ಚಾಮರಾಜನಗರ : ರೌಡಿಶೀಟರ್ ಬರ್ತ್ಡೇ ಪಾರ್ಟಿಯಲ್ಲಿ ಅಫೀಮು, ಗಾಂಜಾ ಬಳಕೆ ಮಾಡಿರುವ ಆರೋಪ ಹಿನ್ನಲೆ ಪೊಲೀಸರು ದಾಳಿ ನಡೆಸಿ, ರೌಡಿ ಶೀಟರ್ ಸೇರಿ 14 ಮಂದಿ ಸಹಚರರನ್ನು ಬಂಧಿಸಿದ ಘಟನೆ ಕೊಳ್ಳೇಗಾಲ ತಾಲೂಕು ಮಧುವನಹಳ್ಳಿ ಬಳಿ ಇರುವ ಫಾರಂಹೌಸ್ನಲ್ಲಿ ನಡೆದಿದೆ.
ಕೊಳ್ಳೇಗಾಲ ತಾಲೂಕು ಮಧುವನಹಳ್ಳಿ ಬಳಿ ಇರುವ ಪ್ರಥಮ ದರ್ಜೆ ಗುತ್ತಿಗೆದಾರ ಫಯಾಜ್ಖಾನ್ಗೆ ಸೇರಿದ ಫಾರಂಹೌಸ್ನಲ್ಲಿ ಬೆಂಗಳೂರಿನ ರೌಡಿಶೀಟರ್ ಜಹೀರ್ ಅಲಿಯಾಸ್ ಕಾಲಿ ಎಂಬಾತನ ಬರ್ತ್ಡೇ ಪಾರ್ಟಿ ಮಾಡಲಾಗಿದ್ದು, ಈ ವೇಳೆ ರೌಡಿಶೀಟರ್ ಹಾಗು ಆತನ ಸಹಚರರು ಅಫೀಮು, ಗಾಂಜಾ ಸೇವಿಸಿ ತೇಲಾಡ್ತಿದ್ದರು.
ಈ ಬಗ್ಗೆ ಖಚಿತ ಮಾಹಿತಿ ಬಂದ ಹಿನ್ನೆಲೆ ಸ್ವತಃ ಎಸ್ಪಿ ಮುತ್ತುರಾಜು ನೇತೃತ್ವದಲ್ಲಿ ಪೊಲೀಸರು ದಾಳಿ ನಡೆಸಿ, ರೌಡಿ ಶೀಟರ್ ಸೇರಿ 14 ಮಂದಿಯನ್ನು ಬಂಧಿಸಿ, ಜೊತೆಗೆ ಅವರು ಸೇವಿಸಿದ್ದ ಅಫೀಮು, ಗಾಂಜಾವನ್ನು ವಶಕ್ಕೆ ಪಡೆಯಲಾಗಿದೆ. ಈ ಘಟನಾ ಸಂಬಂಧ ಕೊಳ್ಳೇಗಾಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
ಇದನ್ನೂ ಓದಿ : ಅತ್ತ ಗ್ಯಾಸ್ಗಾಗಿ ಆಟೋ ಚಾಲಕರ ಕ್ಯೂ.. ಇತ್ತ IPL ಟಿಕೆಟ್ಗಾಗಿ ಸಾಲಲ್ಲಿ ನಿಂತ ಶಾಸಕರ ಪಿಎಗಳು!
