ದೀಪಾವಳಿ ಮೂರನೇ ದಿನವೂ ಪಟಾಕಿ ಕೇಸ್‌ಗಳು ನಿಂತಿಲ್ಲ. ಮಿಂಟೋ ಕಣ್ಣಿನ ಆಸ್ಪತ್ರೆಗೆ ನಿನ್ನೆ ಬೆಳಗ್ಗೆ 9ರಿಂದ ರಾತ್ರಿವರೆಗೆ ಒಟ್ಟು 8 ಪ್ರಕರಣಗಳು ದಾಖಲಾಗಿದ್ದು, ಇದರೊಂದಿಗೆ ಆಸ್ಪತ್ರೆಯಲ್ಲಿ ಒಟ್ಟು 36 ಪ್ರಕರಣಗಳು ದಾಖಲಾಗಿವೆ.
ಪಟಾಕಿ ಹಚ್ಚಿದವರಿಗಿಂತ ಸ್ಥಳದಲ್ಲಿದ್ದ 6 ಜನರಿಗೆ ಹಾಗೂ ಹಚ್ಚುತ್ತಿದ್ದ ಇಬ್ಬರಿಗೆ ಗಾಯಗಳಾಗಿವೆ. 3 ಜನ ವಯಸ್ಕರು, 4 ಗಂಡು ಮಕ್ಕಳು ಹಾಗೂ 1 ಹುಡುಗಿ ಸೇರಿ ಒಟ್ಟು 8 ಪ್ರಕರಣಗಳು ದಾಖಲಾಗಿವೆ. ಅತಿ ಹೆಚ್ಚು ಅಂದರೆ ಬಿಜಿಲಿ ಪಟಾಕಿಯಿಂದ 4, ಲಕ್ಷ್ಮಿ ಪಟಾಕಿಯಿಂದ 2, ಚಕ್ರದಿಂದ 1 ಹಾಗೂ ಇತರೆ 1 ಪ್ರಕರಣ ವರದಿಯಾಗಿದ್ದು, ಇಂದು ಸಹ ಮತ್ತಷ್ಟು ಪ್ರಕರಣಗಳು ಬರುವ ಸಾಧ್ಯತೆಯಿದೆ.
