ಬೆಂಗಳೂರು : ತುರ್ತು ಸಂದರ್ಭಗಳಲ್ಲಿ ಎದುರಾಗುವ ಖರ್ಚುಗಳನ್ನು ನಿಭಾಯಿಸಲು ಕ್ರೆಡಿಟ್ ಕಾರ್ಡ್ ಗಳು ತುಂಬ ನೆರವಾಗುತ್ತವೆ. ಹಾಗೆಯೇ, ಯಾವುದಾದರೂ ವಸ್ತುಗಳನ್ನು ಇಎಂಐ ಮೇಲೆ ಖರೀದಿಸಲು ಸಹಕಾರಿ. ಆದರೆ, ಕ್ರೆಡಿಟ್ ಕಾರ್ಡ್ ಬಿಲ್ ಅನ್ನು ಸರಿಯಾದ ಸಮಯಕ್ಕೆ ಪಾವತಿಸದಿದ್ದರೆ ಹೆಚ್ಚಿನ ಶುಲ್ಕ ಪಾವತಿಸಬೇಕಾಗುತ್ತದೆ. ಇದರ ಮಧ್ಯೆಯೇ ಭಾರತೀಯ ಸ್ಟೇಟ್ ಬ್ಯಾಂಕ್ (SBI) ಈಗ ಕ್ರೆಡಿಟ್ ಕಾರ್ಡ್ ವಿಳಂಬ ಪಾವತಿ (Late Payment) ಮೇಲಿನ ಶುಲ್ಕವನ್ನು ಹೆಚ್ಚಿಸಿದೆ.
ಹೌದು, ಇದುವರೆಗೆ 500 ರೂ.ವರೆಗಿನ ವಿಳಂಬ ಪಾವತಿಗೆ ಯಾವುದೇ ಶುಲ್ಕವಿರಲಿಲ್ಲ. ಆದರೆ, ಈ ಮೊತ್ತವನ್ನು ಈಗ 100 ರೂ.ಗೆ ಇಳಿಕೆ ಮಾಡಲಾಗಿದೆ. ಅಂದರೆ, 100 ರೂ.ಗಿಂತ ಹೆಚ್ಚಿನ ಮೊತ್ತವು ಡ್ಯೂ (Outstanding Amount Due) ಇದ್ದರೆ ಅದಕ್ಕೆ ವಿಳಂಬ ಪಾವತಿ ಶುಲ್ಕವನ್ನು ವಿಧಿಸಲಾಗುತ್ತದೆ. ಮೇ 1ರಿಂದ ಹೊಸ ನಿಯಮಗಳು ಜಾರಿಗೆ ಬಂದಿವೆ.
ಹೊಸ ಶುಲ್ಕಗಳ ಪಟ್ಟಿ ಇಲ್ಲಿದೆ
ಬಾಕಿ ಮೊತ್ತ ವಿಳಂಬ ಪಾವತಿ ಶುಲ್ಕಗಳು
0 ರಿಂದ 100 ರೂ. ಯಾವುದೇ ಶುಲ್ಕವಿಲ್ಲ
101 ರಿಂದ 500 ರೂ. 100 ರೂ.
501 ರಿಂದ 1,000 ರೂ. 500 ರೂ.
1,001 ರಿಂದ 10,000 ರೂ. 750 ರೂ.
10,001 ರಿಂದ 25,000 ರೂ. 950 ರೂ.
25,001 ರಿಂದ 50,000 ರೂ. 1,100 ರೂ.
50 ಸಾವಿರ ರೂ.ಗಿಂತ ಹೆಚ್ಚು 1,300 ರೂ.
ಹಾಗೆಯೇ, ನೀವು ನಿಗದಿತ ದಿನಾಂಕದೊಳಗೆ ಕನಿಷ್ಠ ಮೊತ್ತವನ್ನು ಸತತವಾಗಿ ಎರಡು ತಿಂಗಳವರೆಗೆ ಪಾವತಿಸಲು ವಿಫಲವಾದರೆ, ಸಾಮಾನ್ಯ ಶುಲ್ಕದ ಜತೆಗೆ ಹೆಚ್ಚುವರಿಯಾಗಿ 100 ರೂಪಾಯಿಯನ್ನು ದಂಡವಾಗಿ ವಿಧಿಸಲಾಗುತ್ತದೆ. ಈ ಹೆಚ್ಚುವರಿ ಶುಲ್ಕವು ಕನಿಷ್ಠ ಮೊತ್ತದ ಬಾಕಿಯನ್ನು ಕ್ಲಿಯರ್ ಮಾಡುವವರೆಗೆ ಪ್ರತಿ ಬಿಲ್ಲಿಂಗ್ ಸರ್ಕಲ್ ಗೂ ಇದು ಮುಂದುವರಿಯುತ್ತದೆ.
ಇದನ್ನೂ ಓದಿ : ಹೊಂಡದಲ್ಲಿ ಈಜಾಡಲು ಹೋಗಿದ್ದ 12 ವರ್ಷದ ಬಾಲಕ ಸಾವು!
