ಪ್ಯಾರಿಸ್ ಒಲಿಂಪಿಕ್ಸ್ ಅಖಾಡಕ್ಕೆ ಇಳಿಯಲು ಕ್ಷಣಗಣನೆ; ಇಲ್ಲಿಯವರೆಗೆ ‘ಅತೀ ಹೆಚ್ಚು ಪದಕಗಳನ್ನು ಗೆದ್ದ ದೇಶ’ ಯಾವುದು? ಭಾರತದ ಸಾಧನೆ ಏನು?

ಇಡೀ ವಿಶ್ವವೇ ಕಾತುರತಿಂದ ಕಾಯುತ್ತಿರುವ ಪ್ಯಾರಿಸ್ ಒಲಿಂಪಿಕ್ಸ್ (Paris olympics 2024) ಆಟೋಟಕ್ಕೆ ದಿನಗಣನೆ ಆರಂಭವಾಗಿದೆ. ಈ ಬಾರಿಯೂ ಸಾಂಪ್ರದಾಯಿಕ ರಾಷ್ಟ್ರಗಳೇ ಪದಕಗಳನ್ನು ಗೆಲ್ಲುತ್ತವೆಯೇ? ಅಥವಾ ಬೇರೆ ರಾಷ್ಟ್ರಗಳ ಕ್ರೀಡಾಪಟುಗಳು ಸಾಧನೆ ಮೆರೆಯುತ್ತಾರಾ? ಎಂಬ ಕುತೂಹಲ ಎಲ್ಲರಲ್ಲಿಯೂ ಮನೆ ಮಾಡಿದೆ.

ಈ ಕ್ರೀಡಾಕೂಟಕ್ಕೆ ಜುಲೈ 26 ರಿಂದ ಚಾಲನೆ ಸಿಗಲಿದೆ. 17 ದಿನಗಳ ಕಾಲ ನಡೆಯಲಿರುವ ಈ ಕ್ರೀಡಾಕೂಟದಲ್ಲಿ ಭಾರತದ 112 ಕ್ರೀಡಾಪಟುಗಳು ಭಾಗವಹಿಸಲಿದ್ದಾರೆ. ಈ ಒಲಿಂಪಿಕ್ಸ್ ನಲ್ಲಿ ಒಟ್ಟು 206 ದೇಶಗಳ ಸ್ಪರ್ಧಿಗಳು ಅಖಾಡಕ್ಕೆ ಇಳಿಯಲಿದ್ದಾರೆ. ಈ ಪೈಕಿ ಇಲ್ಲಿಯವರೆಗೆ ಹೆಚ್ಚು ಪದಕ ಗೆದ್ದಿದ್ದ ರಾಷ್ಟ್ರ ಎಂದರೆ ಯುನೈಟೆಡ್ ಸ್ಟೇಟ್ ಆಫ್ ಅಮೆರಿಕ.

ಅತೀ ಹೆಚ್ಚು ಹೆಚ್ಚು ಪದಕಗಳನ್ನು ಗೆದ್ದ ವಿಶ್ವ ದಾಖಲೆ ಯುಎಸ್ ಎ ಹೆಸರಿನಲ್ಲಿದೆ. 1896 ರಿಂದ ಶುರುವಾದ ಒಲಿಂಪಿಕ್ಸ್ ನಲ್ಲಿ ಇಲ್ಲಿಯವರೆಗೆ 50 ಕ್ರೀಡಾಕೂಟಗಳು ನಡೆದಿವೆ. ಈ 50 ಕ್ರೀಡಾಕೂಟಕಗಳಲ್ಲಿ 3 ಸಾವಿರಕ್ಕೂ ಅಧಿಕ ಪದಕಗಳನ್ನು ಯುಎಸ್ ಎ ಗೆದ್ದಿದೆ.
ಒಲಿಂಪಿಕ್ಸ್ ನಲ್ಲಿ ಹೆಚ್ಚು ಪದಕಗಳನ್ನು ಗೆದ್ದ ದೇಶಗಳನ್ನು ನೋಡುವುದಾದರೆ…

ದೇಶ ಚಿನ್ನ ಬೆಳ್ಳಿ ಕಂಚು ಒಟ್ಟು
ಅಮೆರಿಕ (USA) 1229 1000 876 3105
ಸೋವಿಯತ್ ಒಕ್ಕೂಟ 473 376 355 1204
ಜರ್ಮನಿ 384 419 408 1211
ಚೀನಾ (PRC) 384 281 235 900
ಗ್ರೇಟ್ ಬ್ರಿಟನ್ 325 351 359 1035
ಫ್ರಾನ್ಸ್ 312 336 392 1040
ಇಟಲಿ 299 278 308 885
ರಷ್ಯಾ 290 243 246 779
ಸ್ವೀಡನ್ 233 245 262 740
ಜಪಾನ್ 229 220 241 690
ಆದರೆ, ಭಾರತವು ಇಲ್ಲಿಯವರೆಗೆ ಕೇವಲ 35 ಪದಕಗಳನ್ನು ಗೆದ್ದ ಸಾಧನೆ ಮಾಡಿದೆ. ಅಲ್ಲದೇ, ಇಲ್ಲಿಯವರೆಗೆ 24 ಒಲಿಂಪಿಕ್ಸ್ ಕ್ರೀಟಾಕೂಟಗಳಲ್ಲಿ ಭಾಗವಹಿಸಿದೆ. 10 ಚಿನ್ನ, 9 ಬೆಳ್ಳಿ ಮತ್ತು 16 ಕಂಚಿನ ಪದಕಗಳನ್ನು ಇಲ್ಲಿಯವರೆಗೆ ಗೆದ್ದಿದೆ. ಈ 10 ಚಿನ್ನದ ಪದಕಗಳಲ್ಲಿ 8 ಪದಕಗಳು ಹಾಕಿ ಆಟದಿಂದಲೇ ಬಂದಿವೆ. ವೈಯುಕ್ತಿಕವಾಗಿ ಭಾರತಕ್ಕೆ ಚಿನ್ನದ ಪದಕ ಗೆದ್ದುಕೊಟ್ಟಿರುವುದು ಕೇವಲ ಇಬ್ಬರು ಸ್ಪರ್ಧಿಗಳು ಮಾತ್ರ.2008ರಲ್ಲಿ ಅಭಿನವ್ ಬಿಂದ್ರಾ ಅವರು ಶೂಟಿಂಗ್ ನಲ್ಲಿ ಹಾಗೂ 2020ರಲ್ಲಿ ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ನೀರಜ್ ಚೋಪ್ರಾ ಚಾವೆಲಿನ್ ಎಸೆತದಲ್ಲಿ ಚಿನ್ನ ಗೆದ್ದಿರುವ ಸಾಧನೆ ಮಾಡಿದ್ದಾರೆ. ಆದರೆ, ಈ ಬಾರಿ ಭಾರತ ಇತಿಹಾಸ ಬರೆಯುತ್ತದೆಯೇ ಎಂಬುವುದನ್ನು ಕಾಯ್ದು ನೋಡಬೇಕಿದೆ.