ಬೆಂಗಳೂರು: ಹೋಳಿ ಹಬ್ಬವು ಭಾರತೀಯರು ಅತ್ಯಂತ ಉಲ್ಲಾಸಭರಿತವಾಗಿ ಆಚರಿಸವ ಹಬ್ಬ. ಮಾರ್ಚ್ 14ರಂದು ಭಾರತೀಯರು ಹೋಳಿ ಆಚರಿಸಿದ್ದಾರೆ. ಅಂತೆಯೇ ಭಾರತದ ದೊಡ್ಡ ಅಭಿಮಾನಿಯಾಗಿರುವ ನ್ಯೂಜಿಲೆಂಡ್ ಪ್ರಧಾನಿ ಕ್ರಿಸ್ಟೋಫರ್ ಲಕ್ಸನ್, ಆಕ್ಲೆಂಡ್ನಲ್ಲಿ ಇಸ್ಕಾನ್ ಆಯೋಜಿಸಿರುವ ಹೋಳಿಯಲ್ಲಿ ಪಾಲ್ಗೊಂಡಿದ್ದಾರೆ. ಈ ವಿಡಿಯೊ ಸೋಶಿಯಲ್ ಮೀಡಿಯಾದಲ್ಲಿ ಮತ್ತೆ ಕಾಣಿಸಿಕೊಂಡು ವೈರಲ್ ಆಗಿದೆ. ವಿಡಿಯೊದಲ್ಲಿ, ಪಿಎಂ ಲಕ್ಸನ್ ಗುಲಾಲ್ ಸಿಲಿಂಡರ್ ಬಳಸಿ ಬಣ್ಣಗಳನ್ನು ಎರಚುವುದು ಕಾಣಿಸುತ್ತದೆ.
“ನಾನು ಭಾರತದ ದೊಡ್ಡ ಅಭಿಮಾನಿ… ಭಾರತ ನಾನು ಪ್ರೀತಿಸುವ, ಅಪಾರವಾಗಿ ಮೆಚ್ಚುವ ದೇಶವಾಗಿದೆ” ಎಂದು ಲಕ್ಸನ್ ಆಗಾಗ್ಗೆ ಹೇಳುತ್ತಿರುತ್ತಾರೆ. ಭಾರತದ ಬಗ್ಗೆ ಅವರ ಅಪಾರ ಮೆಚ್ಚುಗೆ ಹಲವು ಬಾರಿ ವ್ಯಕ್ತವಾಗಿದೆ.
ಈ ನಡುವೆ, ವ್ಯಾಪಾರ ಮತ್ತು ಹೂಡಿಕೆ ಸೇರಿದಂತೆ ಪ್ರಮುಖ ಕ್ಷೇತ್ರಗಳಲ್ಲಿ ದ್ವಿಪಕ್ಷೀಯ ಸಹಕಾರವನ್ನು ಹೆಚ್ಚಿಸಲು ಲಕ್ಸನ್ ಮಾರ್ಚ್ 16 ರಿಂದ 20 ರವರೆಗೆ ಭಾರತಕ್ಕೆ ಭೇಟಿ ನೀಡಲಿದ್ದಾರೆ. ಪ್ರಧಾನಮಂತ್ರಿಯಾಗಿ ಇದು ಅವರ ಮೊದಲ ಭಾರತ ಭೇಟಿಯಾಗಿದೆ.
ವ್ಯಾಪಾರ, ರಕ್ಷಣಾ ಸಹಕಾರ ಮತ್ತು ಜನರ ನಡುವಿನ ಸಂಬಂಧಗಳನ್ನು ವಿಸ್ತರಿಸುವ ಬಗ್ಗೆ ಚರ್ಚಿಸಲು ಲಕ್ಸನ್ ಮಾರ್ಚ್ 17 ರಂದು ನವದೆಹಲಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರನ್ನು ಭೇಟಿಯಾಗಲಿದ್ದಾರೆ. ಅವರು ನ್ಯೂಜಿಲೆಂಡ್ ಪ್ರಧಾನಿ ದ್ರೌಪದಿ ಮುರ್ಮು ಅವರನ್ನು ಸಹ ಭೇಟಿ ಮಾಡಲಿದ್ದಾರೆ. ಹಾಗೆಯೇ, ಅವರೊಂದಿಗೆ ಸಚಿವರು, ಹಿರಿಯ ಅಧಿಕಾರಿಗಳು, ಉದ್ಯಮಿಗಳು, ಮಾಧ್ಯಮಗಳು ಮತ್ತು ಭಾರತೀಯ ವಲಸಿಗ ಸಮುದಾಯದ ಸದಸ್ಯರು ಸೇರಿದಂತೆ ಉನ್ನತ ಮಟ್ಟದ ನಿಯೋಗ ಇರಲಿದೆ. ವೆಲ್ಲಿಂಗ್ಟನ್ಗೆ ಮರಳುವ ಮೊದಲು ಲಕ್ಸನ್ ಮಾರ್ಚ್ 19 ರಿಂದ 20 ರವರೆಗೆ ಮುಂಬೈಗೆ ಭೇಟಿ ನೀಡಲಿದ್ದಾರೆ.
ಲಕ್ಸನ್ ಅವರ ಭೇಟಿಯು ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ದೀರ್ಘಕಾಲದ ಮತ್ತು ಶಾಶ್ವತ ಸಂಬಂಧವನ್ನು ಒತ್ತಿಹೇಳುತ್ತದೆ ಎಂದು ವಿದೇಶಾಂಗ ಸಚಿವಾಲಯ ತಿಳಿಸಿದೆ. “ಇದು ಎಲ್ಲಾ ಕ್ಷೇತ್ರಗಳಲ್ಲಿ ದ್ವಿಪಕ್ಷೀಯ ಸಂಬಂಧವನ್ನು ಮತ್ತಷ್ಟು ಬಲಪಡಿಸಲು ಮತ್ತು ನಮ್ಮ ಜನರ ನಡುವಿನ ನಿಕಟ ಸಂಬಂಧಗಳನ್ನು ಆಳಗೊಳಿಸಲು ಎರಡೂ ದೇಶಗಳ ನಿರಂತರ ಬದ್ಧತೆಯನ್ನು ಪುನರುಚ್ಚರಿಸುತ್ತದೆ” ಎಂದು ಹೇಳಿದೆ.
ಈ ಘಟನೆಗಳು ಹೋಳಿ ಹಬ್ಬದ ಸಾಂಸ್ಕೃತಿಕ ಮಹತ್ವ ಮತ್ತು ಅದರ ಬಗ್ಗೆ ಇರುವ ಭಾವನಾತ್ಮಕ ಬಂಧನವನ್ನು ಎತ್ತಿ ತೋರಿಸುತ್ತವೆ. ಹೋಳಿಯು ಕೇವಲ ಬಣ್ಣಗಳ ಹಬ್ಬವಲ್ಲ, ಅದು ಸಾಮರಸ್ಯ, ಸಂತೋಷ ಮತ್ತು ಒಗ್ಗಟ್ಟಿನ ಸಂಕೇತವಾಗಿದೆ.
