ಕೋಲ್ಕತ್ತಾ: ಇಲ್ಲಿನ ಈಡನ್ ಗಾರ್ಡನ್ಸ್‌ನಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2025ರ ಉದ್ಘಾಟನಾ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ಆಲ್‌ರೌಂಡರ್ ಕೃಣಾಲ್ ಪಾಂಡ್ಯ ತನ್ನ ತಂಡಕ್ಕಾಗಿ ಬೌಲಿಂಗ್ನಲ್ಲಿ ಗಮನಾರ್ಹ ಪ್ರದರ್ಶನ ನೀಡಿದರು. ಈ ಪಂದ್ಯದಲ್ಲಿ ಕೊಲ್ಕತ್ತಾ ನೈಟ್ ರೈಡರ್ಸ್ (ಕೆಕೆಆರ್) ವಿರುದ್ಧ ಮಿಂಚಿ ಆರ್ಸಿಬಿಗೆ ನೆರವಾದರು.
ಕೃಣಾಲ್ ಪಾಂಡ್ಯ ಆರ್‌ಸಿಬಿಗಾಗಿ ತಮ್ಮ ಚೊಚ್ಚಲ ಪಂದ್ಯದಲ್ಲಿ ಚೆಂಡಿನೊಂದಿಗೆ ಬೆಂಕಿಯುಗಳಿದರು. ಆರಂಭದಲ್ಲಿ ಅವರ ಮೊದಲ ಓವರ್‌ನಲ್ಲಿ ಕೆಲವು ರನ್‌ಗಳನ್ನು ಬಿಟ್ಟುಕೊಟ್ಟು ಒತ್ತಡಕ್ಕೆ ಒಳಗಾಗಿದ್ದರು. ಆದರೆ, ಅವರು ಶಾಂತವಾಗಿ ಮರಳಿ ಬಂದು ತಂಡವು ಹಿನ್ನಡೆಯಲ್ಲಿದ್ದ ಸಂದರ್ಭದಲ್ಲಿ ನಿರ್ಣಾಯಕ ವಿಕೆಟ್‌ಗಳನ್ನು ಪಡೆದರು.
ಕೃಣಾಲ್ ಪಾಂಡ್ಯ ಮೊದಲಿಗೆ ಕೆಕೆಆರ್ ಪರ ಸ್ಥಿರವಾಗಿ ಆಡುತ್ತಿದ್ದ ನಾಯಕ ಅಜಿಂಕ್ಯ ರಹಾನೆಯನ್ನು ಔಟ್ ಮಾಡಿದರು. ರಹಾನೆ ಆಕ್ರಮಣಕಾರಿ ಅರ್ಧಶತಕವನ್ನು ಬಾರಿಸಿದ್ದರು. ಆ ನಂತರ, ಅವರು ಎದುರಾಳಿ ತಂಡಕ್ಕೆ ಮತ್ತೊಂದು ಪ್ರಮುಖ ಆಘಾತವನ್ನು ನೀಡಿದರು. . ಎದುರಾಳಿ ತಂಡದ ಉಪನಾಯಕ ವೆಂಕಟೇಶ್ ಐಯರ್‌ನನ್ನು ಅವರು ಅದ್ಭುತವಾದ ಎಸೆತದಿಂದ ಪೆವಿಲಿಯನ್‌ಗೆ ಕಳುಹಿಸಿದರು. ಆದರೆ, ಇಲ್ಲಿ ಗಮನ ಸೆಳೆದಿದ್ದು ಅವರ ಮೈಂಡ್ ಗೇಮ್.
ಕೃನಾಲ್ ಪಾಂಡ್ಯ ಮೊದಲಿಗೆ ಒಂದು ಶಾರ್ಟ್ ಬಾಲ್ ಎಸೆದರು, ಅದು ಹೆಲ್ಮೆಟ್ ಇಲ್ಲದೆ ಬ್ಯಾಟಿಂಗ್ ಮಾಡುತ್ತಿದ್ದ ವೆಂಕಟೇಶ್ ಐಯರ್‌ಗೆ ಭಯ ಹುಟ್ಟಿಸಿತು. ಆದರೆ ಅದು ಲೆಗ್ ಸೈಡ್‌ಗೆ ಹೊರಟಿತು. ಐಯರ್ ತಕ್ಷಣ ಹೆಲ್ಮೆಟ್ ತರಿಸಿಕೊಂಡರು. ಆದಾಗ್ಯೂ, ಆ ನಂತರ ಕೃನಾಲ್ ಒಂದು ಫ್ಲ್ಯಾಟ್ ಎಸೆತ ಹಾಕಿದರು. ಇದಕ್ಕೆ ವೆಂಕಟೇಶ್ ಅಯ್ಯರ್ ಆಡಲು ಯತ್ನಿಸಿದರೂ ಚೆಂಡು ಸ್ಟಂಪ್‌ಗಳಿಗೆ ತಾಗಿತು.
ಆರ್‌ಸಿಬಿ ಆಟಗಾರ ಕ್ರುನಾಲ್ ಪಾಂಡ್ಯ ಉತ್ಸಾಹದಿಂದ ಕೂಗಾಡಿದ್ದರು. ಏಕೆಂದರೆ ತಂಡಕ್ಕೆ ಎರಡು ತ್ವರಿತ ವಿಕೆಟ್‌ಗಳು ದೊರೆತವು. ಈ ಪ್ರದರ್ಶನವು ಆರ್ಸಿಬಿಗೆ ಪಂದ್ಯದಲ್ಲಿ ಮರಳಿ ಬರುವ ಆತ್ಮವಿಶ್ವಾಸವನ್ನು ನೀಡಿತು.
