ಬೆಂಗಳೂರು : ಭಾರತೀಯ ಜೀವ ವಿಮಾ ನಿಗಮವು (LIC) ತನ್ನ 70ನೇ ವರ್ಷಾಚರಣೆಯ ವಿಶೇಷ ಸಂದರ್ಭದಲ್ಲಿ ಗ್ರಾಹಕರಿಗಾಗಿ ಎರಡು ಹೊಸ ವಿಮಾ ಯೋಜನೆಗಳನ್ನು ಪರಿಚಯಿಸಿದೆ. ಎಲ್ಐಸಿಯ ಸಿಇಒ ಹಾಗೂ ಎಂಡಿ ಆರ್. ದೊರೈಸ್ವಾಮಿ ಅವರು ಬಿಮಾ ಪ್ಲಾಟಿನಮ್ (ಪ್ಲಾನ್ 770) ಮತ್ತು ಜೀವನ್ ರಕ್ಷಾ (ಪ್ಲಾನ್ 894) ಎಂಬ ಎರಡು ಪಾಲಿಸಿಗಳನ್ನು ಘೋಷಿಸಿದ್ದು, ಇವು ಕುಟುಂಬಗಳಿಗೆ ರಕ್ಷಣೆ ನೀಡುವ ಜತೆಗೆ ಸಂಪತ್ತು ಸೃಷ್ಟಿಗೂ ನೆರವಾಗುತ್ತವೆ. ಪಾಲಿಸಿಗಳ ಕುರಿತು ಸಂಪೂರ್ಣ ಮಾಹಿತಿ ಇಲ್ಲಿದೆ.
ಎಲ್ಐಸಿ ಬಿಮಾ ಪ್ಲಾಟಿನಮ್
ಇದು ಉಳಿತಾಯ ಮತ್ತು ವಿಮಾ ರಕ್ಷಣೆಯನ್ನು ಒಟ್ಟಿಗೆ ನೀಡುವ ನಾನ್-ಲಿಂಕ್ಡ್, ನಾನ್-ಪಾರ್ಟಿಸಿಪೇಟಿಂಗ್ ವೈಯಕ್ತಿಕ ಪಾಲಿಸಿಯಾಗಿದೆ. ಇದು ಸೀಮಿತ ಪ್ರೀಮಿಯಂ ಪಾವತಿ ಯೋಜನೆಯಾಗಿದ್ದು, ಪ್ರೀಮಿಯಂ ಪಾವತಿ ಅವಧಿಯಲ್ಲಿ ಪ್ರತಿ 1,000 ರೂ. ವಾರ್ಷಿಕ ಪ್ರೀಮಿಯಂಗೆ ವರ್ಷಕ್ಕೆ 70 ರೂ. ನಂತೆ ಗ್ಯಾರಂಟಿ ಹೆಚ್ಚುವರಿ ಮೊತ್ತ ಸೇರ್ಪಡೆಯಾಗುತ್ತದೆ.
ಪಾಲಿಸಿ ಅವಧಿಯಲ್ಲಿ ಪ್ರತಿವರ್ಷ ಮೂಲ ವಿಮಾ ಮೊತ್ತದ ಶೇ. 10 ರಷ್ಟು ನಿಯಮಿತ ಆದಾಯ ಪಡೆಯುವ ಸೌಲಭ್ಯವಿದೆ. ಎಲ್ಐಸಿಯ ಹಾಲಿ ಗ್ರಾಹಕರಿಗೆ ಮತ್ತು ಮೃತರ ವಾರಸುದಾರರಿಗೆ ಪ್ರೀಮಿಯಂನಲ್ಲಿ ವಿಶೇಷ ರಿಯಾಯಿತಿ ಸೌಲಭ್ಯ ಕಲ್ಪಿಸಲಾಗಿದೆ.
