ಟಾಕ್ಸಿಕ್ ಸಿನಿಮಾ ಚಿತ್ರೀಕರಣ ಮುಗಿಸಿರೋ ನಟ ಯಶ್ ಇದೀಗ ರಾಮಾಯಣ ಸೆಟ್ ಗೆ ಎಂಟ್ರಿಕೊಟ್ಟಿದ್ದಾರೆ. ಮುಂಬೈನಲ್ಲಿ ನಿರ್ಮಿಸಲಾಗಿರೋ ಅದ್ಧೂರಿ ಸೆಟ್ ನಲ್ಲಿ ಕೆಜಿಎಫ್ ಸ್ಟಾರ್ ಯಶ್ ಫುಲ್ ಮಿಂಚುತ್ತಿದ್ದಾರೆ. ಇನ್ನು ರಾಮಾಯಣದ ಆಕ್ಷನ್ ದೃಶ್ಯಗಳನ್ನ ಹಾಲಿವುಡ್ ನ ಖ್ಯಾತ ಸ್ಟಂಟ್ ಡೈರೆಕ್ಟರ್ ಗೈ ನೋರಿಸ್ ಕಂಪೋಸ್ ಮಾಡ್ತಿದ್ದಾರೆ.
ಯಶ್ ಜೊತೆ ದೃಶ್ಯವೊಂದರ ಬಗ್ಗೆ ನೋರಿಸ್ ಚರ್ಚೆ ಮಾಡ್ತಿರೋ ಫೋಟೋವೊಂದು ಈಗ ರಿಲೀಸ್ ಆಗಿದ್ದು, ಫುಲ್ ಕ್ರೇಜ್ ಕ್ರಿಯೇಟ್ ಮಾಡ್ತಿದೆ. ಹಾಲಿವುಡ್ ನ ಮ್ಯಾಡ್ ಮ್ಯಾಕ್ಸ್ ಸರಣಿ ಸಿನಿಮಾಗಳಿಗೆ ಸಾಹಸ ಸಂಯೋಜಿಸಿದ್ದ ನೋರಿಸ್ ಇದೀಗ ರಾಮಾಯಣ ತಂಡ ಸೇರ್ಪಡೆಯಾಗಿದ್ದಾರೆ. ಜಗತ್ತಿನೆಲ್ಲೆಡೆ ಸಾಹಸ ಸನ್ನಿವೇಶಗಳಿಂದಲೇ ಮನೆ ಮಾತಾಗಿದ್ದ ಮ್ಯಾಡ್ ಮ್ಯಾಕ್ಸ್ ಸರಣಿಯಂತೆ ರಾಮಾಯಣದಲ್ಲೂ ಅದ್ಧೂರಿ ಆಕ್ಷನ್ ದೃಶ್ಯಗಳನ್ನೀಗ ನಿರೀಕ್ಷಿಸಬಹುದಾಗಿ.
ರಾಮಾಯಣದಲ್ಲಿ ಯಶ್ ರಾವಣನ ಪಾತ್ರದಲ್ಲಿ ಆರ್ಭಟಿಸಲಿದ್ದು, ರಾಮನಾಗಿ ರಣಬೀರ್ ಸೀತೆಯಾಗಿ ಸಾಯಿ ಪಲ್ಲವಿ ಅಭಿನಯಿಸ್ತಿದ್ದಾರೆ. ಯಶ್ ಮುಂದಿನ 60ರಿಂದ 70 ದಿನಗಳ ಕಾಲ ತಮ್ಮಪಾತ್ರದ ಸನ್ನಿವೇಶಗಳಲ್ಲಿ ಅಭಿನಯಿಸಲಿದ್ದಾರೆ. ಇನ್ನು ರಾಮಾಯಣ ಸಿನಿಮಾದಲ್ಲಿ ನಟನೆಯಷ್ಟೇ ಅಲ್ಲಾ ಯಶ್ ನಿರ್ಮಾಪಕರಾಗೂ ಹೊಣೆ ಹೊತ್ತಿದ್ದಾರೆ.
