ಬೆಂಗಳೂರಂತಹ ಸಿಟಿಗಳಲ್ಲಿ ಗಂಡ ಹೆಂಡತಿ ಇಬ್ಬರೂ ಕೂಡ ಆಚೆ ಹೋಗಿ ದುಡಿಯುವುದರಿಂದ ಮನೆ ಕೆಲಸ ಮಾಡಲು ಅವರಿಗೆ ಟೈಮ್ ಸಿಗುವುದಿಲ್ಲ. ಹೀಗಾಗಿ ಕೆಲವರು ಮನೆ ಕೆಲಸದವರ ಮೇಲೆಯೇ ಹೆಚ್ಚು ಅವಲಂಬನೆಯಾಗಿರುತ್ತಾರೆ. ಇನ್ನು ಕೆಲವರು ಮನೆ ಕೆಲಸದವರು ಮನೆಯಲ್ಲಿ ಸರಿಯಾಗಿ ಕೆಲಸ ಮಾಡಲ್ಲ ಕಳ್ಳತನ ಮಾಡ್ತಾರೆ. ಏನೇನೋ ಆಗಿ ಬಿಡುತ್ತದೆ ಎಂದು ಅವರ ಮೇಲೆ ನಂಬಿಕೆ ಇಡುವುದಿಲ್ಲ. ಹೀಗಾಗಿ ಇತ್ತೀಚೆಗೆ ಹಲವರು ರೋಬೋಟ್ ಮೊರೆ ಹೋಗುತ್ತಿದ್ದಾರೆ. ಹೀಗಾಗಿ ಸಿಲಿಕಾನ್ ಸಿಟಿಯಲ್ಲಿ ರೋಬೋಟ್ ಹೆಚ್ಚಾಗುತ್ತಿವೆ.
ಹೀಗಾಗಿ ಬೆಂಗಳೂರಿನಲ್ಲಿ ಮನೆ ಕೆಲಸದವರು ಬೆಟರಾ? ಅಥವಾ ರೋಬೋಟ್ ಬೆಟರಾ? ಅಂತ ಕೇಳಿದರೆ, ರೋಬೋಟ್ ಕಡೆ ಹೆಚ್ಚು ಒಲವನ್ನು ತೋರಿಸುತ್ತಿದ್ದಾರೆ.. ಯಾಕಂದ್ರೆ ರೋಬೋಟ್ ಊಟ ಸೇವಿಸುವುದಿಲ್ಲ. ಅದಕ್ಕೆ ಯಾವುದೇ ಇನ್ ಕ್ರಿಮೆಂಟ್ ಬೇಕಿಲ್ಲ. ಸ್ಯಾಲರಿ ಬೇಕಿಲ್ಲ. ಒಂದು ಬಾರಿ ಅದನ್ನ ಪರ್ಚೆಸ್ ಮಾಡಿ ಚಾರ್ಜ್ ಮಾಡಿದರೆ ಸಾಕು, ಅದು ಮನೆ ಕೆಲಸವನ್ನು ಸರಿಯಾಗಿ ನಿಭಾಯಿಸುತ್ತದೆ ಎಂದು ಸಿಟಿ ಮಂದಿ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.
ಹೆಬ್ಬಾಳ ನಿವಾಸಿ 35 ವರ್ಷದ ಮನೀಷಾ ರಾಯ್ ತನ್ನ ಮನೆಕೆಲಸದಾಕೆಯ ಬದಲಿಗೆ ರೋಬೋಟ್ ಖರೀದಿಸಿರುವ ಬಗ್ಗೆ ಖುಷಿ ವ್ಯಕ್ತಪಡಿಸುತ್ತಿದ್ದಾರೆ. ರೋಬೋಟ್ ಸ್ವಯಂಚಾಲಿತ ಸಾಧನವಾಗಿದ್ದು, ಬಳಕೆದಾರರು ನೀಡಿರುವ ನಿರ್ದೇಶನಗಳನ್ನು ಅನುಸರಿಸಬೇಕು, ಅಗತ್ಯವಿರುವ ಪದಾರ್ಥಗಳನ್ನು ಸೇರಿಸಬೇಕು ಹಾಗೂ ಸೂಕ್ತವಾದ ಸೆಟ್ಟಿಂಗ್‌ಗಳನ್ನು ಆಯ್ಕೆ ಮಾಡಬೇಕಾಗುತ್ತದೆ. ಈ ಯಂತ್ರವು ಉಳಿದ ಪ್ರಕ್ರಿಯೆಯನ್ನು ಸ್ವತಂತ್ರವಾಗಿ ನಿರ್ವಹಿಸುತ್ತದೆ ಎಂದಿದ್ದಾರೆ. ಅಡುಗೆ ಮಾಡುವಾಗ ನಾನು ಮನೆಕೆಲಸಗಳನ್ನು ಮಾಡುತ್ತೇನೆ, ಆಹಾರವೂ ಸುಟ್ಟು ಹೋಗುವುದಿಲ್ಲ ಎನ್ನುವುದರ ಖತರಿ ಇದೆ ಎನ್ನುತ್ತಾರೆ. ಈ ಮನೀಷಾ ರೋಬೋಟ್ ನಿರ್ವಹಿಸಲು ಮೊಬೈಲ್ ಅಪ್ಲಿಕೇಶನ್ ಬಳಸುತ್ತಾರೆ. ರೋಬೋಟ್ ಬಳಕೆಯಿಲ್ಲದೇ ಮನೆಯ ಕೆಲಸವನ್ನು ಸುಲಭವಾಗಿ ಮಾಡಿ ಮುಗಿಸಲು ಸುಲಭವಂತೆ.
