ನವದೆಹಲಿ : ಪೈಲಟ್ಗಳ ಕೊರತೆ ಮತ್ತಿತರ ಕಾರಣದಿಂದ ಇಂಡಿಗೋ ಏರ್ಲೈನ್ಸ್ ಸಂಸ್ಥೆ ಡಿಸೆಂಬರ್ 3ರಿಂದ 5ರವರೆಗೂ ಸಾವಿರಕ್ಕೂ ಅಧಿಕ ಫ್ಲೈಟ್ಗಳನ್ನು ರದ್ದುಗೊಳಿಸಬೇಕಾಗಿ ಬಂತು. ಹಲವು ಫ್ಲೈಟ್ಗಳನ್ನು ವಿಳಂಬಗೊಳಿಸಲಾಯಿತು. ಟಿಕೆಟ್ ರದ್ದುಗೊಂಡ ಪ್ರಯಾಣಿಕರಿಗೆ ಸಂಸ್ಥೆ ಟಿಕೆಟ್ ಹಣವನ್ನು ಮರಳಿಸಿದೆ. ಇದರ ಜೊತೆಗೆ ಇದೀಗ 10,000 ರೂ. ಟ್ರಾವಲ್ ವೋಚರ್ಗಳನ್ನೂ ನೀಡುವುದಾಗಿ ಇಂಡಿಗೋ ಹೇಳಿದೆ.
ಟಿಕೆಟ್ ರದ್ದುಗೊಂಡು ಬಾಧಿತರಾದ ಪ್ರಯಾಣಿಕರಿಗೆ ಇಂಡಿಗೋ ಸಂಸ್ಥೆ 5,000 ರೂನಿಂದ 10,000 ರೂವರೆಗೆ ಪರಿಹಾರ ಕೊಡಬೇಕೆಂದು ಸರ್ಕಾರ ನಿರ್ದೇಶನ ನೀಡಿದೆ. ಈಗ ಇಂಡಿಗೋ ಪ್ರಕಟಿಸಿರುವ ಟ್ರಾವಲ್ ವೋಚರ್ ಪ್ರತ್ಯೇಕವಾದುದು. ಈ ಟ್ರಾವಲ್ ವೋಚರ್ ಅನ್ನು ಮುಂದಿನ 12 ತಿಂಗಳಲ್ಲಿ ಯಾವುದೇ ಇಂಡಿಗೋ ಪ್ರಯಾಣಕ್ಕೆ ಬಳಸಬಹುದು ಎನ್ನಲಾಗಿದೆ.
ಗ್ರಾಹಕ ಆರೈಕೆ ತನ್ನ “ಪ್ರಮುಖ ಆದ್ಯತೆ”ಯಾಗಿ ಉಳಿದಿದೆ ಮತ್ತು ಹೆಚ್ಚಿನ ಸಂದರ್ಭಗಳಲ್ಲಿ ರದ್ದಾದ ವಿಮಾನಗಳಿಗೆ ಮರುಪಾವತಿಯನ್ನು ಈಗಾಗಲೇ ನೀಡಲಾಗಿದೆ ಎಂದು ಇಂಡಿಗೋ ಹೇಳಿಕೆಯಲ್ಲಿ ತಿಳಿಸಿದೆ. ಉಳಿದ ವಹಿವಾಟುಗಳನ್ನು ಶೀಘ್ರದಲ್ಲೇ ನೀಡಲಾಗುತ್ತೆ. ಪ್ರಯಾಣ ವೇದಿಕೆಗಳ ಮೂಲಕ ಮಾಡಿದ ಬುಕಿಂಗ್ಗಳಿಗೆ, ಮರುಪಾವತಿ ಕ್ರಮಗಳನ್ನು ಪ್ರಾರಂಭಿಸಲಾಗಿದೆ ಎಂದು ಇಂಡಿಗೋ ಹೇಳಿದೆ. ತೊಂದರೆಗೊಳಗಾದ ಪ್ರಯಾಣಿಕರು ತಮ್ಮ ವಿವರಗಳು ವಿಮಾನಯಾನ ವ್ಯವಸ್ಥೆಯಲ್ಲಿ ಅಪೂರ್ಣವಾಗಿದ್ದರೆ customer.experience@goindigo.inಗೆ ಬರೆಯಲು ತಿಳಿಸಿದೆ.
ಇದನ್ನೂ ಓದಿ : IND vs SA 2nd T20 | ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಭಾರತ
