ಬೆಂಗಳೂರು: ಕಮಿಷನ್ ವಿಚಾರ ಬಿಜೆಪಿ ಹಾಗೂ ಕಾಂಗ್ರೆಸ್ ಮಧ್ಯೆ ಹಾದಿ- ಬೀದಿ ಜಗಳಕ್ಕೆ ಕಾರಣವಾಗುತ್ತಿದೆ. ಬಿಜೆಪಿ ಸರ್ಕಾರದ ಅವಧಿಯ 40% ಕಮಿಷನ್ ಆರೋಪದ ಬಗ್ಗೆ ನ್ಯಾ.ನಾಗಮೋಹನ್ ದಾಸ್ ವರದಿ ಕೊಟ್ಟ ನಂತರ ಈಗ ಈ ಆರೋಪ- ಪ್ರತ್ಯಾರೋಪ ಮತ್ತೆ ಜೋರು ಪಡೆಯುತ್ತಿದೆ.
ಕಾಂಗ್ರೆಸ್ ಸರ್ಕಾರದ ವಿರುದ್ಧ ಬಿಜೆಪಿ 60% ಕಮಿಷನ್ ಆರೋಪದ ಪೋಸ್ಟರ್ ವಿಡಿಯೋ ಬಿಡುಗಡೆ ಮಾಡಿದೆ. ಎಐ ತಂತ್ರಜ್ಞಾನ ಬಳಸಿ ಸಿಎಂ ಸಿದ್ದರಾಮಯ್ಯ ಸ್ಕೆಚ್ ಇರುವ Just Loot it flat 60% ಕಮಿಷನ್ ಎಂಬ ಪೋಸ್ಟರ್ ವಿಡಿಯೋವನ್ನು ಬಿಡುಗಡೆ ಮಾಡಿದೆ.
ಇದನ್ನು ಎಕ್ಸ್ ಖಾತೆ ಮೂಲಕ ಹಂಚಿಕೊಂಡು, 60% ಕಮಿಷನ್ ಆರೋಪ ಮಾಡಿದ್ದು, 40% ಕಮಿಷನ್ ಆರೋಪದ ಆಯೋಗದ ವರದಿಗೆ ತಿರುಗೇಟು ಕೊಟ್ಟಿದೆ. ಆಲ್ ಡೇ. ಆಲ್ ನೈಟ್.. ಜಸ್ಟ್ ಲೂಟ್ ಇಟ್ ಎಂದು ಸ್ಲೋಗನ್ ಕೂಡ ಹಾಕಿದೆ.
