ಬೆಂಗಳೂರು: ಅವರಿಬ್ಬರೂ ಒಂದಿಡೀ ತಲೆ ಮಾರು ನೋಡಿ ಆನಂದಿಸಿರುವಂತಹ ನಟರು. ಬಣ್ಣದ ಲೋಕಕ್ಕೆ 80ರ ದಶಕದಲ್ಲಿ ಲಗ್ಗೆಯಿಟ್ಟ ಈ ಇಬ್ಬರು ಮುಂದೆ ಬಾಲಿವುಡ್ ನ ಸಾಮ್ರಾಟರಾಗಿ ಮೆರೆದದ್ದು ಸುಳ್ಳಲ್ಲ.
ಹೌದು, ಸಲ್ಮಾನ್ ಖಾನ್, ಶಾರುಖ್ ಖಾನ್ ಇಬ್ಬರು ಖಾನ್ ದ್ವಯರ ಮೋಡಿ ಇಂದಿಗೂ ನಳನಳಿಸುತ್ತಿದೆ. ಈ ಇಬ್ಬರು ಮನರಂಜನೆ ದುನಿಯಾದಲ್ಲಿ ಒಬ್ಬರಿಗೊಬ್ಬರು ಪೈಪೋಟಿಗೆ ಬಿದ್ದವರೇ. ಆದರೆ, ಈ ಇಬ್ಬರು ಬಣ್ಣದ ಲೋಕದಿಂದ ಗಳಸಿದ್ದೆಷ್ಟು ಎಷ್ಟಕ್ಕೆ ಬಾಳುತ್ತಾರೆ ಗೊತ್ತಾ ಎನ್ನುವುದರ ಬಗ್ಗೆ ನಾವು ಇವತ್ತು ಉತ್ತರ ನೀಡುತ್ತಿದ್ದೇವೆ.
2900 ಕೋಟಿ ಸಂಪತ್ತಿನ ಒಡೆಯ ಸಲ್ಮಾನ್ ಖಾನ್
ಅಚ್ಚರಿಯಾದರೂ ಇದು ಸತ್ಯ. ಇಂದಿಗೂ ಬಾಲಿವುಡ್ ನ ಮೋಸ್ಟ್ ಎಲಿಜಬಲ್ ಬ್ಯಾಚುಲರ್ ಅಂತಲೇ ಕರೆಯಿಸಿಕೊಳ್ಳುವ ಸಲ್ಮಾನ್ ಇವತ್ತಿಗೆ ಬರೋಬ್ಬರಿ 2900 ಕೋಟಿ ರೂ. ಸಂಪತ್ತಿನ ಸಾಮ್ರಾಟ ಎನ್ನುವುದು ಸತ್ಯ. ಸಿನಿಮಾ, ಹೂಡಿಕೆ, ಜಾಹಿರಾತುಗಳಿಂದ ಸಲ್ಮಾನ್ ದುಡಿಯೋ ಸಂಪತ್ತು ಇವತ್ತು ಆತನನ್ನ ಬಾಲಿವುಡ್ ನ ಲಕ್ಷ್ಮೀ ಪುತ್ರನನ್ನಾಗಿಸಿದೆ.
ಸಲ್ಮಾನ್ ಸಂಪತ್ತಿನ ಕೋಟೆಯೊಳಗೆ ಇರೋದೇನು
ಸಲ್ಮಾನ್ ಒಂದು ಸಿನಿಮಾಗೆ 100 ರಿಂದ 150 ಕೋಟಿ ರೂ. ಸಂಭಾವನೆ ಪಡೆಯುತ್ತಾರೆ. ಅಷ್ಟೇ ಅಲ್ಲಾ ಬೀಯಿಂಗ್ ಹ್ಯೂಮನ್ ಅನ್ನೋ ಬ್ರಾಂಡೆಡ್ ಸಿದ್ಧ ಉಡುಪಿನ ಕಂಪನಿ ಹೊಂದಿದ್ದಾರೆ. 2013ರಲ್ಲಿ ಆರಂಭವಾದ ಈ ಕಂಪನಿ ಇವತ್ತು ಫ್ಯಾಷನ್ ಜಗತ್ತಿನಲ್ಲಿ ತನ್ನದೇ ಇಮೇಜ್ ಹೊಂದಿದೆ. ಮಸಲ್ ಮ್ಯಾನ್ ಅಂತಲೇ ಕರೆಸಿಕೊಳ್ಳುವ ಸಲ್ಮಾನ್ ತಮ್ಮದೇ ಆದ ಫಿಟ್ನೆಸ್ ಉಪಕರಣಗಳ ಕಂಪನಿ ಬಿಯಿಂಗ್ ಫಿಟ್ ಕಂಪನಿ ಮಾಲೀಕರಾಗಿದ್ದಾರೆ.
