ಉಡುಪಿ : ಉಡುಪಿಯ ಮಣಿಪಾಲದಲ್ಲಿ ಇತ್ತೀಚೆಗೆ ಮತ್ತೆ ಪಬ್ ಕಲ್ಚರ್ ಹೆಚ್ಚಾಗಿದೆ ಎನ್ನುವ ಆರೋಪ ಕೇಳಿಬಂದಿದೆ. ವೀಕೆಂಡ್ ಮಸ್ತಿ ಹೆಸರಲ್ಲಿ ಕಡಲನಗರಿಯಲ್ಲಿ ದಾಂಧಲೆ ನಡೆಯುತ್ತಿದ್ದು, ಇದೀಗ ಎಣ್ಣೆ ಪಾರ್ಟಿ ಬಳಿಕ ಎರಡು ಗ್ಯಾಂಗ್ ನಡುರಸ್ತೆಯಲ್ಲಿ ಹೊಡೆದಾಡಿಕೊಂಡ ಘಟನೆ ಬೆಳಕಿಗೆ ಬಂದಿದೆ.
ಹೌದು.. ಸೈಲೆಂಟ್ ಆಗಿದ್ದ ಮಣಿಪಾಲದಲ್ಲಿ ಪುಂಡರು ಬಾಲಬಿಚ್ಚಿದ್ದು, ಇಲ್ಲಿನ ಹೆಸರಾಂತ ಡೌನ್ ಟೌನ್ ಪಬ್ನಲ್ಲಿ ಪಾರ್ಟಿ ಮುಗಿಸಿ ಹೊರಬಂದ ಎರಡು ಯುವಕರ ಗುಂಪುಗಳು ನಡುರಸ್ತೆಯಲ್ಲಿಯೇ ಮಾರಾಮಾರಿಗಿಳಿದಿವೆ. ಹೊಡೆದಾಟದ ವೇಳೆ ಗ್ಯಾಂಗ್ ಓರ್ವ ಯುವಕನಿಗೆ ರಕ್ತ ಬರುವಂತೆ ಥಳಿಸಿದ್ದು, ಸದ್ಯ ಮಾರಾಮಾರಿಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಈ ಮೂಲಕ ಮಣಿಪಾಲದಲ್ಲಿ ಮತ್ತೆ ಪಬ್ ಕಲ್ಚರ್ ಹೆಚ್ಚಾಗಿದೆ ಎಂಬ ಆರೋಪ ಕೇಳಿಬಂದಿದ್ದು, ನಗರದಲ್ಲಿನ ಪಬ್ ಸಂಸ್ಕೃತಿ ವಿರುದ್ಧ ಸಾರ್ವಜನಿಕರು ಆಕ್ರೋಶ ಹೊರಹಾಕಿದ್ದಾರೆ. ಈ ಸಂಬಂಧ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ : ಟಿ20 ವಿಶ್ವಕಪ್ಗೆ ಡೇಟ್ ಫಿಕ್ಸ್ | ಪಂದ್ಯಗಳು ನಡೆಯುವುದು ಎಲ್ಲೆಲ್ಲಿ, ಬೆಂಗಳೂರಲ್ಲೂ ಮ್ಯಾಚ್ ಇವೆಯಾ?
