ಪಹಲ್ಗಾಮ್ ಹತ್ಯಾಕಾಂಡದ ಬೆನ್ನಲ್ಲೇ ಭಾರತ-ಪಾಕಿಸ್ತಾನ ನಡುವೆ ಯುದ್ಧೋತ್ಸಾಹ ಕಾಣುತ್ತಿದೆ. ಉಗ್ರವಾದವನ್ನು ಬಗ್ಗುಬಡಿಯಲು ಪಾಕಿಸ್ಥಾನಕ್ಕೆ ತಕ್ಕ ಶಾಸ್ತಿ ಅನಿವಾರ್ಯ ಎಂಬ ವಿಶ್ಲೇಷಣೆಗಳು ಶುರುವಾಗಿವೆ. ಇದಕ್ಕೆ ಸಾಕ್ಷಿ ಎನ್ನುವಂತೆ ಉಭಯ ದೇಶಗಳ ಗಡಿಗಳೀಗ ಹಾಟ್ ಚೇರ್ ಗಳಾಗಿವೆ.
ಎರಡೂ ದೇಶಗಳ ಸೇನೆ ಗಡಿಯಲ್ಲಿ ನಿಧಾನಕ್ಕೆ ಜಮಾವಣೆಯಾಗುತ್ತಿದೆ. ಹಾಗಂತ ಯುದ್ಧ ಘಟಿಸಿದರೆ ಪಾಕ್ ತನ್ನ ಸೇನೆಯನ್ನು ಸಾಕಿ ಸಲುಹುವ ಶಕ್ತಿಯನ್ನು ಹೊಂದಿದೆಯಾ ಎಂಬ ಪ್ರಶ್ನೆ ಮೂಡಲಿದೆ. ಸೇನಾ ಶಕ್ತಿ ವೃದ್ಧಿಗೆ ಎರಡೂ ದೇಶಗಳು ಖರ್ಚು ಮಾಡುತ್ತಿವೆ ಎನ್ನುವುದು ಕೂಡ ಮುಖ್ಯವಾಗಿದೆ.
ಜಗತ್ತಿನ ಟಾಪ್ 5ರ ಪಟ್ಟಿಯಲ್ಲಿ ಭಾರತಕ್ಕೆ ಸ್ಥಾನ
ಜಗತ್ತಿನಲ್ಲಿ ಸೇನಾ ಬಲವರ್ಧನೆಗೆ ಅತಿ ಹೆಚ್ಚು ವೆಚ್ಚ ಮಾಡುತ್ತಿರುವುದು ಹಿರಿಯಣ್ಣ ಅಮೆರಿಕ. ವಾರ್ಷಿಕ 997 ಬಿಲಿಯನ್ ಡಾಲರ್ ಹಣವನ್ನು ಅಮೆರಿಕ ಖರ್ಚು ಮಾಡುತ್ತಿದೆ. 2ನೇ ಸ್ಥಾನದಲ್ಲಿರುವ ಭಾರತದ ನೆರೆ ರಾಷ್ಟ್ರ ಚೀನಾ ವಾರ್ಷಿಕ 314 ಬಿಲಿಯನ್ ಡಾಲರ್ ಖರ್ಚು ಮಾಡುತ್ತಿದೆ. ಮೂರನೇ ಸ್ಥಾನದಲ್ಲಿರುವ ರಷ್ಯಾ 149 ಬಿಲಿಯನ್, ಜರ್ಮನಿ 88 ಬಿಲಿಯನ್ ವ್ಯಯ ಮಾಡುತ್ತಿದೆ. ಈ ಪಟ್ಟಿಯಲ್ಲಿ ಐದನೇ ಸ್ಥಾನದಲ್ಲಿರುವ ಭಾರತ ತನ್ನ ಸೇನೆಯನ್ನು ಶಕ್ತಗೊಳಿಸಲು ವಾರ್ಷಿಕ 86 ಬಿಲಿಯನ್ ಡಾಲರ್ ಮೀಸಲಿಡುತ್ತಿದೆ. 2025-26ನೇ ಸಾಲಿನ ಬಜೆಟ್ ನಲ್ಲಿ ಭಾರತ ರಕ್ಷಣಾ ವಲಯಕ್ಕೆ 6.8 ಲಕ್ಷ ಕೋಟಿ ರೂ. ಮೀಸಲಿಟ್ಟಿದೆ.