ಇದೇ ಹೆಸರಿನಲ್ಲಿ ದೇಶದ 300ಕ್ಕೂ ಅಧಿಕ ಪ್ರದೇಶಗಳಲ್ಲಿ ಸಲ್ಮಾನ್ ಜಿಮ್ ಗಳನ್ನು ಹೊಂದಿದ್ದಾರೆ. ಇನ್ನು ಸಲ್ಮಾನ್ ಬಳಿ 90 ಲಕ್ಷದಿಂದ 1.26, 1.41 ಕೋಟಿ ಬೆಲೆ ಬಾಳುವ ಐಷಾರಾಮಿ ಕಾರುಗಳ ಕಲೆಕ್ಷನ್ ಇದೆ. ಉಳಿದಂತೆ ಸಲ್ಮಾನ್ ರಿಯಲ್ ಎಸ್ಟೇಟ್ ನಲ್ಲೂ ಬಂಡವಾಳ ಹೂಡಿದ್ದಾರೆ. ಪನ್ವೇಲ್ ನಲ್ಲಿ ತಂಗಿ ಅರ್ಪಿತ ಹೆಸರಲ್ಲಿರುವ 150 ಎಕರೆ ಫಾರ್ಮ್ ಹೌಸ್ ವಿಶಿಷ್ಠವಾಗಿದೆ. ಇಲ್ಲಿ ವಿದೇಶದ ದುಬಾರಿ ಕುದುರೆಗಳನ್ನೂ ಸಾಕಲಾಗುತ್ತಿದೆ. ಮುಂಬೈನ ಬಾಂದ್ರಾದಲ್ಲಿರುವ ಗೆಲಾಕ್ಸಿ ಅಪಾರ್ಟ್ ಮೆಂಟ್ ಬೆಲೆಯೂ ನೂರರಿಂದ 150 ಕೋಟಿ ಬಾಳುತ್ತದೆ. ಅಷ್ಟೇ ಅಲ್ಲಾ ಮುಂಬೈನಲ್ಲೇ ಸಲ್ಮಾನ್ ಮತ್ತೊಂದು ಬೀಚ್ ಹೌಸ್ ಹೊಂದಿದ್ದು ಅದರ ಬೆಲೆಯೂ 100 ಕೋಟಿ ಮೀರುತ್ತದೆ. ಉಳಿದಂತೆ ದುಬೈನ ಫಾರ್ಮ್ ಫೆಸಿಪಿಕ್ ನಲ್ಲೂ ಕೋಟ್ಯಂತರ ಮೌಲ್ಯದ ಮನೆ ಹೊಂದಿದ್ದಾರೆ ಸಲ್ಮಾನ್. ಇದರೊಟ್ಟಿಗೆ ತಮ್ಮದೇ ಆದ ಚಿತ್ರ ನಿರ್ಮಾಣ ಸಂಸ್ಥೆಯನ್ನೂ ಭಾಯಿಜಾನ್ ಹೊಂದಿದ್ದಾರೆ.
