ಪನ್ನೀರ್ ಇಲ್ಲದ್ದಕ್ಕೆ ಮದುವೆ ಮನೆಯಲ್ಲಿ ರಾದ್ಧಾಂತ!

ಮದುವೆ ಅಡುಗೆಯಲ್ಲಿ ಪನ್ನೀರ್ ಖಾದ್ಯ ಇಲ್ಲದ್ದಕ್ಕೆ ಗಂಡಿನ ಕಡೆಯವರು ರೊಚ್ಚಿಗೆದ್ದ ಘಟನೆ ನಡೆದಿದೆ.

ಉತ್ತರ ಪ್ರದೇಶದ ಚಾಂಡೋಲಿ ಜಿಲ್ಲೆಯಲ್ಲಿ ವಿವಾಹ ನಿಗದಿಯಾಗಿತ್ತು. ಗಂಡಿನ ಕಡೆಯವರೊಟ್ಟಿಗೆ ಹಾಜರಾಗಿದ್ದ ಓರ್ವ, ಮಂಟಪಕ್ಕೆ ಬರುತ್ತಿದ್ದಂತೆ ಊಟಕ್ಕೆ ಮುಂದಾಗಿದ್ದಾನೆ. ಅಷ್ಟೇ, ಖಾದ್ಯಗಳ ಪಟ್ಟಿಯಲ್ಲಿ ಪನ್ನೀರ್ ಇಲ್ಲದ್ದನ್ನು ಗಮನಿಸಿದ ಧರ್ಮೇಂದ್ರ ಯಾದವ್ ಗರಂ ಆಗಿದ್ದಾನೆ. ಅಷ್ಟೇ ಅಲ್ಲಾ ದಿಬ್ಬಣ ಬಂದಿದ್ದ ಟೆಂಪೋವನ್ನೇ ನೇರ ಮದುವೆ ಮಂಟಪಕ್ಕೆ ನುಗ್ಗಿಸಿದ್ದಾನೆ.

ಈ ದುರ್ಘಟನೆಯಲ್ಲಿ ಮೂವರಿಗೆ ಗಾಯಗಳಾಗಿದ್ದು, 3 ಲಕ್ಷ ಮೌಲ್ಯದ ಹಾನಿ ಸಂಭವಿಸಿದೆ. ಗಂಡಿನ ಕಡೆಯವನ ಈ ವರ್ತನೆ ವಿರುದ್ಧ ಸಿಡಿದೆದ್ದ ವಧುವಿನ ಸಂಬಂಧಿಕರು, ಟೆಂಪೋ ನುಗ್ಗಿಸಿದವನ ವಿರುದ್ಧ ಎಫ್ ಐಆರ್ ಆಗುವವರೆಗೂ ತಾಳಿ ಕಟ್ಟಲು ಬಿಡುವುದಿಲ್ಲ ಅಂತಾ ಪಟ್ಟು ಹಿಡಿದಿದ್ದರು. ಅಂತಿಮವಾಗಿ ರಾತ್ರಿ 12ಕ್ಕೆ ಕೇಸ್ ದಾಖಲಾಗಿ ಮರುದಿನ ಹೊಸ ಮುಹೂರ್ತದಲ್ಲಿ ರಾಜನಾಥ್ ಯಾದವ್ ಸಪ್ತಪದಿ ತುಳಿದಿದ್ದಾರೆ.

ಬಂಧು ಮಿತ್ರರೇ ನಮಸ್ತೇ,

ನಿಖರ, ಪ್ರಖರ, ಸ್ಪಷ್ಟ ಹಾಗೂ ವಸ್ತುನಿಷ್ಠ ಸುದ್ದಿ ನೀಡುವ ಭರವಸೆಯೊಂದಿಗೆ ನಮ್ಮ “ಕರ್ನಾಟಕ ನ್ಯೂಸ್ ಬೀಟ್” ಸುದ್ದಿ ಮಾಧ್ಯಮವನ್ನು ಚಾಲ್ತಿಗೆ ತಂದಿದ್ದೇವೆ. ಜಿಲ್ಲಾ ಸುದ್ದಿ, ಪ್ರಸ್ತುತ ಸುದ್ದಿ, ವಿಶೇಷ ಅಂಕಣ, ಧರ್ಮ, ಸನಾತನ, ರಾಜಕೀಯ, ಸಿನಿಮಾ, ಅಪರಾಧ, ಕ್ರೀಡೆ, ಆರೋಗ್ಯ, ಆಹಾರ, ತಂತ್ರಜ್ಞಾನ, ಕೃಷಿ, ಪರಿಸರ, ಸಾಹಿತ್ಯ, ವಾಣಿಜ್ಯ, ಜ್ಯೋತಿಷ್ಯ, ಪುರಾಣ, ಇತಿಹಾಸ ಸೇರಿದಂತೆ ಈ ಸಮಾಜದ ಪ್ರತಿ ವಿಭಾಗದಲ್ಲೂ ನಾವು ಕಣ್ಣಿಡುತ್ತಾ, ಅಲ್ಲಿನ ಆಗು-ಹೋಗುಗಳನ್ನು ನಿರಂತರವಾಗಿ ನಿಮ್ಮ ಮುಂದೆ ತೆರೆದಿಡುತ್ತಾ ಸಾಗುತ್ತೇವೆ. ಒಟ್ಟಿನಲ್ಲಿ, ಬರವಣಿಗೆಯಲ್ಲೇ ಭಗವಂತನನ್ನ ಕಾಣುತ್ತಿರುವ, ಸದೃಢ ತಂಡದೊಂದಿಗೆ, ಕರ್ನಾಟಕ ನ್ಯೂಸ್ ಬೀಟ್ ಸುದ್ದಿ ಮಾಧ್ಯಮವು, ವಿಶೇಷವಾಗಿ ಸುದ್ದಿ, ವರದಿ, ಅಂಕಣ, ಚಿತ್ರಣಗಳನ್ನು ಹೊತ್ತು ತರುತ್ತಾ, ಸದಾ ನಿಮ್ಮೊಂದಿಗೆ ಬೆಸೆದುಕೊಂಡಿರಲಿದೆ.