ಆಪರೇಷನ್ ಸಿಂಧೂರದ ಪೆಟ್ಟಿಗೆ ಕಂಗಾಲಾದ ಪಾಕಿಸ್ತಾನ: ಭಾರತದ ಆರ್ಭಟಕ್ಕೆ ಬೀದಿಗೆ ಬಂತಾ ಬಿಕಾರಿ ದೇಶ

ಉಗ್ರರಿಗೆ ಬಿರಿಯಾನಿ ತಿನ್ನಿಸಿ ಸಲುಹಿದ ಪಾಪಕ್ಕೆ ಪಾಕಿಸ್ತಾನ ಹೇಳೆ ಹೆಸರಿಲ್ಲದಂತೆ ಬೀದಿಗೆ ಬಂದಿದೆ. ಮೊದಲೇ ಆರ್ಥಿಕವಾಗಿ ಕೇರ್ ಆಫ್ ಫುಟ್ ಪಾತ್ ಆಗಿರುವ ದೇಶ ಅಪರೇಷನ್ ಸಿಂಧೂರ್ ನೀಡಿದ ಹೊಡೆತಕ್ಕೆ ನಿಜಕ್ಕೂ ಭಿಕ್ಷುಕನಾಗಿಬಿಟ್ಟಿದೆ. ಇದ್ದ ಚೂರುಪಾರು ಮರ್ಯಾದೆ ಮೂರ್ಕಾಸಿಗೆ ಹರಾಜಾಗಿದ್ರೆ, ದೇಶದ ಖಜಾನೆಯಲ್ಲಿ ರಣಹದ್ದುಗಳು ಬಂದು ಕೂತಿವೆ. ಹೌದು, ಭಾರತದ ಆಪರೇಷನ್ ಸಿಂಧೂರದ ಆರ್ಭಟಕ್ಕೆ ಪಾಕ್ ಅನುಭವಿಸಿದ ನಷ್ಟದ ಗಣಿತವೀಗ ಬಯಲಾಗಿದೆ.

ಪಾಕಿಸ್ತಾನ ವಾಯುಪಡೆಗೆ ನಷ್ಟವಾಗಿದ್ದು ಎಷ್ಟು…?
ಹಾಗೆ ನೋಡಿದರೆ, ಪಾಕಿಸ್ತಾನ ವಾಯುಪಡೆ ಭಾರತದ ವಿರುದ್ಧದ ಸಮರಕ್ಕೆ ದೊಡ್ಡ ಕಸರತ್ತನ್ನೇ ಮಾಡಿರುವುದು ಈಗ ಬೆಳಕಿಗೆ ಬಂದಿದೆ. ಅದರಲ್ಲೂ ಹಿಂದೂಸ್ತಾನದ ಸೇನಾ ಶಕ್ತಿಯನ್ನು ಅರಿಯುವ ನಿಟ್ಟಿನಲ್ಲಿ ಸಂಗ್ರಹಿಸಿದ ಡಾಟಾ, ಅನ್ಯ ರಾಷ್ಟ್ರಗಳಿಂದ ಪಡೆದ ಉಪಗ್ರಹ ಆಧರಿತ ಚಿತ್ರಗಳು, ಎದುರಾಳಿಯನ್ನು ಎದುರುಸೋದು ಹೇಗೆ ಅನ್ನೋ ಸಲಹೆಗಳನ್ನು ಪಡೆಯಲೆಂದೇ ಪಾಕಿಸ್ತಾನ 2025ರ ಏಪ್ರಿಲ್-ಮೇ ನಲ್ಲಿ ಬರೋಬ್ಬರಿ 3.36 ಬಿಲಿಯನ್ ಡಾಲರ್ ಖರ್ಚು ಮಾಡಿದೆ. ಇನ್ನು ಭಾರತದ ತಿರುಗೇಟಿಗೆ ಪಾಕ್ ವಾಯು ಸೇನೆ ತನ್ನ ಬತ್ತಳಿಕೆಯಲ್ಲಿದ್ದ ಅಪಾರ ಶಸ್ತ್ರಗಳನ್ನು ಕಳೆದುಕೊಂಡಿದೆ ಈ ಗಣಿತವನ್ನು ಗಮನಿಸಿದರೆ, ನಾಲ್ಕು ಎಫ್ 16 ಬ್ಲಾಕ್ 52ಡಿ ಯುದ್ಧ ವಿಮಾನಗಳು ಸುಟ್ಟು ಕರಕಾಲಾಗಿದೆ. ಹಾಗಂತಾ ಇಂಥಾ ಒಂದು ಯುದ್ಧ ವಿಮಾನದ ಬೆಲೆ 87.38 ಬಿಲಿಯನ್ ಡಾಲರ್. ಇದರ ಒಟ್ಟು ಮೌಲ್ಯ 349.52 ಮಿಲಿಯನ್ ಡಾಲರ್ ಆಗುತ್ತೆ. ಇನ್ನು 93 ಮಿಲಿಯನ್ ಡಾಲರ್ ನ ಒಂದು ಸಾಬ್-2000 ವಿಮಾನ, 35 ಮಿಲಿಯನ್ ನ ಐಎಲ್ 78 ವಿಮಾನ ಧೂಳೀಪಟವಾಗಿದೆ. ಉಳಿದಂತೆ, ಎರಡು ಸಿಎಂ-400 ಎಕೆಜಿ ಕ್ಷಿಪಣಿ ಮತ್ತು ಎರಡು ಶಾಹೀನ್ ಸರಣಿ ಕ್ಷಿಪಣಿಗಳು ಧ್ವಂಸವಾಗಿವೆ. ಇದರ ಮೌಲ್ಯ ಕ್ರಮವಾಗಿ 3.2 , ಹಾಗೂ 8 ಮಿಲಿಯನ್ ಡಾಲರ್ ದಾಟುತ್ತೆ. ಇದರೊಟ್ಟಿಗೆ ಆರು ಟಿಬಿ2 ಡ್ರೋನ್ ಗಳ ಬೆಲೆ 36 ಮಿಲಿಯನ್ ಆಗಿದೆ. ಒಟ್ಟಾರೆ ವಾಯುಪಡೆ 524.72 ಮಿಲಿಯನ್ ನಷ್ಟವನ್ನು ಅನುಭವಿಸಿದೆ.