ಸಂಪತ್ತಿನ ಸಾಮ್ರಾಟ ಕಿಂಗ್ ಖಾನ್ ಶಾರುಖ್
ಸಲ್ಮಾನ್ ನನ್ನೂ ಮೀರಿಸಿ ಬೆಳೆದು ನಿಂತಿದೆ ಶಾರುಖ್ ಸಂಪತ್ತಿನ ಸಾಮ್ರಾಜ್ಯ. 9.500 ಕೋಟಿ ರೂ.ಗೂ ಹೆಚ್ಚಿನ ಆಸ್ತಿ ಹೊಂದಿರುವ ಶಾರುಖ್ ಭಾರತದ ಅತ್ಯಂತ ಶ್ರೀಮಂತ ನಟ ಎಂಬ ಖ್ಯಾತಿಗೆ ಪಾತ್ರರಾದವರು. ಶಾರುಖ್ ರ ಆಸ್ತಿಯ ದೊಡ್ಡ ಪಾಲು ಅಡಗಿರೋದು ಐಪಿಎಲ್ ನ ಕೊಲ್ಕತ್ತಾ ನೈಟ್ ರೈಡರ್ಸ್ ತಂಡದಲ್ಲಿ. ಉಳಿದಂತೆ ಚಿತ್ರ ನಿರ್ಮಾಣ ಸಂಸ್ಥೆ ರೆಡ್ ಚಿಲ್ಲೀಸ್ ನಲ್ಲೂ ಶಾರುಖ್ ದೊಡ್ಡ ಪಾಲು ಹೊಂದಿದ್ದಾರೆ. ಈ ಸಂಸ್ಥೆಯಲ್ಲಿ 500ಕ್ಕೂ ಹೆಚ್ಚು ಸಿಬ್ಬಂದಿ ಕಾರ್ಯ ನಿರ್ವಹಿಸ್ತಿದ್ದಾರೆ.
ರಿಯಲ್ ಎಸ್ಟೇಟ್ ನಲ್ಲಿ ಬಾದ್ ಶಾ ಸಿಂಹಪಾಲು
ಮನೆ, ಭೂಮಿ ಮೇಲೆ ದೊಡ್ಡ ಹೂಡಿಕೆ ಮಾಡಿರುವ ಶಾರುಖ್ ದೇಶ ವಿದೇಶಗಳಲ್ಲಿ ತಮ್ಮ ಸಂಪತ್ತಿನ ಸಾಮ್ರಾಜ್ಯ ವಿಸ್ತರಿಸಿದ್ದಾರೆ. ಮುಂಬೈನ ಬಾಂದ್ರಾದಲ್ಲಿರುವ ಮನ್ನತ್ ನಿವಾಸ. ಲಂಡನ್ ನ ಪ್ರತಿಷ್ಠಿತ ಪಾರ್ಕ್ ಲೈನ್ ನಲ್ಲಿ ಅಪಾರ್ಟ್ ಮೆಂಟ್, ಲಂಡನ್ ನಲ್ಲೊಂದು ವೆಕೇಷನ್ ಹೋಂ, ಅಮೆರಿಕದಲ್ಲೊಂದು ಐಷಾರಾಮಿ ವಿಲ್ಲಾ, ದೆಹಲಿಯಲ್ಲೊಂದು ಮನೆ, ಮುಂಬೈನ ಅಲಿಬಾಗ್ ನಲ್ಲಿ ಫಾರ್ಮ್ ಹೌಸ್, ದುಬೈ ನಲ್ಲೊಂದು ಬಂಗಲೆ ಹೊಂದಿದ್ದಾರೆ ಶಾರುಖ್.
ಐಷಾರಾಮಿ ಕಾರುಗಳ ಒಡೆಯ ಪಠಾಣ್
ಶಾರುಖ್ ಬತ್ತಳಿಕೆಯಲ್ಲಿ ಕೋಟಿ ಕೋಟಿ ಬೆಲೆಯ ಐಷಾರಾಮಿ ಕಾರುಗಳಿವೆ. ಅದರಲ್ಲೂ 9.5 ಕೋಟಿಯ ರೋಲ್ಸ್ ರಾಯ್ಸ್, 3.29 ಕೋಟಿಯ ಬೆಂಟ್ಲೆ ಕಾರುಗಳು ಪಠಾಣ್ ನ ಕಲೆಕ್ಷನ್ ನಲ್ಲಿವೆ. ಒಟ್ಟಿನಲ್ಲಿ ಜಿದ್ದಿಗೆ ಬಿದ್ದವರಂತೆ ಶಾರುಖ್ ಮತ್ತು ಸಲ್ಮಾನ್ ತಮ್ಮದೇ ಆದ ಸಂಪತ್ತಿನ ಕೋಟೆಯಗಳನ್ನೇ ಕಟ್ಟಿಕೊಂಡಿದ್ದಾರೆ.
