ನವದೆಹಲಿ: ನರೇಂದ್ರ ಮೋದಿ ಅವರು ಪ್ರಧಾನಿಯಾಗುತ್ತಿದ್ದಂತೆ ಮೇಡ್ ಇನ್ ಇಂಡಿಯಾ, ಮೇಕ್ ಇನ್ ಇಂಡಿಯಾಗೆ ಹೆಚ್ಚಿನ ಪ್ರಾಶಸ್ತ್ಯ ನೀಡಿದ್ದರು. ಸದ್ಯ ಭಾರತಕ್ಕೆ ಇದು ವರದಾನವಾಗಿ ನಿಂತಿದೆ.
ಈ ಹಣಕಾಸು ವರ್ಷದ ಮೊದಲಾರ್ಧ ಏಪ್ರಿಲ್ನಿಂದ ಸೆಪ್ಟೆಂಬರ್ ವರೆಗಿನ ಆರು ತಿಂಗಳ ಅವಧಿಯಲ್ಲಿ 25,28,248 ವಾಹನಗಳು ಹೊರ ದೇಶಗಳಿಗೆ ರಫ್ತಾಗಿವೆ. ಹಿಂದಿನ ವರ್ಷ ಇದೇ ಅವಧಿಯಲ್ಲಿ ರಫ್ತಾದ ವಾಹನಗಳ ಸಂಖ್ಯೆ 22,11,457 ಇತ್ತು. ಅಂದರೆ, ಈ ಅವಧಿಯಲ್ಲಿ ಶೇ. 14ರಷ್ಟು ಹೆಚ್ಚು ವಾಹನಗಳು ರಫ್ತಾಗಿವೆ.
ಪ್ರಯಾಣಿಕ ವಾಹನಗಳು ಅಥವಾ ಪ್ಯಾಸೆಂಜರ್ ವಾಹನಗಳು ರಫ್ತಾಗಿರುವುದು 3,76,679. ರಫ್ತಿನಲ್ಲಿ ಶೇ. 12ರಷ್ಟು ಹೆಚ್ಚಳವಾಗಿದೆ. ಪ್ಯಾಸೆಂಜರ್ ಕಾರು ಮತ್ತು ವ್ಯಾನ್ ರಫ್ತು ಇಳಿಮುಖವಾದರೂ ಯುಟಿಲಿಟಿ ವಾಹನಗಳ ರಫ್ತಿನಲ್ಲಿ ಶೇ. 43ರಷ್ಟು ಏರಿಕೆಯಾಗಿರುವುದು ಸಂತಸ ತಂದಿದೆ.
ಮಧ್ಯಮ ಮತ್ತು ಭಾರೀ ತೂಕದ ಕಮರ್ಷಿಯಲ್ ವಾಹನಗಳ ರಫ್ತಿನಲ್ಲೂ ಶೇ. 13ರಷ್ಟು ಹೆಚ್ಚಳವಾಗಿದೆ. ಈ ವಿಭಾಗದ ಪ್ಯಾಸೆಂಜರ್ ವಾಹನಗಳ ರಫ್ತು ಶೇ. 9ರಷ್ಟು ಇಳಿಕೆಯಾಗಿದೆ. ಆದರೆ, ಸರಕು ಸಾಗಣೆ ವಾಹನಗಳು ಶೇ. 45ರಷ್ಟು ಹೆಚ್ಚು ರಫ್ತಾಗಿವೆ.
ಕಮರ್ಷಿಯಲ್ ವಾಹನಗಳ (ಎಲ್ಸಿವಿ) ವಿಬಾಗದಲ್ಲಿ ಒಟ್ಟಾರೆ ಶೇ. 12ರಷ್ಟು ರಫ್ತು ಹೆಚ್ಚಳವಾಗಿದೆ. ಇದೇ ವಿಭಾಗದ ಪ್ಯಾಸೆಂಜರ್ ವಾಹನಗಳ ರಫ್ತು ಶೇ. 65ರಷ್ಟು ಏರಿಕೆಯಾಗಿದೆ. ಮಧ್ಯಮ ಮತ್ತು ಭಾರೀ ಕಮರ್ಷಿಯಲ್ ವಾಹನಗಳ ವಿಭಾಗದಲ್ಲಿ 9,576 ವಾಹನಗಳ ರಫ್ತಾಗಿದೆ. ಒಟ್ಟಾರೆ ಕಮರ್ಷಿಯಲ್ ವಾಹನಗಳ ರಫ್ತು 35,731ರಷ್ಟಾಗಿದೆ.
ದ್ವಿಚಕ್ರ ವಾಹನಗಳ ರಫ್ತು ಶೇ. 16ರಷ್ಟು ಹೆಚ್ಚಳವಾಗಿದೆ. ಏಪ್ರಿಲ್ನಿಂದ ಸೆಪ್ಟೆಂಬರ್ವರೆಗಿನ ಆರು ತಿಂಗಳ ಅವಧಿಯಲ್ಲಿ ರಫ್ತುಗೊಂಡ ದ್ವಿಚಕ್ರ ವಾಹನಗಳ ಸಂಖ್ಯೆ 19,59,145 ಆಗಿದೆ. ಮಾರುತಿ ಸುಜುಕಿ, ವಾಹನಗಳ ರಫ್ತಿನಲ್ಲೂ ನಂಬರ್ ಒನ್ ಆಗಿದೆಎರಡನೇ ಸ್ಥಾನದಲ್ಲಿರುವ ಹ್ಯುಂಡೈ ಸಂಸ್ಥೆ ಇದೆ. ವೋಲ್ಸ್ವಾಗನ್, ನಿಸ್ಸಾನ್ ಮೋಟಾರ್ಸ್ ಮತ್ತು ಹೊಂಡಾ ಕಾರ್ಸ್ ಕ್ರಮವಾಗಿ ನಂತರದ ಸ್ಥಾನಗಳಲ್ಲಿವೆ.