ಇದು ಪಾಲಿಸಿದಾರರ ಮರಣದ ಸಂದರ್ಭದಲ್ಲಿ ಅವರ ಕುಟುಂಬಕ್ಕೆ ಪೂರ್ಣ ಪ್ರಮಾಣದ ಆರ್ಥಿಕ ಭದ್ರತೆ ಒದಗಿಸುವ ಪಾಲಿಸಿಯಾಗಿದೆ. ಈ ಪಾಲಿಸಿಯಲ್ಲಿ ಕನಿಷ್ಠ ವಿಮಾ ಮೊತ್ತ 5 ಲಕ್ಷ ರೂಪಾಯಿ ಹಾಗೂ ಗರಿಷ್ಠ 24 ಲಕ್ಷ ರೂಪಾಯಿಯವರೆಗೆ ಲಭ್ಯವಿದೆ. ಗ್ರಾಹಕರು ಏಕಬಾರಿಯ ಪಾವತಿ, ನಿಯಮಿತ ಪಾವತಿ ಅಥವಾ ಸೀಮಿತ ಅವಧಿಯ ಪ್ರೀಮಿಯಂ ಪಾವತಿ ಎಂಬ ಮೂರು ವಿಭಿನ್ನ ವಿಧಾನಗಳಲ್ಲಿ ಒಂದನ್ನು ಆಯ್ಕೆ ಮಾಡಿಕೊಳ್ಳಬಹುದು.
ಮಹಿಳಾ ಗ್ರಾಹಕರನ್ನು ಪ್ರೋತ್ಸಾಹಿಸಲು ಪ್ರೀಮಿಯಂ ದರಗಳಲ್ಲಿ ವಿಶೇಷ ರಿಯಾಯಿತಿಗಳನ್ನು ನೀಡಲಾಗಿದೆ. ಒಟ್ಟಾರೆಯಾಗಿ, ಎಲ್ಐಸಿಯ ಬಿಮಾ ಪ್ಲಾಟಿನಮ್ ಯೋಜನೆಯು ಹೂಡಿಕೆ ಹಾಗೂ ನಿಯಮಿತ ಆದಾಯದ ಜತೆಗೆ ರಕ್ಷಣೆ ಬಯಸುವವರಿಗೆ ಸೂಕ್ತವಾಗಿದೆ. ಜೀವನ್ ರಕ್ಷಾ ಪಾಲಿಸಿಯು ಕುಟುಂಬಕ್ಕೆ ನಿರ್ದಿಷ್ಟ ಹಾಗೂ ಗ್ಯಾರಂಟಿ ಆರ್ಥಿಕ ಭದ್ರತೆ ನೀಡುವ ಮೂಲ ಉದ್ದೇಶವನ್ನು ಹೊಂದಿದೆ. ಗ್ರಾಹಕರು ತಮ್ಮ ಹಣಕಾಸಿನ ಗುರಿಗಳಿಗೆ ಅನುಗುಣವಾಗಿ ಸೂಕ್ತ ಯೋಜನೆಯನ್ನು ಆರಿಸಿಕೊಳ್ಳಬಹುದು.
ಗಮನಿಸಿ: ಎಲ್ಐಸಿಯ ಎರಡು ಹೊಸ ಯೋಜನೆಗಳ ಕುರಿತು ಮಾಹಿತಿ ನೀಡುವ ದೃಷ್ಟಿಯಿಂದ ಮಾತ್ರ ಲೇಖನ ಪ್ರಕಟಿಸಲಾಗಿದೆ. ಪಾಲಿಸಿ ಖರೀದಿಸಲು ನಾವು ಶಿಫಾರಸು ಮಾಡುತ್ತಿಲ್ಲ. ಪಾಲಿಸಿ ಖರೀದಿಸುವ ಮುನ್ನ ಪರಿಣತರು ಅಥವಾ ಎಲ್ಐಸಿ ಏಜೆಂಟರನ್ನು ಸಂಪರ್ಕಿಸುವುದನ್ನು ಮರೆಯದಿರಿ.
ಇದನ್ನೂ ಓದಿ : ನಾಳೆ ಕೃಷ್ಣ ಜನ್ಮಾಷ್ಟಮಿ : ಬೆಂಗಳೂರಿನಲ್ಲಿ ಮಾಂಸ ಮಾರಾಟ ನಿಷೇಧ!
