ಬೆಂಗಳೂರು : ಜಾಗತಿಕ ಬಿಕ್ಕಟ್ಟು, ಚಿನ್ನದ ಆಮದಿನ ಮೇಲೆ ಭಾರತ ಹೆಚ್ಚಿನ ಸುಂಕ ವಿಧಿಸಿದರೂ ಚಿನ್ನದ ಬೆಲೆಯಲ್ಲಿ ದಿನೇದಿನೆ ಇಳಿಕೆಯಾಗುತ್ತಿದೆ. ಇದರಿಂದಾಗಿ ಸಮಾರಂಭ ಸೇರಿ ಹಲವು ಕಾರಣಗಳಿಗಾಗಿ ಚಿನ್ನ ಖರೀದಿಸುವವರಿಗೆ ಭಾರಿ ಅನುಕೂಲವಾಗುತ್ತಿದೆ. ಅದರಂತೆ, ಗುರುವಾರ (ಜೂನ್ 11) ಕೂಡ ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆಯಾಗಿದ್ದು, ಖರೀದಿದಾರರಿಗೆ ಸಿಹಿ ಸುದ್ದಿ ದೊರೆತಂತಾಗಿದೆ. 10 ಗ್ರಾಂ ಚಿನ್ನದ ಬೆಲೆಯಲ್ಲಿ 2 ಸಾವಿರ ರೂ.ಗಿಂತ ಹೆಚ್ಚಿನ ಬೆಲೆ ಕಡಿಮೆಯಾಗಿರುವುದು ಭಾರಿ ಖುಷಿ ತಂದಿದೆ.
ಬೆಂಗಳೂರಿನಲ್ಲಿ ಇಂದು 24 ಕ್ಯಾರೆಟ್ ನ 10 ಗ್ರಾಂ ಚಿನ್ನದ ಬೆಲೆಯಲ್ಲಿ ಬರೋಬ್ಬರಿ 2,13 ರೂಪಾಯಿ ಇಳಿಕೆಯಾಗಿದೆ. ಹಾಗೆಯೇ, 22 ಕ್ಯಾರೆಟ್ ನ 10 ಗ್ರಾಂ ಚಿನ್ನದ ಬೆಲೆಯಲ್ಲಿ 1,95 ರೂಪಾಯಿ ಇಳಿಕೆಯಾಗಿದೆ. ಇದರೊಂದಿಗೆ ಬೆಂಗಳೂರಿನಲ್ಲಿ 24 ಕ್ಯಾರೆಟ್ ನ 1 ಗ್ರಾಂ ಚಿನ್ನದ ಬೆಲೆಯು 14,564 ರೂಪಾಯಿ ಆಗಿದೆ. ಇನ್ನು, 22 ಕ್ಯಾರೆಟ್ ನ ಚಿನ್ನದ ಬೆಲೆಯು ಬುಧವಾರದ ಇಳಿಕೆಯ ನಂತರ 1 ಗ್ರಾಂಗೆ 13,350 ರೂಪಾಯಿ ಆಗಿದೆ.
ಕಳೆದ 10 ದಿನಗಳಲ್ಲಿ ಚಿನ್ನದ ದರದಲ್ಲಿ 6 ಬಾರಿ ಇಳಿಕೆಯಾಗಿದೆ. ಒಮ್ಮೆ ಮಾತ್ರ ಏರಿಕೆ ಕಂಡಿದ್ದು, ಮೂರು ದಿನ ದರದಲ್ಲಿ ಯಥಾಸ್ಥಿತಿ ಇತ್ತು. ಅಂದರೆ, ಯಾವುದೇ ಬದಲಾವಣೆ ಆಗಿರಲಿಲ್ಲ. ಬುಧವಾರವಂತೂ (ಜೂನ್ 10) ಚಿನ್ನದ ದರದಲ್ಲಿ ಪ್ರತಿ ಗ್ರಾಂಗೆ 400 ರೂ.ಗಿಂತ ಹೆಚ್ಚಿನ ಮೊತ್ತ ಇಳಿಕೆಯಾಗಿತ್ತು.
ಬೆಳ್ಳಿ ಧಾರಣೆಯಲ್ಲಿ ಯಥಾಸ್ಥಿತಿ
ಚಿನ್ನದ ಬೆಲೆಯಲ್ಲಿ ಭಾರಿ ಇಳಿಕೆಯಾದರೆ, ಬೆಳ್ಳಿಯ ಬೆಲೆಯಲ್ಲಿ ಇಂದು ಯಾವುದೇ ಬದಲಾವಣೆ ಆಗಿಲ್ಲ. ಬೆಂಗಳೂರಿನಲ್ಲಿ ಒಂದು ಕೆ.ಜಿ ಬೆಳ್ಳಿ ಬೆಲೆಯು ಇಂದು ಕೂಡ 2.5 ಲಕ್ಷ ರೂ. ಆಗಿದೆ. ಆದಾಗ್ಯೂ, ಕಳೆದ 10 ದಿನಗಳಿಂದಲೂ ಬೆಳ್ಳಿಯ ಧಾರಣೆಯಲ್ಲಿ ಒಮ್ಮೆಯೂ ಏರಿಕೆ ಕಂಡುಬಂದಿಲ್ಲ. 10 ದಿನಗಳಲ್ಲಿ ನಾಲ್ಕು ಬಾರಿ ಇಳಿಕೆಯಾದರೆ, ಆರು ಬಾರಿ ಯಾವುದೇ ಬದಲಾವಣೆ ಆಗಿರಲಿಲ್ಲ.
ಇದನ್ನೂ ಓದಿ : ICC ಟೆಸ್ಟ್ ಶ್ರೇಯಾಂಕ : ಭಾರತದ ನಂ.1 ಬ್ಯಾಟರ್ ಶುಭಮನ್ ಗಿಲ್.. ಅಗ್ರಸ್ಥಾನ ಕಾಯ್ದುಕೊಂಡ ಬುಮ್ರಾ
