ಬೆಂಗಳೂರು: ಶಾಸಕ ಮುನಿರತ್ನ ವಿಧಾನಸಭೆಯಲ್ಲಿ ಕೂಡ ಡಿಸಿಎಂ ಡಿ.ಕೆ. ಶಿವಕುಮಾರ್ ವಿರುದ್ಧ ವ್ಯಂಗ್ಯವಾಡಿದ್ದಾರೆ.
ಗ್ರೇಟರ್ ಬೆಂಗಳೂರು ಬಿಲ್ (Greater Bengaluru Bill) ತಂದಿರುವ ಬೆಂಗಳೂರು ಉಸ್ತುವಾರಿ ಸಚಿವರೇ ಗ್ರೇಟ್. ಗ್ರೇಟ್ ಅಲೆಕ್ಸಾಂಡರ್, ಗ್ರೇಟ್ ಬ್ರಿಟನ್ ಹೆಸರು ಕೇಳಿದ್ದೀವಿ. ಈಗ ಅಂಥದ್ದೇ ಗ್ರೇಟ್ ಹೆಸರು ಕೇಳುತ್ತಿದ್ದೇವೆ. ʻದಿ ಗ್ರೇಟ್ ಡಿಕೆಶಿʼ ಈಗ ಗ್ರೇಟರ್ ಬೆಂಗಳೂರು ತರುತ್ತಿದ್ದಾರೆ ಎಂದು ವ್ಯಂಗ್ಯವಾಡಿದ್ದಾರೆ.
ಬೆಂಗಳೂರು ನೋಡಿದಾಗ ಟೂ ವೇ ರೋಡ್ ಗಳೇ ಇದ್ದಿದ್ದು, ಒನ್ ವೇ ಇರಲಿಲ್ಲ. ನಮಗೆ ಮೇಕ್ರಿ ಸರ್ಕಲ್ ಇರಲಿಲ್ಲ. 1986 ರಲ್ಲಿ ಸಾರ್ಕ್ ಸಮ್ಮೇಳನ ನಂತರವೇ ಬೆಂಗಳೂರು ಎಲ್ಲರ ಕಣ್ಣಿಗೆ ಬಿತ್ತು. ನಂತರ ವಿಶ್ವ ಸುಂದರಿ ಸ್ಪರ್ಧೆ ನಡೆಯಿತು. ಆಗ ಇನ್ನೂ ಜಾಸ್ತಿ ಗಮನ ಸೆಳೆಯಿತು. ನಂತರ 2001 ರಲ್ಲಿ ಐಟಿಬಿಟಿ ಬಂದ ನಂತರ ಪ್ರಪಂಚ ನೋಡುವಂತಾಯಿತು. ಇಂತಹ ಬೆಂಗಳೂರನ್ನು ಇವರು ಗ್ರೇಟ್ ಮಾಡಲು ಹೊರಟಿದ್ದಾರೆ ಎಂದು ಕಿಡಿಕಾರಿದ್ದಾರೆ.
