ಬೆಂಗಳೂರು : ಪಾಕಿಸ್ತಾನ ಕ್ರಿಕೆಟ್ ತಂಡ ಸೇರಿಕೊಂಡಂತೆ ತ್ರಿಕೋನ ಸರಣಿಯಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧದ ಪಂದ್ಯದಲ್ಲಿ ನ್ಯೂಜಿಲೆಂಡ್‌ಅನುಭವಿ ಬ್ಯಾಟ್ಸ್‌ಮನ್ ಕೇನ್ ವಿಲಿಯಮ್ಸನ್ (Kane Williamson) ಏಕದಿನ ಕ್ರಿಕೆಟ್‌ನಲ್ಲಿ ಬೃಹತ್ ದಾಖಲೆಯೊಂದನ್ನು ಸೃಷ್ಟಿಸಿದ್ದಾರೆ. ಐದೂವರೆ ವರ್ಷಗಳ ನಂತರ ಏಕದಿನ ಶತಕ ಬಾರಿಸಿರುವಅವರು ವಿರಾಟ್ ಕೊಹ್ಲಿ (Virat Kohli) ಅವರ ವಿಶ್ವ ದಾಖಲೆ ಮುರಿದಿದ್ದಾರೆ.
113 ಎಸೆತಗಳಲ್ಲಿ 13 ಬೌಂಡರಿ, 2 ಸಿಕ್ಸರ್ ಸಹಿತ ಅಜೇಯ 133 ರನ್ ಗಳಿಸಿ ನ್ಯೂಜಿಲೆಂಡ್ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ ವಿಲಿಯಮ್ಸನ್, ಚಾಂಪಿಯನ್ಸ್ ಟ್ರೋಫಿಗೂ (Champions Trophy 2025) ಮುನ್ನ ಏಕದಿನದಲ್ಲಿ ಲಯಕ್ಕೆ ಮರಳಿದ್ದಾರೆ. ಸೆಂಚುರಿ ಬಾರಿಸುವ ಜತೆಗೆ ಕೇನ್, ವಿಶ್ವ ದಾಖಲೆ ಕೂಡ ನಿರ್ಮಿಸಿದ್ದಾರೆ. ಸಚಿನ್ ತೆಂಡೂಲ್ಕರ್ ಕೂಡ ಈ ಸಾಧನೆ ಮಾಡಿಲ್ಲ.
133 ರನ್ಗಳೊಂದಿಗೆ ವಿಲಿಯಮ್ಸನ್ ಏಕದಿನ ಕ್ರಿಕೆಟ್‌ನಲ್ಲಿ 7,000 ರನ್‌ಗಳ ಗಡಿ ದಾಟಿದರು. ಅತಿ ವೇಗವಾಗಿ 7000 ಏಕದಿನ ರನ್ ತಲುಪಿದ ಮೊದಲ ನ್ಯೂಜಿಲೆಂಡ್ ಬ್ಯಾಟರ್ ಮತ್ತು ವಿಶ್ವದ 2ನೇ ಅತಿ ವೇಗದ ಬ್ಯಾಟರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಈ ಪಂದ್ಯಕ್ಕೂ ಮುನ್ನ 158 ಇನ್ನಿಂಗ್ಸ್‌ಗಳಲ್ಲಿ 6868 ರನ್‌ಗಳಿಸಿದ್ದ ಕೇನ್ಗೆ ಈ ದಾಖಲೆ ನಿರ್ಮಿಸಲು 132 ರನ್‌ಬೇಕಿತ್ತು.
ಇದನ್ನೂ ಓದಿ : ಪ್ಯಾರಾಲಿಂಪಿಕ್ಸ್ ನಲ್ಲಿ ಭಾರತಕ್ಕೆ ಒಂದೇ ದಿನ 8 ಪದಕ!
ವಿರಾಟ್ ಕೊಹ್ಲಿ ಮತ್ತು ಸಚಿನ್ ತೆಂಡೂಲ್ಕರ್ ಅವರನ್ನು ಹಿಂದಿಕ್ಕಿದ ನ್ಯೂಜಿಲ್ಯಾಂಡ್ ನಾಯಕ 7000 ಏಕದಿನ ರನ್‌ತಲುಪಿದ ಎರಡನೇ ಅತಿ ವೇಗದ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ದಕ್ಷಿಣ ಆಫ್ರಿಕಾದ ಹಾಶಿಮ್ ಆಮ್ಲಾ ಕೇವಲ 150 ಇನ್ನಿಂಗ್ಸ್‌ಗಳಲ್ಲಿ 7000 ರನ್ ಗಳಿಸಿ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಕೊಹ್ಲಿ-ತೆಂಡೂಲ್ಕರ್ ಕ್ರಮವಾಗಿ 161 ಮತ್ತು 189 ಇನ್ನಿಂಗ್ಸ್‌ಗಳಲ್ಲಿ ಈ ಸಾಧನೆ ಮಾಡಿದ್ದಾರೆ.
ವೇಗವಾಗಿ 7000 ರನ್ ಗಳಿಸಿದ ಟಾಪ್-5 ಆಟಗಾರರು
- 1 – ಹಾಶಿಮ್ ಆಮ್ಲಾ: 150 ಇನ್ನಿಂಗ್ಸ್
- 2 – ಕೇನ್ ವಿಲಿಯಮ್ಸನ್: 159 ಇನ್ನಿಂಗ್ಸ್
- 3 – ವಿರಾಟ್ ಕೊಹ್ಲಿ: 161 ಇನ್ನಿಂಗ್ಸ್
- 4 – ಎಬಿ ಡಿವಿಲಿಯರ್ಸ್: 166 ಇನ್ನಿಂಗ್ಸ್
- 5 – ಸೌರವ್ ಗಂಗೂಲಿ: 174 ಇನ್ನಿಂಗ್ಸ್
ನ್ಯೂಜಿಲೆಂಡ್ಗೆ ಫೈನಲ್ಗೆ
ಲಾಹೋರ್‌ನ ಗಡಾಫಿ ಕ್ರೀಡಾಂಗಣದಲ್ಲಿ ಜರುಗಿದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ನಡೆಸಿದ ದಕ್ಷಿಣ ಆಫ್ರಿಕಾ, ಮ್ಯಾಥ್ಯೂ ಬ್ರೀಟ್ಜ್ಕೆ ಅವರ ಶತಕದ (150) ನೆರವಿನಿಂದ 50 ಓವರ್ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 304 ರನ್ ಗಳಿಸಿತು. ಈ ಗುರಿ ಬೆನ್ನಟ್ಟಿದ ನ್ಯೂಜಿಲೆಂಡ್ 48.4 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 308 ರನ್ ಗಳಿಸಿತು. ಈ ಮೂಲಕ ತ್ರಿಕೋನ ಸರಣಿಯಲ್ಲಿ ಫೈನಲ್ಗೆ ಅರ್ಹತೆ ಪಡೆದುಕೊಂಡಿದೆ. ಮತ್ತೊಂದು ಫೈನಲಿಸ್ಟ್ ತಂಡವು ಯಾವುದೆಂದು ಫೆಬ್ರವರಿ 12ರಂದು ನಡೆಯಲಿದೆ.
