ಮೈಸೂರು:ನಟ ದರ್ಶನ್ ಆಪ್ತ ಧನ್ವೀರ್ ಯುವ ದಸರಾ ವೇದಿಕೆಯಲ್ಲಿ ದರ್ಶನ್ ಪರ ಬ್ಯಾಟ್ ಬೀಸುವ ಮೂಲಕ ಹೊಸ ಎಡವಟ್ಟು ಹಾಗೂ ವಿವಾದಾತ್ಮಕ ಮಾತುಗಳನ್ನಾಡಿದ್ದಾರೆ. ಯುವ ದಸರಾ ವೇದಿಕೆಯಲ್ಲಿ ನಾಯಿ, ನರಿ, ಕುನ್ನಿ ಎಂದು ಧನ್ವೀರ್ ಪ್ರಸ್ತಾಪಿಸಿದ್ದು, ಈ ಮೂಲಕ ಯುವ ದಸರಾ ವೇದಿಕೆಗೆ ಕಳಂಕ ತಂದರಾ ಎಂಬ ಪ್ರಶ್ನೆ ಮೂಡಿದೆ.
ದರ್ಶನ್ ವಿರುದ್ಧ ಕುತಂತ್ರದ ಆರೋಪ ಮಾಡಿರುವ ಧನ್ವೀರ್, ಯಾರು ಏನೇ ಮಾಡಿದ್ರೂ ದರ್ಶನ್‌ಗೆ ಏನೂ ಮಾಡಕ್ಕಾಗಲ್ಲ ಎಂದು ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ. ಇದೇ ವೇಳೆ ದರ್ಶನ್ ಶೀಘ್ರದಲ್ಲೇ ಆಚೆ ಬರ್ತಾರೆ ಎಂದು ನಟ ಧನ್ವೀರ್ ದರ್ಶನ್ ಅಭಿಮಾನಿಗಳಿಗೆ ಭರವಸೆ ನೀಡಿದ್ದಾರೆ. ಸದ್ಯ ಧನ್ವೀರ್ ಆಡಿರುವ ಈ ಮಾತುಗಳಿಗೆ ಹೊಸ ವಿವಾದ ಶುರುವಾಗಿದೆ.
