2 ಸಾವಿರ ರೂ. ಉಳಿಸಿದರೂ 1.40 ಲಕ್ಷ ರೂ. ಗಳಿಕೆ : ಏನಿದು ಸರ್ಕಾರದ ಯೋಜನೆ?
