ಗಜಿನಿ’ ಸಿನಿಮಾ ದಕ್ಷಿಣ ಭಾರತದಲ್ಲಿ ಭಾರೀ ಯಶಸ್ಸು ಕಂಡ ಚಿತ್ರ. ಕ್ರಿಸ್ಟೊಫರ್ ನೋಲನ್ ನಿರ್ದೇಶನದ ‘ಮುಮೆಂಟೊ’ ಸಿನಿಮಾದ ಕತೆ ಹಿಡಿದುಕೊಂಡು ಎತ್ತಿ, ಅದಕ್ಕೆ ಕ್ಯೂಟ್ ಲವ್ ಸ್ಟೋರಿ ಸೇರಿಸಿ ಮುರುಗದಾಸ್ ಕಟ್ಟಿಕೊಟ್ಟಿದ್ದ ‘ಗಜಿನಿ’ ಸಿನಿಮಾ ದೊಡ್ಡ ಹೆಸರು ಮಾಡಿತ್ತು.
ಸಿನಿಮಾ ಸೂಪರ್ ಹಿಟ್ ಆದ ನಂತರ ಬಳಿಕ ಅದೇ ಕತೆಯನ್ನು ಹಿಂದಿಯಲ್ಲಿ ಆಮಿರ್ ಖಾನ್ಗಾಗಿ ನಿರ್ದೇಶನ ಮಾಡಿದ್ದರು. ಅಮೀರ್ ಖಾನ್ ನಟನೆಯ ಚಿತ್ರವೂ ಹಿಟ್ ಆಗಿತ್ತು. ಹೀಗಾಗಿ ಗಜನಿ 2ಗೆ ಜೀವ ಬಂದಂತಾಗಿದೆ. ಈಗ ಎರಡೂ ಭಾಷೆಗಳಲ್ಲಿ ಏಕಾಕಾಲದಲ್ಲಿ ಚಿತ್ರೀಕರಣ ಮಾಡಲು ತಂಡ ಮುಂದಾಗಿದೆ.
ಗಜಿನಿ 2’ ಸಿನಿಮಾ ಬಗ್ಗೆ ಸ್ವತಃ ನಟ ಸೂರ್ಯ ಹೇಳಿದ್ದು, ಪಿಂಕ್ ವಿಲ್ಲಾ ಜೊತೆ ಈ ವಿಷಯ ಹಂಚಿಕೊಂಡಿದ್ದಾರೆ. ನಿರ್ಮಾಪಕ ಅಲ್ಲು ಅರವಿಂದ್, ‘ಗಜಿನಿ 2’ ಸಿನಿಮಾದಲ್ಲಿ ನಟಿಸಲು ಸಾಧ್ಯವೇ ಎಂದು ಕೇಳಿದರು. ನಾನು ಖಂಡಿತ ನಟಿಸುತ್ತೇನೆ ಎಂದು ಹೇಳಿದ್ದೇನೆ. ಮಾತುಕತೆ ಆರಂಭವಾಗಿದೆ ಎಂದಿದ್ದಾರೆ.
‘ಗಜಿನಿ’ ತಮಿಳು ಸಿನಿಮಾವನ್ನು ಸಲೀಂ ಚಂದ್ರಶೇಖರ್ ನಿರ್ಮಾಣ ಮಾಡಿದ್ದರು. ಅದೇ ಸಿನಿಮಾದ ಹಿಂದಿ ರೀಮೇಕ್ ಅನ್ನು ಅಲ್ಲು ಅರ್ಜುನ್ ತಂದೆ ಅಲ್ಲು ಅರವಿಂದ್ ತಮ್ಮ ಗೀತಾ ಆರ್ಟ್ಸ್ ನಿರ್ಮಾಣ ಸಂಸ್ಥೆ ಮೂಲಕ ನಿರ್ಮಿಸಿದ್ದರು. ಈಗ ಮತ್ತೆ ಅಲ್ಲು ಅರವಿಂದ್ ಅವರೇ ‘ಗಜಿನಿ 2’ ಸಿನಿಮಾ ನಿರ್ಮಾಣಕ್ಕೆ ಮುಂದಾಗಿದ್ದಾರೆ.ಇನ್ನು ಹಿಂದಿಯಲ್ಲಿ ಅಮೀರ್ ಓಕೆ ಅಂದಿದ್ದಾರೆ ಎನ್ನಲಾಗಿದೆ. ಹೀಗಾಗಿ ಮುಂದಿನ ವರ್ಷದ ಅಂತ್ಯದ ವೇಳೆಗೆ ಸಿನಿಮಾ ಪ್ರಾರಂಭ ಆಗುವ ಸಾಧ್ಯತೆ ಇದೆ.