ಭಾರತದ ಬಿಗ್ ಹಿಟ್ ಗೆ ಪಾಕ್ ಸೇನೆ ಕಳೆದುಕೊಂಡಿದ್ದೇನು?
ಇದು ಪಾಕಿಸ್ತಾನದೊಳಗೆ ನುಗ್ಗಿ ಭಾರತ ರಣಾರ್ಭಟ ಮಾಡಿದ್ದರ ಪರಿಣಾಮ ಆಗಿರೋ ನಷ್ಟದ ಲೆಕ್ಕ. ಹಿಂದೂಸ್ತಾನದ ವಾಯು ದಾಳಿಯಿಂದ ಪಾಕಿಸ್ತಾನದ ಏರ್ ಬೇಸ್ ನಲ್ಲಿ ನಿಲ್ಲಿಸಲಾಗಿದ್ದ ನಾಲ್ಕು ಎಫ್-16 ಯುದ್ಧ ವಿಮಾನಗಳು ಕರಕಲಾಗಿವೆ. ಇದರ ಮೌಲ್ಯ 349.52 ಬಿಲಿಯನ್ ಆಗಲಿದೆ. ಎಸಿ-130 ಹೆಚ್ ಹರ್ಕ್ಯುಲೆಸ್ ಹೆಲಿಕಾಫ್ಟರ್ ಒಂದು ಹೇಳ ಹೆಸರಿಲ್ಲದಂತೆ ನಾಮಾವಶೇಷವಾಗಿದೆ ಇದರಿಂದಾಗಿ ಪಾಕ್ 40 ಮಿಲಿಯನ್ ಡಾಲರ್ ಗಂಟು ಕಳೆದುಕೊಂಡಿದೆ. ಇದಲ್ಲದೆ ಪಾಕ್ ಏರ್ ಬೇಸ್ ನಲ್ಲಿದ್ದ ಕ್ಷಿಪಣಿಗಳನ್ನು ಲೆಕ್ಕಿಸಿದರೆ ಒಟ್ಟು 1,124 ಬಿಲಿಯನ್ ಡಾಲರ್ ನಷ್ಟವಾಗಿದೆ.

ಪಾಕ್ ಸೇನಾ ನೆಲೆಗಳ ನಷ್ಟದ ಲೆಕ್ಕ ಹೇಗಿದೆ…?
ಇಷ್ಟೇ ಅಲ್ಲಾ ಪಾಕಿಸ್ತಾನದ ಇಸ್ಲಾಮಾಬಾದ್ ನ ನೂರ್ ಖಾನ್ ಏರ್ ಬೇಸನ್ನೇ ಭಾರತ ಚಿಂದಿ ಉಡಾಯಿಸಿದೆ. ಇದನ್ನು ದುರಸ್ಥಿಗೊಳಿಸಲು ಈಗ ಪಾಕಿಸ್ತಾನಕ್ಕೆ 125 ಮಿಲಿಯನ್ ಡಾಲರ್ ದುಡ್ಡು ಬೇಕಿದೆ. ಸರ್ಗೋದ ವಾಯುನೆಲೆ ಮರುನಿರ್ಮಾಣಕ್ಕೆ 100 ಮಿಲಿಯನ್ ಡಾಲರ್ ಬೇಕಿದೆ. ಈ ಲೆಕ್ಕದಲ್ಲಿ ಪಾಕ್ ಏರ್ ಬೇಸ್ ಗಳ ಮರುನಿರ್ಮಾಣಕ್ಕೇ ಅಂದಾಜು 225 ಮಿಲಿಯನ್ ಹಣ ಬೇಕಿದೆ. ಒಟ್ನಲ್ಲಿ ಸುಮ್ಮನಿರದೆ ಭಾರತವನ್ನು ಕೆಣಕಿ ಪಾಪಿ ಪಾಕ್ ಈಗ ಪಾಪರ್ ಪಾಕಿಸ್ತಾನವಾಗಿರೋದಂತೂ ಸುಳ್ಳಲ್ಲ.