ಮೈಸೂರು: ನಟ ದರ್ಶನ್ ಅವರ ಹುಟ್ಟುಹಬ್ಬದ ಹಿನ್ನೆಲೆಯಲ್ಲಿ, ಟಿ. ನರಸೀಪುರ ಮೈಸೂರು ಮುಖ್ಯ ರಸ್ತೆಯಲ್ಲಿರುವ ಅವರ ಪ್ರಿಯ ಫಾರಂ ಹೌಸ್ ಬಳಿ ಅಭಿಮಾನಿಗಳ ಸಂಚಾರ ಕಂಡುಬಂದಿದೆ. ‘ವಿನೀತ್ ದರ್ಶನ್ ಮಾರ್ವಾರಿ ಸ್ಟಡ್ ಫಾರ್ಮ್’ ಹೆಸರಿನ ಈ ಫಾರಂ ಹೌಸ್, ದರ್ಶನ್ ಅವರಿಗೆ ವಿಶೇಷವಾಗಿದ್ದು, ಪ್ರಾಣಿ–ಪಕ್ಷಿಗಳ ಜೊತೆ ಸಮಯ ಕಳೆಯುವ ಸ್ಥಳವಾಗಿ ಪರಿಚಿತವಾಗಿದೆ. ಪ್ರತಿ ವರ್ಷ ಹುಟ್ಟುಹಬ್ಬದಂದು ಅವರು ತಮ್ಮ ನೆಚ್ಚಿನ ಕುದುರೆಗಳು ಹಾಗೂ ಇತರ ಪ್ರಾಣಿಗಳ ಜೊತೆ ಸರಳವಾಗಿ ಆಚರಣೆ ಮಾಡುತ್ತಿದ್ದದ್ದು ಅಭಿಮಾನಿಗಳಿಗೆ ವಿಶೇಷ ಕ್ಷಣವಾಗಿತ್ತು.
ಆದರೆ ಸದ್ಯ ಕೊಲೆ ಆರೋಪದಡಿ ಜೈಲು ಸೇರಿರುವ ದರ್ಶನ್ ಅವರ ಅನುಪಸ್ಥಿತಿಯಲ್ಲಿ ಫಾರಂ ಹೌಸ್ ಬಿಕೋ ಎನ್ನುತ್ತಿದೆ. ಯಾವುದೇ ಸಂಭ್ರಮವಿಲ್ಲದೆ ನಿಶ್ಶಬ್ದ ವಾತಾವರಣ ಆವರಿಸಿದೆ.
ಇದ್ರಲ್ಲೂ ಇಂದು ಹುಟ್ಟುಹಬ್ಬದ ಹಿನ್ನಲೆಯಲ್ಲಿ ಅಭಿಮಾನಿಗಳು ಫಾರಂ ಹೌಸ್ ಮುಂದೆ ನಿಂತು ಸೆಲ್ಫಿ ತೆಗೆದುಕೊಂಡು, ತಮ್ಮ ನೆಚ್ಚಿನ ನಟನಿಗೆ ಶುಭಾಶಯಗಳನ್ನು ಸಲ್ಲಿಸಿದರು. ಪೊಲೀಸರು ಮುನ್ನೆಚ್ಚರಿಕಾ ಕ್ರಮವಾಗಿ ಭದ್ರತೆ ಒದಗಿಸಿದ್ದರು.
ಇದನ್ನೂ ಓದಿ : ಮುಳ್ಳು ಗದ್ದುಗೆ ಮೇಲೆ ನರ್ತನ | ರಾಮಲಿಂಗೇಶ್ವರ ಸ್ವಾಮೀಜಿ ಪವಾಡಕ್ಕೆಆಶ್ಚರ್ಯರಾದ ಅಪಾರ ಭಕ್ತಗಣ!