ಈ ಪಟ್ಟಿಯಲ್ಲಿ ಪಾಕಿಸ್ಧಾನ 29ನೇ ಸ್ಥಾನದಲ್ಲಿದ್ದು ವಾರ್ಷಿಕ ಕೇವಲ 10 ಬಿಲಿಯನ್ ಡಾಲರ್ ಮಾತ್ರ ಖರ್ಚು ಮಾಡುವ ಶಕ್ತಿ ಹೊಂದಿದೆ. ಅಲ್ಲಿಗೆ ಭಾರತದ ಜಿಡಿಪಿಯ 1.9 ರಷ್ಟು ಹಣವನ್ನು ಸೇನೆಯ ಮೇಲೆ ಸರ್ಕಾರ ಖರ್ಚು ಮಾಡುತ್ತಿದೆ. ಹಾಗಿದ್ದರೆ ಲೆಕ್ಕ ಹಾಕಿ ಪಾಕಿಸ್ತಾನವನ್ನು ಭಾರತ ಕ್ಷಣಾರ್ಧದಲ್ಲಿ ಹೊಸಕಿಹಾಕಿಬಿಡಬಹುದು. ಆದರೆ, ವಿಶ್ವದಲ್ಲೇ ಭಾರತ ಮಾತ್ರ ಎರಡು ಅಣು ಬಾಂಬ್ ಹೊಂದಿರುವ ದೇಶಗಳೊಟ್ಟಿಗೆ ಗಡಿ ಹಂಚಿಕೊಂಡಿದೆ. ಚೀನಾ ಹಾಗೂ ಪಾಕಿಸ್ತಾನಗಳೊಟ್ಟಿಗೆ ಗಡಿ ಹಂಚಿಕೊಂಡಿರುವ ಭಾರತ ಎರಡೂ ದೇಶಗಳಿಂದಲೂ ನ್ಯೂಕ್ಲಿಯರ್ ಅಟ್ಯಾಕ್ ಭೀತಿ ಎದುರಿಸುತ್ತಿದೆ.
ಒಂದು ವಾರ ನಿಲ್ಲುವುದಿಲ್ಲ ಪಾಕ್ ಸೇನೆ
ಈ ಆರ್ಥಿಕ ಲೆಕ್ಕಾಚಾರವನ್ನೇ ಮೂಲವಾಗಿಟ್ಟು ನೋಡಿದರೆ ಪಾಕ್ ಭಾರತೀಯ ಸೇನೆಯ ಮುಂದೆ ತೃಣ ಸಮಾನ. ಒಂದೊಮ್ಮೆ ಯುದ್ಧ ಘಟಿಸಿದರೆ ಹಿಂದೂಸ್ಥಾನದ ವಿರುದ್ಧ ಪಾಕ್ ಒಂದು ವಾರ ನೇರಾನೇರ ಹೋರಾಟ ಮಾಡುವ ಶಕ್ತಿಯನ್ನೂ ಹೊಂದಿಲ್ಲ. ಈಗಾಗಲೇ ರಾಜಕೀಯ ಶೀತಲ ಸಮರ, ಆರ್ಥಿಕವಾಗಿ ಕಂಗಾಲಾಗಿರೋ ದೇಶ ಯುದ್ಧಕ್ಕೆ ನಿಂತರೆ ಬಿಕಾರಿಯಾಗುವುದು ನಿಶ್ಚಿತ. ಹೀಗಾಗಿಯೇ ಆರ್ಥಿಕ ಶಕ್ತಿಗೆ ಚೀನಾವನ್ನು.
ಶಸ್ತ್ರಾಸ್ತ್ರ ಬಲಕ್ಕೆ ಟರ್ಕಿಯನ್ನು ಪಾಕ್ ಅವಲಂಬಿಸಿದೆ. ತೀರಾ ಇತ್ತೀಚೆಗೆ ಘಟಿಸಿದ ಭೂಕಂಪದಿಂದ ತತ್ತರಿಸಿದ್ದ ಟರ್ಕಿಗೆ ಭಾರತ ಇನ್ನಿಲ್ಲದ ನೆರವಿನ ಹಸ್ತ ಚಾಚಿತ್ತು. ಅದನ್ನ ಮರೆತಿರೋ ಟರ್ಕಿಗಳು ಇದೀಗ ಪಾಕ್ ಬೆನ್ನಿಗೆ ನಿಂತಿದ್ದಾರೆ. ಅದೇನೆ ಇರಲಿ ಆರ್ಥಿಕವಾಗಿ ಪಾಪರ್ ಪಾಪಣ್ಣನಾಗಿರುವ ಪಾಕ್ ಯುದ್ಧಕ್ಕೆ ದಾಂಗುಡಿ ಇಟ್ರೆ ಕೇರ್ ಆಫ್ ಪುಟ್ ಪಾತ್ ಆಗೋದು ಶತಸಿದ್ಧ.
